牙科手術助理員同牙齒衛生員， 你哋覺得邊一樣較有前景？

挖一挖舊post

小弟已年過30，最近因為一啲事所以要轉行

想請教下我呢啲人有冇機會入到技術員/衛生員文憑？
如果有機會，我冇相關行業經驗，距離報名仲有唔夠半年，可以做咩準備？
感謝。

其實有心永遠唔怕遲，所以我相信唔會有咩問題。最緊要呢兩科唔好揀錯，因為job nature好唔同。
技術員好考你嘅art sense, 要有心理準備通常都係lab自己做自己嘢，冇咩同人嘅interaction。基本上係牙醫俾instructions你，你就做牙模假牙等。呢行都多男仔做嘅。
衞生員就相反，比較多對人，真係落手落腳幫人洗牙檢查口腔，都係自己做自己嘢，你可以揾一間有衞生員嘅診所試下洗牙，咁就可以知多啲衞生員洗牙係點。呢行比較少男士做，因為牙醫要為你請多位姑娘跟症，加上宜家covid，唔係咁多牙醫會請衞生員洗牙。
P.S. 佩服巴打，加油啊

多謝絲打鼓勵。
我自己砌開模型，希望有啲幫助。而且毒L性質嘅工作都幾啱自己。
如果衛生員男性行頭比較窄，都可能要再諗真啲。
Anyway，祝好人一生平安。

同問 冇相關資歷零經驗有冇機會？同埋漏左係信封上面寫網上申請編號 但副本有寫 會唔會有影響？

唔講唔知要郵寄🤮

Ching都係網上申請？

可以啊 你留？

想問ching係網上申請邊間？因為我之前想網上申請hkuspace 但佢個system話fail咗

兩位巴打都申請左衛生署牙科手術助理？
上網真係好少好少資料 好囉囉攣

想問絲打報dh個陣 如果只係年滿21歲但冇牙醫診所工作經驗 收唔收啊其實？你有冇同學都係咁？定係全部都係bio level3先報㗎？我見有人話你報就收你 因為我本身就讀完hd嘅 但想再讀個專科 可以高人工d

其實牙醫診所經驗佢都會收嘅，但我個年入學嘅同學都係讀／做有關醫療科系嘅，所以如果冇經驗，最好刨定書呢科嘅內容／點解想讀等等。
Bio底有就更好，因為真係會讀幾多Bio，大部分Mature Student都冇經歷過DSE，所以唔係每個人都需要Bio有3。不過有底子嘅話讀書會讀得舒服啲。
Btw個course係讀兩年，年中無休 真心似返工咁，另外係全英文讀，考試所有terms都係英文，要有心理準備。如果你本身冇做過／讀過相關科系，你可以prep下點解你會想由本身讀個科，再讀Dh?相信啲考官會問的！
另外你可以試下揾有Dh嘅診所book一個洗牙嘅appointment，親身感受下呢份工作要做咩，始終都係厭惡性工作，唔係人人接受到，可以試下諗下再決定！
Good Luck 啊！

巴打想申請牙科助護定洗牙師？ 牙科助護私人黎講冇經驗都會請，牙醫會自己train；政府嘅通常都會叫你讀左PPDH嘅DSA Cert先會請。至於洗牙師，基本上要讀完兩年HD，攞左個牌先可以做嘢。

想問下牙齒衛生員難唔難入？ 因為我讀緊牙科文憑， 想報牙齒衛生員，請問面試有冇咩要注意嘅地方？

唔該絲打
咁我報左名先 希望入到啦

難入又唔算，不過我會講係易入難出。面試主要用英文，問下你驚唔驚血，點解想讀等等

血我唔驚，如果無bio底，收嘅機會大唔大？有冇咩特別難答嘅題目 全程大約考幾耐？ thx

冇bio底但你講到同呢科有關／你自己好想讀其實都ok。難答嘅題目又冇乜 都係正常嘢，全程半個鐘到啦 加油啊

係咪你勁炸😂，精英？ 我自己都無底，所以讀定左個課程係關於依科，希望有幫助啦，想問多句係咪完全無自介個類題目？？完全好少有依科資料搵到，多謝你呀 好詳盡解答

係真精英就唔係讀呢科啦 有底除左interview會加分，讀上去都易掌握啲嘅。自介好似都有，ard 1分鐘到 加油啊

菲臘牙科果個？