逃避型依戀圍爐區

超級焦慮型絲留名
知道自己問題 覺得唔應該再拍拖 只會害左人
男朋友話唔介意 但我硬係覺得佢會好快頂唔順跟住就會好快分手

好辛苦

我冇乜資格去幫人，相反我係幫自己...remind自己要永遠對佢好，唔好白費之前做既所有野。

有部分人我都曾經叫比過下意見，只可以話我地做人要學會睇化、要學點開心、要學乜野係愛，更加要學會愛自己，唯有你自己快樂，先可以解決到問題。

假如終於到有依一日，我希望果刻既我會反省，然後去盡努力..... 但依一刻我相信一切只要無悔咁愛下去，我地既未來唔會差得去邊

樓上答係個位ching可以一齊加入討論！

「一起會鬧情緒，分開了為何依偎生命裡？」 - 遠在咫尺

如果巴打/絲打你想將來或現在維持本心，可能依句歌詞會幫到你！

但你內心係咪真係覺得佢黑人憎先

恐懼型入嚟留個名

講中晒同時覺得好內疚自己好似好衰咁

有次本身有個男仔幾有好感 可能個距離保持得幾好
但之後有一次我返Pt 放工佢無啦啦嚟接我話想送啲野比我 嗰次之後我就覺得好有壓力。。
即刻冇晒feel

我女朋友都同我講過，叫我唔好對佢咁好，佢會做唔返相等，因此會有壓力。尤其之前我成日講佢係我眼中好完美，但佢自知自己好多缺點，佢唔想我好期望佢超好而有落差，所以成日都講冇期待冇傷害

我明 我都講過類似嘅嘢會好驚對方睇到自己太重要 好有壓力

但其實你自己點諗？你係中意佢？口不對心？
最近我放鬆咗咁對女朋友，佢又好似好啲

我想知既然係逃避型依戀點解會拍到拖？
對方同你示愛果刻自己已經好想逃走。點解仲會拍到？

啱架喇一開始要比返多啲空間佢 等佢慢慢接受同習慣你嘅存在咁佢會冇咁大壓力 你愈chur佢愈想走。
我嗰陣係鍾意佢，但佢算係有小小焦慮型依戀，逼得我有啲緊，又成日提住好似得佢自己會掛住我咁，搞到我成日諗自己係咪真係鍾意佢。

我係極度焦慮，初期成日同佢示愛或者講sweet 嘢，佢都會應下我，但後期都開始唔應，佢有講過唔知點應，好似好形式化咁，我嗰陣唔知佢係逃避型，有啲唔開心，以為佢唔中意我，後來先知原來佢係唔識表達自己。

之前我就係chur得佢太勁，成日呷醋，成日懷疑，成日燥底，成日因為佢唔開心，搞到佢有啲驚，佢就話覺得自己已經唔可以令我開心，有講過想自己一個，但又唔係分手，只係話好似冇以前咁中意，叫我唔好對佢咁好

後來，輾輾轉轉而家好返啲，會多返信任，但未能去返完全信任，同埋始終冇機會見面，暫時都仲係好網戀feel，自己都唔敢再講太多愛佢、掛住佢嘅說話，因為都驚比太大壓力佢

逃避型依戀嘅人，係中意自己一個，但唔代表佢唔需要愛人。

//
「你不在」（當我最需要愛～）和「與你保持距離」，是兩件不一樣的事情。對逃避依戀的人來說，最舒服的關係是保持距離，而不是沒有你。//