(嚴重FF輕鬆愛情同居故)我與貓系女室友的二三事 (結局)

155 回覆
59 Like 0 Dislike
2020-08-11 04:25:34
聽晚幾點?
2020-08-11 17:25:17
2020-08-11 18:35:00
今晚11點
2020-08-11 20:49:02
留名 樓主終於翻黎
G持!
2020-08-11 21:32:53
仲有個半鐘⋯⋯等唔切⋯⋯btw新讀者留言,啱啱由頭睇到呢度,一路睇一路就代入櫻花莊的寵物女孩個女主 I.e. 椎名真白落去Man度,不過凌絲冇睇過有輕微嘅失望⋯⋯嘛,反正都係Pet Girl屬性,一定幾似下。

輕鬆故果然輕鬆,溝女嘅比仔溝都得
2020-08-11 22:37:05
Ch.45

「Hello 呀Man!」家強勁興奮咁向呀Man打招呼。

呀Man見到家強咁開心咁興奮嘅樣,表情有啲奇怪。可能佢想像唔到家強會玩Mary。

「Hi⋯⋯」呀Man揚起勉強嘅笑容同家強打招呼。

我唔單只替家強感到無比嘅尷尬,宜家仲覺得佢好樣衰呀!家強仲要笑笑口咁望住呀Man。我諗宜家呀Man眼中嘅家強一定係一個金魚佬咁。

我望一望家強身後面企住一個女人⋯⋯

屌!呢個咪係魔女!早排家強唔係好撚頹,話魔女唔撚理佢,唔知做咩好傷心咁。但宜家好似個情況逆轉晒咁。

家強佢春風滿面,而魔女就小鳥依人咁靠係佢身邊。

佢唔係話魔女係好野蠻好似老虎咁嘅咩!做咩宜家魔女咁含羞答答咁望住家強?唔通家強變咗最佳馴獸師?

「你哋⋯⋯」我有啲猶豫咁問。

家強笑得好開心咁講:「哈哈哈!你無估錯!我哋拍拖啦!」

仆街!竟然搶先我一步!

家強勁明顯咁向我擠眉弄眼,好似慌死我唔明咁。屌!你咁樣係人都明啦!連呀Man都睇得明囉!

快啲走開唔好阻住我同呀Man啦!係到搞破壞!
2020-08-11 22:37:22
家強好似感覺到我嘅怨氣,就急急腳咁拉住魔女去座位坐好。

我同呀Man對視咗一陣,然後講:「今日⋯⋯又會咁啱撞到咁多識嘅人。」

「係啦⋯⋯」

我哋默默咁食完嘢之後就返咗屋企。今日無我想像嘅順利,反而有好多嘅阻礙。

呀Man嘅手仔又拖唔到,關係又無確定到,覺得男人嚟講我都幾廢下。

當我沖完涼出嚟就見到呀Man拎咗枝酒同杯出嚟。

「我知道點解覺得啱啱餐飯差緊啲嘢啦。」

係喎!啱啱明明食西餐,我竟然無叫酒!

唉!今日所安排準備嘅嘢完全錯晒!錯晒!

我走埋去坐係呀Man隔離,大家一邊飲紅酒,一邊傾計。講好多生活上嘅事呀⋯⋯

呀Man將來嘅畫畫大計呀。
2020-08-11 22:37:42
傾下傾下,飲下飲下都差唔多飲晒成枝酒。大家都飲到面紅紅。

有一瞬間,大家都深情對望住。唔知係咪酒精嘅催使下,我開始講出心底說話。

「sorry呀。原本今日安排好嘅約會,好似中途發生好多阻礙咁。」

呀Man聽到我咁講笑咗笑:「唔關你事嘅。」

「我仲諗住向妳表白,問妳可唔可以做我女朋友⋯⋯」我窒咗窒,發現自己唔小心講咗出嚟。

我望一望呀Man只見佢嘅眼神有啲迷蒙,嘴角有啲上揚。見佢好似無咩反應,我就慢慢咁靠近佢。

呀Man亦慢慢咁靠近我。

我輕輕咁錫呀Man一下,見佢無拒絕,甚至回應我。我就肉緊咁將佢拉入我嘅懷抱熱吻起嚟。

我將呀Man撲倒落梳化到,正當我解開佢衫鈕個陣,忽然佢部電話響起嚟。

佢一見到電話顯示立即清醒話嚟,立即接電話。

一接完電話呀Man口震震咁同我講:「Gary⋯⋯我好似搵到我家姐呀。」

第一部完
2020-08-11 22:41:08
出書會有番外 有關家強同魔女嘅故事

《我與魔女生活的everyday》

預計9月出書 到時會推返呢個post

第二部 為《我與貓系女友的甜蜜戀事》

預計下年年頭出文。
2020-08-11 22:43:17
下個故事介紹 書面語故事

《無法相交的平衡線》無數次穿越只為了與你相愛

感情最忌就是拖著。

「我們分開比較好。」

「我想我是變心了。」

「妳這是自我感覺良好。」

「我的心不是這樣,真的無分對錯,感情真的不能勉強,你懂嗎?」

這已經是第二十五次穿越,每一次他最後還是出軌走向她。

每次穿越還是分手收場,無論我為他作出多少改變也好。

每次分手都令自己痛到心坎裡,心被活生生撕開,鮮血淋漓。

明明每一次都令自己看清真相,被背叛,親眼睹到一切,親眼見他對她的熱烈追求,他們互相曖昧可是自己還是無法割捨… …

最後我們還是像無法相交的平衡線一樣,變成陌路人。

也許他們本應是一對,如果……如果我比她遲出現,也許他根本不會選擇我。

「妳… …還要回到過去,再跟他相愛一次嗎?」

葉雪瑜苦笑了:「每一次結果都是這樣,最後我發現自己心寒了。」

被背叛了無數次… …最後還是選擇她… …

真的要繼續嗎?

也許感情真的不能勉強… …

只有不愛時才需要一大堆理由。

約年底出文
2020-08-11 22:53:50


完得咁突然
2020-08-11 22:54:20
支持樓主
2020-08-11 23:07:48
雖然有第二部係好
但係真係完得突然咗少少
2020-08-11 23:16:01
可能因為過太耐先開po
2020-08-11 23:19:22
我覺得最尾飲酒表白嗰part可以詳細同長少少 而加個結局篇好似差緊個重點情節

btw新故一見穿越就load咗去想見你
2020-08-11 23:48:00
2020-08-12 00:00:36
Tracy家姐係唔係阿man?
2020-08-12 00:03:14
下年年頭,姐係要等半年
btw 聽日記得更新紙言,我想由頭睇過,下年年頭睇多次
2020-08-12 00:08:37
因為我寫得慢呀
個個故係幾年前諗落宜家先寫

我驚講10月/11月 到時交唔到功課。
2020-08-12 00:09:09
新人物 唔關Tracy事
2020-08-12 01:48:10
2020-08-12 04:52:34
等左咁耐原來差兩三篇就完第一章
樓主你加油啦,到你推post我再返嚟睇
2020-08-12 09:05:04
星期五先,但可能有錯字

星期五寫埋幾章外傳就出得書。
2020-08-12 12:24:23
出書一定支持
2020-08-12 13:39:22
岀書我會買
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