（求救）有無人自細比父母精神虐待？

me
btw, 點self diagnose...

佢會有報應

樓主好堅強加油呀

我都係由細到大長期被精神虐待 情緒勒索
佢知道我鍾意啲咩就會用嚟做把柄要我服從佢
佢人生嘅錯誤都歸咎於我
生我落嚟係意外 但又支配我嘅人生去彌補佢嘅遺憾
有幾年仲肢體暴力 打到流鼻血 頭頂腫咗 第二日仲要返學
單親家庭無兄弟姊妹真係好無助 困獸鬥咁
試過同佢講我嘅感受
但佢只會否定我 連我開心唔開心都可以係錯
喺佢面前我永遠唔可以係我 唔可以有自由意志

離開過佢 然後又衰心軟屈服返咗去
之後又再炒大鑊走佬 唔聯絡一年半載 來來回回過幾次
早幾個月好攰 想大諒啲既往不咎包容佢
只係想搵一個穩定嘅模式同佢相處 始終都係我阿媽
同佢深情剖白 佢嗰一刻好似好理解㗎
但只係一種手段 扮可憐想我返去 跟佢嗰套
協商咗嘅又唔跟 得寸進尺
所有溫馨都係佢營造嘅假象 令我信佢真係改變咗
甚至令我懷疑係咪其實係我錯 放大咗自己嘅唔開心
但一當我逆佢意 佢就會侮辱我話我低賤人渣 話我個種似老竇都係賤人一個
所以近排都係疏遠佢
我唔想用自己嘅人生被所謂孝道支配勒索去迎合佢
等我又再心軟 又或者儲夠力氣先去應付佢

樓主真係要儘快遠離施害者
人生得一次係自己嘅
佢已經影響咗你好多年 童年仲要係影響人生最深遠嘅
唔可以俾佢影響一生
就算念在係血親 都要照顧好自己情緒先可以關顧佢
唔好期望佢會認錯會改 就算佢點低聲下氣都唔好信
因為佢精神虐待得你 代表佢自己情商極不成熟
只會好似小朋友發癲 覺得自己啱晒要所有人遷就佢
一個人活咗大半生都情緒咁唔成熟 真係唔會改變到

不過依個年紀要遠離佢真係好難
我都讀緊大學只係好彩可以去朋友度住住先 最壞情況都可以去搵我老竇
唯有了解多啲自身情況 我多數睇Youtube School of Lifehttps://youtu.be/XdE17nu0zdo同https://youtu.be/4uDLqL3zxr4
樓主要加油 披荊斬棘之後嘅你一定會幸福

真係可以搵社工幫下手，可以轉介你去住啲單身女生宿舍，唔好再忍落去啦搬走啦，唔好俾佢繼續影響落去，係時候要分開下

打一鑊就好。我都係過來人，果陣忍唔住爆佢老母，佢聲唔夠我大 道理唔夠我講，就想出手，然後打都唔夠我打。

至此即刻勁鵪春，講到尾都係欺善怕惡

我明啊。
我已經30歲了，搞到每次只要有人好大聲喝我/黑我面，我就會心跳，手震，頭暈。

可以打到出黎都唔容易，文字都感受到有好多好多既痛苦，自小缺乏被愛好似有先天缺陷，而呢份痛苦得你自己最清楚。

人生一但未走完，都會有唔同既人出現，希望將來可以比你遇到一個人，給予你意義及無條件嘅關懷，可以係師長輩，可以係朋友，可以係伴侶，咁你就有力量走出去，學識愛自己。

興趣，搵下自己有乜興趣，總會有少少野鍾意，可以令你從痛苦當中暫時抽離，行得更遠。

我是討論區既某人，你打出來的，我完完整整的看完了。

我之前都係咁，可能因為我讀書唔叻，佢覺得冇面，就處處睇我唔順眼；或者佢返工辛苦，返到屋企就會搵個弱小既出氣。我以前唔識反抗，我係覺得委屈，我咩都冇錯，點解冇拉拉鬧鳩我？我喊反而佢仲鬧得更恨。

thanks....，一邊打一邊喊，之前同過一兩個朋友講、當有人安慰都會眼濕濕喊出嚟，但呢世都好似無法解決。
Btw巴打/絲感覺少似社工，多謝你肯入返嚟個post留個言

