（求救）有無人自細比父母精神虐待？

長文-本人的親身經歷

每個人都希望得到父母的關愛，但有些人是得不到的，如我。

從小關於爸爸的記憶中，沒有愛，只有一個易怒、暴力、不負責任的陌生人。

一下又一下的掌摑和鞭打，一次又一次的體罰和侮辱，是我對爸爸僅有的印象。他口中說出的每個侮辱的字眼，深深地陪伴我成長，讓我也以為自己是一個無用的人，覺得自己不配被愛，不值得被人關注。

對他而言，我是一個隱形人，只有當他想找東西發洩怒火時，我才忽然變得耀眼。

以前不懂事的時候，很容易因別人的一句話而不開心，加上說出傷害說話的那個人是你至親的人，感覺更加難受，沒有成為一個自閉的人算是萬幸。

現在長大了，自然不會把別人的說話放在心上，但親人的情感傷害，卻使我的成熟毫無用武之地，因為對方始終是你在乎的家人。

長大後，懂得一些法律常識，再加上懂得反抗，沒有再被打了。但這不代表他的虐待結束，他懂得如何在精神上使用暴力，例如把脾氣發洩在物品上、故意弄出巨大聲響，好讓全世界知道他心情不佳、他很不滿，甚至還會幼稚地故意不理睬你，讓你難受。

這一招對他的家人很奏效，每次都讓人膽戰心驚，不知道自己做錯什麼惹他不高興。你發現，原因是你因不肚餓而不吃他煮的飯讓他覺得不被尊重；是你在他需要用廚房、廁所時佔用了，阻礙他的生活作息；又因為你在一間所有聲音都能聽得一清二楚的屋裡走路時製造了聲響，讓他無法睡覺；還有因為你一句無心的說話而傷害他玻璃般脆弱的心靈，惹他生氣、不爽。

初時你會感到無奈、害怕，每個動作都小心翼翼，以免他又再動怒；還會內疚，覺得是自己的錯，很希望能做點什麼讓他消氣。

但後來你了解到，這種行為叫精神虐待，他的暴力從來沒有停止過，一直以來都在精神上折磨著你，你發覺人真的很神化。

這些行為見得多了，自然習慣了，我知道無法避免，但要保護自己，所以選擇無視他，不再理會他，趁著反修例運動的意見爭執而乘機和他決裂。之後的日子一樣可以過得很好，就當從來沒有這個人存在而已。

我以為這樣就可以過自己的生活，他用行動告訴我：不可能。他繼續他的情緒暴力，儘管我已經不理睬他，儘管處處遷就、像避鬼一樣避開他，但他依然用同樣的方法讓我無法好好過活，常常一不滿意就拿東西出氣，好讓我關注他；明知我討厭煙味就故意不停在屋內抽煙，讓我不能無視他。

發現無論做什麼都好像讓他看不順眼。或許軟弱的人容易被欺負，像我和媽媽；或許他真的恨我入骨，因為我不理他、不陪他玩這個幼稚遊戲；或許他的生活太空虛了，需要找個人來憎恨以轉移這種空虛感，而我剛好督眼督鼻。

我更發覺，負面情緒像疫症一樣會傳染。他的性格孤僻，是那種覺得全世界無個好人、一不順意就覺得別人故意刁難和針對他的人，因此他沒什麼朋友，連親戚都投訴他難相處。儘管我不停地警惕自己不要被他影響，但一起生活還是無意中接收了他的負面思想，有時我會隔絕自己，覺得世界很灰暗，一點意義也沒有。而更令人害怕的是，一旦負面思想展開，只會不停惡化下去⋯⋯

直至今天，他又玩起這個幼稚的把戲。先發脾氣，見我無動於衷，於是叫我搬走，重施當初向媽媽提出離婚時的伎倆，企圖讓對方崩潰來獲得滿足感，以及讓對方在他的視線消失。（那他就可以自己獨霸間公屋）

我又何嘗想每天對著他？不知道自己哪裡又得罪了他，不過原因已經不重要了。但為什麼要我搬？

我要讀書，兼職賺的錢僅僅夠交租和生活，他賺錢比我多，要走也是他走。況且即使我搬走，他一個人也不能住在這間公屋，要搬去更細的單位。我很理性地和他說這番話，可能與他期望的崩潰反應不同，他於是變得很激動。說著說著，他說即使他下半世要坐監，我也要一世坐輪椅。是威脅要傷害我嗎？這招對我沒有用，一個連死都不怕的人，恨不得對方成全自己。

我的生活已經很不容易，還要對著一個自己討厭和害怕的人，每天都感到很無力，無力改變生活，無力離開傷害你的人，無力討人喜歡。

我的煩惱和困難從來不對別人說，表面上裝作開心無憂，因為覺得每個人都有自己的難關要過，加上即使是你的至親都不關心你，沒有人會真正關心你過得怎樣。

但是，今次我覺得自己快要崩潰了。我不想再受這種折磨。我知道除了搬走，根本無辦法解脫，但以我的經濟能力是無辦法搬出去。我不怕他發癲時會傷害我，我怕他會做很多小動作去擾亂我的生活，例如掉了我的物品、證書（那我便真的一無所有了），還有故意製造噪音、弄髒地方、烏煙瘴氣等等。

到底我可以點做？我暫時還未打算死，所以想向人求救，很擔心再這樣的話會有一刻我不想再堅持下去。

最後我想說，精神虐待從來不比身體虐待的傷害少，尤其是對長期受至親身心虐待的人。

樓主男定女，下一步可以好唔同喎

係女

你似曬命多D，呢D係未叫二次傷害..

有冇得等佢公屋都冇得住
訓街？

讀緊咩？有冇得住hall?

