（年經） 脫墨

好似冇 醫生好似都冇特別提
但我記得坊間話唔好飲生魚湯之類 費事有肉芽

請問當時有無用去疤膠布，啱啱拆線，傷口有d凹

埋口個位有紅印

使唔使戒口

前幾日去左鐘醫生睇。。 屌 好撚貴 成5800 一粒

除咗鐘仲有無推介？
淨睇醫生報價都要800
上到去又唔知實收幾多錢

推 仲有無醫生推薦
鍾個價錢太誇張 1粒價錢由2千去到萬幾銀
真心做唔起

想請問大家鍾經略醫生有冇得walk in睇？
家母眉下一粒癦有咗幾十年
呢幾日話粒癦掂到會痛 好擔心係有癌
想盡快去脫咗佢

有 佢好得閒禁

即日做唔收診金

如果係嘴唇上嘅墨咁點

各位好，喺度得到好多資訊，係時候回饋一下，報告下我脫墨嘅經歷。

上網搵「脫墨」「醫生」馬上見到鍾經略醫生D實例，反正我都唔知邊個好，姑且打電話預約去睇下。約左11:45但等到13:00都未有得睇，建議各位唔想等嘅巴絲打約最早10:30，咁先可以慳返D時間。
診所係寬敞、坐得舒服嘅，可惜冇WiFi。


終於見到醫生，佢睇過我粒墨，俾左3個方案我：

方案1：用手術完整咁割粒墨出黎，優點係可以拎粒墨去驗下係良性定惡性，缺點係傷口會大，因為要連埋墨旁嘅皮黎割，起碼要縫四至五針，仲有好貴，叫價$14000(未計拎去化驗嘅費用)。

方案2：用激光一次過做，好處係傷口會細D兼一次KO，但睇落我粒墨咁大(我自己喺屋企用間尺度係1cm)，點都要縫兩針，價錢係$12000加$800縫針費。

方案3：將粒墨一分為四，分四次做。(由於咁即係要我成日山長水遠過海去中環，我完全冇興趣，所以我連好處、壞處都聽完即刻忘記左……)

我既然已經黎左，又浪費左成個幾鐘等，唔做真係運桔，於是咬緊牙關揀方案2，一了百了做左佢！我厚住面皮嘗試講價，叫鍾醫生收平D或者順便幫我激光埋面上一粒好細嘅，佢話冇得咁送，要逐粒墨計，嗰粒唔凸又勁細嘅墨都要收$2000，咁我今次哩粒過萬我都明嘅(=明同唔肉痛係兩回事=.=’’)最終鍾醫生平左五百蚊俾我，哈哈，埋單係$12300！

護士幫我塗左D麻醉藥膏，又要等40分鐘，我最怕就係等，所以搵D頭髮遮住就落街食左個快餐先再上返去。一上到去就被叫入房，攤上床做得。抹走D藥膏再打左一支麻醉針，真係完全唔痛，聞到少少燶燶地嘅燒焊味，同我幾年前去美容院脫晒全面D細墨一樣氣味。好快就做完，醫生會俾鏡我睇下，嘩，真係挖左一個窿咁，冇血嘅。最痛一下係縫針，人生暫且好好彩未做過手術，所以今次係我第一次縫針，嗰種痛都叫做可以忍得到。前後大概用左十五分鐘就脫完。醫生話宜家D皮有少少摺起係正常，14-16日後再去拆線。我問醫生要唔要戒口，佢話西醫唔會叫人戒口，所以我照有食雞蛋、牛肉、珍珠奶茶之類，真係冇戒口喇！

出去俾錢時收到14粒抗生素(每日2粒，飯後食，要食晒)、12粒止痛藥(我冇食過)、一堆膠布同酒精濕紙巾，之後就係等自己埋口喇！

做完第一晚沖完涼我就換膠布，明明完全冇濕過水同掂過個傷口，但膠布都染晒血，真心驚！用酒精濕紙巾輕輕抹下，就貼返膠布，瞓覺都唔敢轉身。

瞓醒一覺，仲驚！膠布被血染嘅程度嚴重左，明明做嘅時候血都冇滴呀！

一到辦公時間我就打電話去問，護士話流血係正常嘅，只要唔係流唔停，連膠布都吸唔晒，咁都係冇問題嘅。之後情況係有好轉，我早晚會換一次膠布，D血似乎係少左嘅。

今日係做完嘅第三日，我有一個擔心係睇落傷口低D嘅位置仲有D黑色好似墨嘅野，希望唔係脫唔晒，留左根。醫生包一年內再脫一次，但係人都會想一次搞掂嘛！

我得閒會再上黎包膠一下，拆線後亦會再分享，祝我好運囉！

2020開始睇宜嗰post
今個星期終於做左
有2粒連埋針
希望唔好有疤
本身皮膚唔算太好

想問係咪話飲多d水，補充維他命C會好啲復原傷口

幾錢

我上年12月做 都有聯針
但拆線之前都keep住戒口 驚佢有印
同埋面部動作唔好咁大

想問聯針仲會唔會結痂

會呀

但最緊要唔好整甩佢 唔係會留疤

我十日後先拆線
一般幾耐會結痂

差唔多一個禮拜到
我嗰時等咗兩個禮拜先拆線
拆線嗰時連埋痂皮一齊甩

哦，咁即係到時啲焦會包住啲線？

係線包住啲焦

我有粒係嘴下面
可能因為食野刷牙，搞到傷口有啲深色，似係啲凝固左既血

巴絲你拆完線之後傷口仲有無紅