（年經） 脫墨

有呀 好似暗瘡紅紅地咁
要差唔多成個幾月先冇咁紅

之後有無搽除疤膏

今日去左脫墨，可能因為疫情所以少啲人，診症加麻醉加脫兩個鐘搞掂，而家等傷口埋口睇下咩樣先

破咗幾多費

埋單10000，一粒大3粒細，大要聯針

醫生有冇話有咩要注意？例唔好曬太陽個啲

淨係叫唔好多手咁快r結招既地方，食嘢都唔洗特別介口

祝絲打愈嚟愈靚

呢幾日特登留係屋企，唔出街就唔洗戴口罩，等皮膚透多啲氣，唔知會唔會快啲好

我都琴日脫咗，打算聽日照去行山

埋單幾錢？行山會出汗好似對傷口唔好

做完就靚靚

3mm墨但有毛加突起係咪會貴啲 好憎自己粒墨但又好貴 想知少少大約個價有個心理準備

Lm

相隔幾個月，終於有時間再黎分享下。利申：我係完全冇戒口，咩都照食嘅。

做完第一個星期都係keep住會有少少血，但去到第8日已經好好多，每日沖完涼就換膠布，睇到係埋緊口嘅。








去到第15日撕開膠布清潔時發現有塊好似死皮嘅野，用酒精濕紙巾輕輕抹下就甩左。

第18日約左去拆線，準時10:45a.m.去到，果然就唔洗等喇！鍾醫生首先就睇下個傷口埋成點，然後話傷口下半部未埋得曬口，所以今次只會幫我拆左上面條線，要一星期後再黎過。拆線係好快同完全唔痛嘅，拆完再貼半塊膠布就走得。

拆線之後明顯會有條線嘅印，第20日又有D好似死皮嘅野，同我本來預計會有嘅焦唔同，都係用酒精濕紙巾輕輕抹下，其實我冇專登整甩佢，但佢自然就會甩。

話咁快又一個星期，再去拆線，醫生話埋得好好，粒墨已經係連根拔起唔會再生，之後就係等疤痕慢慢淡，因為我粒墨算大，所以要幾個月先會再好D。由做嘅嗰日計起半年後再去複診。為左令疤痕快D冇，我喺診所買左去疤膏($60)，間唔時搽下，求個安心咁啦！醫生話我已經可以照洗面，去街化妝可以搽遮瑕膏。

拆完線後都隱約見到條線嘅痕跡，隨住時間過就剩返Ｄ粉紅色嘅疤，化妝之後係完全唔覺哩度曾經有粒墨嘅，摸落亦都係平滑嘅。


黎到第99日，肉眼好近咁睇依然會有淺粉紅色嘅疤，但同人有正常距離時對方話完全唔覺。我個人係好滿意花左哩$12300，因為我唔洗再成日用頭髮遮遮掩掩，可以好放心紮馬尾之後冇細路問我嗰粒咩黎嘅。

半年後複完診希望會更加唔覺啦！

有冇師兄update 鍾醫生最新價錢同情況
打算黎緊去脫

雖然鍾真係有料 但都收得幾貴
其實佢都係用部激光機咁樣脫 有冇其他醫生好介紹？
上年係鍾脫左粒都要$5000

用除疤膏傷口好返得閒就搽