同樓主差唔多
不過好彩老豆係周期性咁發癲
起碼有段時間唔使俾佢煩到

其中一個方法。。。
你去屋企附近嘅綜合家庭服務中心，會見當值社工，同佢講你嘅情況。

佢會可以安排你入住一啲短期宿舍，例如明愛向晴軒。呢個可以唔俾你爸爸知道你去求助。

長遠黎講，社工應該可以幫你申請另一間公屋，不過就要排，而且你首先要除名，難免你爸爸會知道。

另外，你有無你會願意去投靠嘅親戚朋友？喺佢哋度住住先。

多謝你！我會試下
有親戚但唔想打擾人地，同埋唔想人地可憐同睇唔起

讀緊HD，無得hall

睇晒，你未脫離到佢之前唔會有新生活。
但礙於你依家力量不足，你只可以加強自己實力，不限於讀書，更加需要建立一個疏導情緒的能力。

資源有限之下，你可以

1.同信任既人講多d，找一班人同你同行，或者認識下新朋友，世界好大

2.找圖書館中講家庭系統既書，黎認清你老豆既情緒病真相，敵人可怕是在於你不了解，你了解左就會喺佢影響你情緒時有警覺，你自然會搵到力量，即係如果你明白佢點出招，你唔會驚佢一樣道理

3.做運動，一定要，因為運動抗抑鬱，你唔做連上面既事你都唔會想做。

4.有需要搵社工，社工係要佢開Case, 等將來如果需要中轉屋有社工信或其他醫生証明可以有野比房署睇，當然有機會遇到好社工，但唔洗抱太大期望

5.最後，你要學習理財，要搜集資料用Excel計好生活成本，然後將來搬出去都有預算，呢個都係你自立既成本，係你既目標

一點一滴建立自己，如果依家放棄，比賽就結束，相信自己既生命力。

咁佢發癲時你會點做？
如果唔理佢，佢可能會更加癲；但如果理佢，又好似中咗佢嘅圈套，比佢得逞，以後會繼續咁做。

我覺得某程度上，佢地係社交能力有問題，唔識表達自己，想引人注意，同時透過傷害人地黎獲得滿足感，有小小心理問題

https://youtu.be/r1Fx0tqK5Z4

Sometimes it's better to let someone go, 盡能力搬走, 再盡能力將以前嘅事埋係心底嘅角落

而家有好多夾租嘅單位或者劏房, 樓主你可以認真考慮下, 可惜我搵錢唔多, 如果唔係都想係經濟上幫下你

你講得好啱，我需要脫離佢先真正做到自己。

依家都盡量番多D工儲多D錢，奈何咁嘅時勢，想搵多份工 見好多parttime都唔請..

我本身有定期跑步，但夜晚跑完番屋企，他通常訓咗教，我已經動作勁細聲都比佢話吵醒佢，仲要痴線到mark低我幾點出去，幾點番黎，話我出去跑步果一個鐘幾他先真正有得訓..行步路都有聲我都唔想...

我唔理佢
然後佢自己會匿埋喺房癲

問學資處借grant loan/低息先，財政短期內唔駛受壓，有咩事可以即刻搬出黎

我阿媽由細都成日精神虐待我，搞到我抑鬱好多年，自己喺房喊、佢嫌喊聲聴到佢心煩衝入黎打到我無喊聲為止，同佢鬧交佢又會叫我跳樓死左去、一係就叫我唔好住、最衰個次佢唔准我返屋企；但佢調轉頭又會開口要求我認愛佢，我話我想搬走又爆喊話我唔要佢、成日要我讚佢叻、讚佢做人阿媽做得好

依家我都係同佢住，我覺得物質上配合佢，佢個姿態係收斂左d，心理方面佢知我唔會配合任何心理要求，好少自己撞鐵板，段關係由自己話事，挫敗感會低d，佢可以食住你，就係因為佢知你在乎佢

我有同阿媽攤牌，同佢講返因為細個太傷苦，所以我無法愛佢，但我會養佢，講多左佢開始接受到，我自己都舒服d，我做左為人子女既責任，又保持返自己既底線

搵信任嘅人又肯長期聽你講嘢真係好難
我之前都有同啲friend講過
佢哋都願意聽
但係講多兩次佢哋就有啲唔耐煩
我都費事再麻煩到佢哋
其實好多時有個人聽我講下嘢已經好好多

多謝你嘅好意，我會靠自己 希望盡快儲夠錢搬出去

同你情況差唔多 我用武力話佢聽之前細過果套行唔通就無左暴力行徑 啲小動作就無視 當佢係畜生就得
都一早決定咗唔會去佢喪禮 同佢講埋
不過女仔就真係難搞啲

所以先要更訓練自己既意志，因為佢既逼害是真實的。唯一可以挨過苦難既方法就係意志同希望，唔懂得就要從書本裡面學。有人同行、鍛鍊體魄可以令你暫時止痛，令你走遠D。了解對手可以令你刻服恐懼。找尋協助同計劃搬出帶比你盼望。而做到幾多就係你有幾想生存。

天下無不是的父母是on lun 9的，你面對的是不幸。但如何喺不幸中生活，係自身既選擇。呢種父母香港只會愈來愈多，你並不孤單。

佢原生家庭應該都冇愛俾過佢。

好既朋友通常都一定會聽幾次，但如果你期望佢地可以幫你解決情緒問題，咁你自然會好痛苦，因為佢地根本做唔到。

朋友幫你解決情緒問題，最好既方法係同你一齊分散注意力，比如話一齊玩，一齊做運動，咁已經好好。

想We connect，找出類似你經歷既書/文章，看看別人是如果挨過痛苦比較實際。朋友不是你，不要怪他們不能接受你放負，不是同一人，不可能完全明白。