牙科手術助理員同牙齒衛生員， 你哋覺得邊一樣較有前景？

想問一問有冇人了解呢兩個職位， 同埋呢兩個職位前景點樣？

想知一知私人市場大概offer到幾多錢人工同埋政府多唔多開呢兩個post？

同埋如果喺香港讀咗course同有相關經驗對移民有冇幫助？

thanks🙂

我google網上面都係咁講……但係我唔知私人市場個情況同人工係點樣， 因為網上面真係太少資料同討論

助理員：無乜特別...
衛生員：算係專業，去外國都叫有優勢

人工後者高點
請人方面就....
有見過衛生署請助理員，但好少見衛生員
衛生員好睇同牙醫關係....
好多時都係去私家做

牙科助理員，我覺得不如直接讀EN 課程
學ge野有用d, 同埋護士就真係屬於專業

牙科助理員，其實姐係牙科姑娘（DSA），其實巿面上有好多私人診所都請零經驗嘅人做DSA，牙科姑娘唔同RN，冇發牌制度，所以好多牙醫都會請無經驗嘅自己教。至於坊間嘅牙科手術助理員證書課程，主要係俾你認識多啲，有cert同冇cert主要差1-2k。如果你想係政府或者牙科醫院做，你就要一定考嗰張證書。前景方面，牙科姑娘請得快，都走得快，流失率都算高， 入行門檻低，所以都算易搵工。

牙齒衞生員（dental hygienist），簡稱洗牙師，宜家全港淨係得 菲臘牙科醫院有得讀，Full time讀兩年,佢嘅職業介乎喺牙醫童牙科姑娘中間，喺牙醫嘅指導下，進行洗牙，影x光片，氟化物治療等等。係香港有發牌嘅制度，要攞到牌先做得嘢。前景方面，起薪點都有18-20k,算係唔錯。讀完呢個course之後，你亦可以選擇再讀多一年，去做牙齒治療師（Dental Therapist）主要會入政府做,為18歲以下嘅兒童，進行剝牙，補牙， 洗牙等等嘅治療，即係學童牙科保健。移民嚟講，佢都算係一個專業醫護牌照，但始終其他國家嘅牙齒衛生員門檻更高，去到其他國家可能要再修讀其他課程，先能夠做到該國家嘅牙齒衛生員。

牙科技術員， 其實就唔使對人，喺dental lab到做，主要做假牙，牙橋，植牙嘅牙冠等等。 對藝術造詣要求非常高，如果你本身唔鍾意對人，呢一個會係一個好選擇，起薪點大約16k左右。 呢個課程同樣存講淨係得菲臘牙科醫院有得讀，雖然冇發牌制度，但牙醫都會要求你有嗰張證書先可以工作。移民方面呢個我就唔太清楚。

利申：牙齒衞生員

唔好意思， 想請教下， 呢排見到個Ling U同香港醫藥援助會合辦嘅牙科手術助理員證書course 資歷架構寫第三級 ，但同樣地菲臘牙科醫院嘅牙科手術助理員文憑都係第三級 ，前者價錢平一半而且係兼讀制， 請問知唔知有咩分別？因為見政府請牙科手術助理員寫住取得由香港菲臘牙科醫院頒發的「 牙科手術助理員證書」或「牙科手術助理員文憑 」 或已通過由衞生署或前醫務衞生署舉辦的「牙科手術助理員試用考試」，或具備同等資歷 ，請問行內人知唔知呢個同等資歷係咪姐係讀前者都可以？或者入呢行有冇其他野可以提點下？感激

其實宜家坊間都有好多牙科手術助理員嘅課程，但無論如何一定係菲臘牙科醫院嘅認受性高啲。因為始終佢係一間全面嘅牙科醫院，讀嘅時間長啲，佢full time嘅要讀一年，part time要讀兩年。據我所知，佢成個course都係英文讀，亦會去唔同嘅專科部門度rotation，學嘅有別於一般普通科診所。
如果你想喺政府度做，應該LingU同埋菲臘牙科醫院都係受認可嘅課程。但我喺上文都有講過，出嚟私家做牙科手術助理員唔一定要有讀過相關課程， 最主要係人工上嘅差別，又或者係你想去做專科牙科診所。如果你係純粹想俾自己體驗下究竟呢行係唔合適自己，或者想知道呢行係學啲咩，咁我會建議你去讀菲臘牙科醫院嗰個課程會實際啲，你學嘅同體驗嘅會多啲。
至於話呢一行有啲咩需要注意嘅，我會話其實係好睇你同牙醫嘅合拍度，因為牙科手術助理員就係企喺牙醫側邊輔助牙醫，負責叫patient入房，遞嘢畀醫生，吸口水，清潔好間房等等，基本上係照醫生說話做，難度唔算好高。工作大多數都穩定，都係朝九晚六/七，唔多需要帶嘢返屋企做，OT就睇下邊間診所啦，都算係幾好做嘅工。主要係你唔怕口水/血/痰就可以了~

牙齒衛生員出嚟難唔難搵工？
每年人工升幅點樣？？

宜家呢個時勢難啲，啲洗牙開下停下咁。
私家嘅話睇老細，起薪18～20k, 跟經驗／年資加人工。

係咪應該做住相關行業先會有大啲優勢碌入去？

如果你中學冇咩讀過Bio, 又自問英文唔算太好，（因為interview同讀書都用英文），我會建議你先去做下DSA, 姐係牙科姑娘。因為如果你有相關工作經驗，你係INTERVIEW會有大啲優勢。除此之外，因為做過Dsa, 你知道你自己承受接觸血，口水，痰嘅能力有幾好，可以試下先去考hygiene. 始終牙科姑娘已經係最唔埋身，如果咁樣都頂唔順，應該比較難做到牙齒衛生員。

其實冇咩問題嘅，我個陣讀嘅時候啲同學仔都好diverse, 有人讀完master返黎讀添 最主要你頂得住兩年讀足22個月，預左冇sem break冇咩day off, 返星期一至五9am～6pm等等，個返學時間同degree有啲唔同 但讀完出黎個前景都宜家為止都係ok嘅…

你分享搵工經驗得唔得

純好奇問下
純睇政府表，治療師雖然起薪最高，但上到頂都係同技術員差唔多咁
大概停係pt 28左右都上唔到

如果去HA/私人其實係咪好路數啲?
另外，就當我唔怕血，如果大學生想再謀出路，
part time讀治療師係咪最理想出路?

太空人話27k點計出來

日撚日望住人地個口都唔開胃

都係JobsDB 學校亦有時有intranet去linkup牙醫同hygienist

其實大部分practical嘅工都冇得part time讀，所以therapist只有full time. 如果想讀therapist,先要讀兩年full time dental hygienist, 攞左個牌再讀一年full time therapist, total三年。

又唔可以咁講，dental hygienist/ therapist 同technician嘅職能唔同。hygienist / therapist 真係對人比較多，接受污糟嘅程度亦要比較高，therapist甚至係對小朋友添。如果本身你係唔中意對人，咁technician會比較適合。Technician真係日日對住啲牙model, 唔會多同病人有接觸。

Therapist 隸屬於政府衞生署，所以只有政府會請Therapist, 而且係跟需要性開班，夠人手就唔會再開班。Hygienist 政府同私人都有請，通常私人開價會高少少。

Mean同Median嘅分別

都有好多讀完hygienist即刻讀therapist, 但hygienist大多數8月完course10月攞牌，therapist就大多數6月開學（今年因為Covid遲左，去到10月），所以通常都會有半年至一年經驗先入去讀