就咁睇你女朋友都幾鐘意你
冇俾佢私人空間又chur佢，仲未分手都好勁，俾著我我真係一早講byebye
好多關係都係講個信字同溝通囉，佢會出聲講壓力大都好過收收埋埋一次過判你死罪，我諗巴打盡量俾多啲信心自己又或者俾信任落段關係度啦，我自己覺得逃避型要開始一段關係真係好難，佢肯同你開始、揀得你，一定係之前諗過度過㗎啦，雖然依家可能冇開頭咁鐘意，總之你仲有個位喺佢度，叫係人地男朋友，我覺得唔需要太擔心
你覺得佢係唯一呢種諗法我都唔知點勸好⋯都幾關個依戀類型事，一個想癡實一個又想有返啲距離，你真係好鐘意嘅咪就下佢囉，睇下你可唔可以同佢保持返距離，對焦慮型嚟講應該好難...驚你會亂諗嘢，所以先叫你對呢段關係要有信任。我都唔知叫遷就定係改變，改變應該係單純指你同佢開始前同開始後兩種相處模式？即係之前你唔會圍住佢轉呀嘛，開始後圍住佢轉咪覺得你有變到，如果未開始之前都已經圍住佢轉佢又同你開始咁你當我9噏，應該就唔係嘅
最好嘅狀態應該就係你地一開始個距離，講衰啲係佢隨時可以抽身走嗰種，好聽啲咪你依家喺佢生活中有一席，佢知有你喺度你唔會走已經好夠，始終你唔會係佢生活唯一，佢仲有好多嘢自己做又好同其他frd做又好，touch wood講句真係最壞情況出現咗嘅，你咪當大家唔夾囉⋯
呷醋呢啲係絕對正常喎，但間唔中囉唔好成日都呷，其他事都係，特別指明係啲會帶出壓力嘅嘢⋯其實呷醋又好，問佢可唔可以俾返多啲時間你又好，又或者堅持送佢呢啲係呢段關係入面嘅問題，應該係你地有問題嗰下即刻溝通解決咗先，可能有啲佢唔想嘅你又想嘅，睇下個次數頻率上可唔可以搵個大家都接受到嘅位囉，又好似你話佢同第二個msg你唔鐘意，真係要求唔到佢唔同人地傾計或者傾少啲，唯有去返個信字度，其他一時三刻都唔係好諗到
記住呀你係同佢拍拖唔係做佢隻兵呀，雖然你可能鐘意佢到無所謂，可唔可以衰啲講不如你試下當佢做兵
嘅嗰種距離感，個人嚟講嗰種距離係最冇負擔最舒服，唔知你嗰位啦。
呢段時間嘗試下搵啲其他嘢做？譬如你本身有冇啲興趣之類，做返自己啲嘢先囉，打機煲劇乜都好，當你女朋友唔存在住，再唔係嘅，睇下你地之間啲共同興趣/話題，喺返呢啲好少感情成份嘅話題傾返會好啲嘅，不過一定要係共同話題⋯如果唔係佢知明明唔係你嗰範嘅，你又格硬搵嘢同佢講會更大壓力，好似大家冇嘢講到要你迎合佢先有嘢講。
其實一路打一路覺得都好麻煩下，有小小想講聲對唔住