樓主，我感受到你活係嗰個屋企嘅痛苦同恐懼，佢由細到大對待你嘅方式已經對你造成好多傷害。我相信依家呢一刻最幫到你嘅就係暫時離開，保護自己嘅安全最緊要啊。

好想同你講，你一直以嚟所受嘅對待、 折磨並唔係你嘅錯。雖然係邊個家庭出世，你無得選擇，但你仍然有權選擇將來嘅人生點過。

我Feel到你係一個好成熟嘅女仔，你好了解自己內在嘅感受，亦都嘗試了解你啊爸嘅行為。其實你講得好啱，佢做好多野都係精神虐待，或者係一啲情緒勒索，仲有好多好多passive aggressive，即係未必直接將佢啲情緒發泄係你地身上。

我知道你啊爸啲說話一定好難聽，不過don't take it personal，因為其實佢根本都唔知自己做緊咩。例如佢話你出去跑步嘅時候屋企先最寧靜佢先休息到，但其實發最多脾氣最嘈嗰個就係佢。

真係頂唔順嘅時候，記得要搵人呻下啊。我地每個人都有負面情緒，好正常的。要舒發出嚟先可以令自己身心更加健康啊。如果真係搵唔到人呻，可以試下將自己當刻嘅感受，唸法自由咁書寫係張紙上面，最重要係可以比你有一個空間表達到你嘅情緒。或者睇下你有咩興趣？畫畫，跑步都得架。

最後，臨時住宿方面，除咗明愛向晴軒，你都可以留意一下協青社嘅危機住宿中心（需要社工轉介），個到都可以比啲有需要嘅年青人暫住。

我唔係社工，唔需要係社工先懂得同理人，我認為同理心同讀書同職業無關，但同人既經歷有關。安慰人鼓勵人並唔需要專業。

不過分享下我的確讀梗同人本主義有關既課程，你不如試下睇一本書，叫自尊的6大支柱，是我lecturer上堂時介紹的，雖然我未睇，但聽佢簡介都好似幾好。可能可以帶比你一d有關對自我，自尊心，自卑感既啟發。

如果你生命有乜野唔明，唔了解，迷惘，就去搵答案。好奇心我覺得都係生命力既一種，幫自己生命賦予一個自己決定既意義，先可以暢快地走落去，而意義亦可以隨心轉變，存有意義就會不停有力量滾存。

生命力是自然的，就好似依家咁，你喊住咁打字出黎都係生命力使然，你既吶喊有時會有人睇到，有人睇唔到。但假設你不作吶喊，我便永遠都不能回覆你的說話。

相信自己嘅生命力，我想大概「比D掙扎」都係差唔多意思。

你講得無錯，家庭系統理論當中，父母既情緒往往會傳比家中最弱小既人。明顯地佢地情緒都長期不穩定，並唔係你既問題，而係好似水向低流咁物理既事。你察覺到佢其實係唔正常都已經算行前左一步。

香港真係有好多呢d父母，之前連登個post三四十頁都未講完
我細個個陣阿媽都好似你老豆咁
直到廿幾歲 為左擺脫呢種令人折磨嘅生活，直接去左2次wh擺脫佢，亦冇打算返香港。而家同老母關係好左，佢都有同我道歉 後悔以前咁對我，但做錯嘅野已成定局收唔返。
樓主你仲未出黎做野，好似上面巴打咁講，捱多陣到畢業搵份工，住劏房又好點都好，即刻搬出黎住，家用唔好比，老死不相往來，唔好心軟，因為佢根本唔配做人老豆
如果而家真係頂唔順，唔好死忍，去第二度暫住先，做下運動，甚至係睇書，暝想 可以上youtube search下，可以平伏你嘅情緒等你冇咁辛苦
我唔會講加油2隻字，因為太難聽。希望你儘早擺脫佢，過返個屬於你自己嘅快樂人生。

完全同意，雖然鼓起勇氣離開屋企唔容易，但出路相對地變多，困係屋企你只會有相同結果。

而斷左呢條精神虐待關係鏈，對而家社會情況都好適用

有，好想殺左佢地

樓主而家情況有無好d？