頭先响公司樓下個公園有班細路見到隻飛唔起既雀，佢地圍住隻雀擾攘左一輪，其中一個跟手就捉住隻雀，然後佢地就開始研究。
最初佢地成班講既係唔知咩話黎，我埋去問「你地識唔識講廣東話架？」跟住佢地好開心咁話識，忽然就轉晒廣東話channel，流利程度令我聯想起講「屌你個非洲呀，我巴西架碌柒！」果個細路，所以我無問佢地係咪印巴。
佢地之後既研究內容，就係圍繞住點樣處理隻雀，主要當然係諗住救佢啦，D細路總有一種覺得自己可以拯救生命既幻想。不過我見個細路捉到隻雀硬晒軚，都估到隻雀擺唔耐架喇。後來班細路仲想學D電影咁，抛隻雀上半空等佢忽然翻生自己飛走。我就梗係叫住佢地唔好啦，可以想像到，佢一抛起隻雀，班細路we嘩鬼叫咁散開，跟住隻雀攤返落地，死埋，跟住其他細路就會一齊屌鳩抛雀果個整死隻雀。
不過唔好話D細路係咁，就算大人，都總會以為人人都可以成為英雄，然後又會屌鳩一D你諗住佢會成為英雄但係最終唔成功既人。
