牙科手術助理員同牙齒衛生員， 你哋覺得邊一樣較有前景？

我係絲
做得呢行唔會唔熟嘅
Hygienist 今年開左班啦
hygienist 宜家應該多過廿個啊 therapist 得十個係真嘅
如果中意對小朋友，又想做政府工，therapist都有好多人揀嘅。加上therapist可以補牙mok牙（只限18歲以下），唔想淨係做洗牙嘅都會去考

政府都有請hygienist嘅
又唔好話哂，始終都係一科有牌嘅醫療輔助專業，都叫做有餐飯揾下。政府somehow都唔易做嘅，對住牙科保健啲小朋友同媽媽們都真係需要耐性，反而我自己宜家都幾中意hygienist呢份工 宜家係專科診所做，見識到嘅嘢都好多，洗下牙教下刷下咁又一日，又唔洗帶嘢返屋企做

冇考啊，宜家做得幾開心。加上想再攞下經驗先，therapist可以過多兩三年先考。始終限死左係政府做，出返黎又唔能夠因為有therapist個牌而做到啲咩，都係做返hygienist

我發現唔記得覆你呢個 就算私人請therapist, 都只會係用hygienist名義請，加上政府開得班就代表呢行唔夠人，所以入得去讀都會全數入返政府

其實Hygienist人工上限係幾多，升幅大唔大。
Btw其實係咪有所謂啲內部Job㗎
我見有咩Tutor instructor果啲都成六皮九皮野但冇乜detail冇乜人知
我諗therapist應該唔係表面咁既人工range掛，始終政府工 ，有內部job，我仲見有啲therapist係promote tooth education 搞活動講座果啲。

Hygienist 政府已經有range, 不過比私營嘅低。私營就睇你係fixed salary / basic+commission, 返工時數同返幾多日而定。始終間間唔同，有返咁上下經驗應該都上到35k嘅。
tutor instructor 係DH course請嘅，要起碼十年經驗，入過去讀就知點解咁高人工 學生愈黎愈多，老師又唔夠，搞掂教書（唔係就咁講書，係用problem based learning ），課程設計，安排schedule, 同上頭開會，安排唔同醫生教書，兩三個老師就要搞掂哂佢，所以咁高人工係原因嘅
Therapist 係有promote oral hygiene 嘅Therapist，通常都係做左好多年個啲，至於人工我估到都係政府個range, 除左轉左title

門檻高唔高 要咩學歷先讀得 / 做得entry role ?

我未多謝絲打咁詳細答問題，第一頁問過你野
睇黎真係太冷門，所以依D Post完全無人會問野
如果做同事搵你寫Report就岩哂

Technician Around 升一級就頂 (max pt 28) 再上得1-2個位
雖然上到最資深有pt 39 但唔使諗
Hygienist pt 5-19 (你係政府Hygienist ?)
Therapist 13-23 升一級max 28 但接近10個升一個

(以入政府角度) 我總結下，幫我睇下岩幾多 :
1. 假設當我大學生無技能去讀書，當我面試Pass，係咪可以分別連續讀Therapist同Technician? 係分開報分開面試的?
2. 我見衛生署最大果批係Therapist，接近年年請，相反Technician 3年先一次，請得又少，如果去讀，咪好似好大風險?
3. 承上題，正路係咪讀Therapist最抵屌，反正政府MAX都係咁上下。

我冇讀過PPDH嘅Dsa所以唔知啊 有讀過相關嘅course就肯定有幫助嘅 但既然你已經有讀過相關嘅course, 點解你唔直接出黎揾嘢做嘅？

想知邊個職業？ 牙科姑娘，洗牙師，牙科技術員，定係牙齒治療師？

唔洗客氣，我都知好冷門啊 宜家我係做緊私營機構啊～ 答返你問題先

1. 不論係Hygienist, Therapist定technician,全港都係得PPDH可以報。連埋DSA, 4個Course都係分開報同分開面試的。當然你連續讀係冇問題的，亦好大可能因為你有讀過相關科系而提高你嘅入讀機率。不過留意返Therapist係要先讀過Hygienist先可以入讀。

2. 其實Therapist係2016先開返，主要係因為有退休潮，政府都係睇demand and supply，所以每年開咁多位，都請得返咁多人，應該請夠人就唔會再開班。我相信technician都一樣係睇demand and supply

3. 如果講錢同穩定性嚟講，therapist係真心唔錯嘅 但如果你唔中意小朋友就真係唔好做 要係個成人身上落麻醉補牙剝牙都已經唔容易，更何況係小朋友呢？ 加上仲有家長在場，壓力都唔小的。始終入左政府就好少出返黎做，搞唔搞得掂小朋友真係要三思

想知洗牙師同牙科技術員
牙科姑娘爬左文我諗應該唔太洗學歷??
上面講個3個職業係咪女人會有優勢? 定男女都做得?

如果你係想做私營嘅牙科姑娘嘅話，你之前讀過嘅course已經好足夠架啦，牙醫通常會自己再教～

理論上 hygienist 係咪可以自己開鋪幫人洗牙
定一定要跟牙醫?

牙科手術助理員唔係專業，牙齒衛生員係

牙科技術員
見到菲臘話出到嚟做會用到CAD呢d 3D嘢
想知會唔會好難

利 鐘意畫畫（雖然比較廢）
睇完介紹有d興趣

洗牙師黎講，入學主要分兩類。第一種係DSE入去，要求DSE 5科2, 其中中，英BIO要3, 我個年入去嘅同學Best 5大約16～21左右。另外亦有一部分係有工作經驗咁入去，包括讀過/做過牙科姑娘/ 牙科技術員，其他專職醫療嘅Assistant, Dental sales, 甚至讀過Degree/ Master都會讀，所以都幾diverse

牙科技術員主要係DSE 5科2,冇其他advanced standing, 不過我始終冇讀過，唔知真正門檻高唔高。但我知佢對藝術造詣嘅要求都幾高。

牙科姑娘主要都係DSE 5科2, 有其他工作經驗嘅都會被考慮。

詳細資料可以睇呢道： https://ppdh.org.hk/en/training-programmes/

男女比例黎講，牙科姑娘十個有九個半都係女仔做；洗牙師男女大約2:8/3:7比；牙科技術員就五五比 洗牙師比較多女仔嘅原因係因為男洗牙師唔能夠獨自面見病人。正常洗牙師係可以獨自面見病人，變相牙醫要請多位姑娘跟男洗牙師嘅症，cost effectiveness 冇請女洗牙師咁高。男洗牙師揾工亦相對冇咁容易咁解

By Law要跟牙醫，牙醫唔係診所都唔可以自己洗牙，因為洗牙師係冇diagnose病症嘅權力。