荃灣二手上車邊到好（3）

行過愉景5分鐘咁快？

幾多分鐘哩啲嘢因人而異㗎啫, 體能好嘅後生仔可能得
荃灣中心都有人會行去地鐵站

長假期過埋荃灣成交好似都係唔多，睇來大家都重觀望緊

個個等柏傲莊

屋企長老睇過翠豐臺荃景愉景
樓齡唔係一個concern
最後都係揀愉景唔想淋雨
住荃灣就係想享受行去商場地鐵站唔使淋雨

尋日朋友先話佢屋企人買咗park yoho唸住放租
租極都租唔出
依家掉空咗唯有放假入去住當渡假屋

我覺得租真係難d

美孚50年樓，聽講都可以做到30年按揭

我有時搭西鐵望到棟樓就唸究竟咩人會住呢啲地方
俾我住呢啲位就寧願揀村屋仲正啦

前排聽有個師兄買咗52年樓嗰期，銀行批23年。買第八期仲可以做30年。

利申入過去睇個環境真係唔錯,但交通真係要住落先知

感覺政府之後推遲多5年按揭都似。佢要控制數量的話

銀行按揭年期通常係75減樓齡或人齡低D嗰個，最多30年。美孚最新嗰期1978年起，所以仲可以做30年。住多幾年，下手真係唔會做到30年，除非遲D放寛啦。

時間過得太快，香港啲樓越嚟越舊，真係放寬5-10年都唔奇。

應該唔會
如果無政策令舊樓自然貶值嘅話, 將來根本無辦法做到收購重建

想低價收購 基本無咩可能，班舊樓業主大部份唔等錢賣，第2佢地非常清楚 係靚地點好有價值。

樓價受好多因素影響, 唔係樣樣嘢政府都有能力調控
按揭條件係其中一樣對樓價有重要影響性, 而政府又有能力調控嘅因素
想低價收購舊樓? 大家都知道無可能
但政府至少都會 aim at 以合理價收購
舉個例, 如果大角咀, 深水埗啲唐樓可以做到30年按揭, 市建局就算用天價都唔會收購到
放寬按揭條件, 用嚟幫舊樓業主托住樓價, 用嚟阻住自己做重建, 即係 搬石頭砸自己的腳
其他地方唔敢講, 香港肯定唔會咁做
只要 keep 住這個按揭限制, 樓齡越高, 按揭年期就越短, 潛在買家就越少, demand 細咗, 樓價就會開始跌
加上樓齡超過50年的話, 收購夠 80% 就可以申請強拍, 即係越遲放手, 被壓價嘅機會就越
到時那怕你手持嘅係太古城, 都無 strong hold 的理由

如果跟你個套，香港舊樓比例多到咁，市場實會大恐慌，咁我就唔係好信政府會玩死香港ga樓市。佢有心整死舊樓，就唔會控制新樓落成量。

政府控制新樓落成量, 已經可以有效地托住新樓, 半新樓 嘅樓價, 無誘因再做額外嘢去托住舊樓嘅樓價
舊樓隨住樓齡上升, 佢嘅升值速度會慢慢跑輸大市, 再慢慢接近0, 再慢慢開始貶值
整個過程係慢性, 唔係一刀切, 睇得通嘅人會早啲換樓, 無睇通嘅人都唔會一夜間傾家蕩產, 唔會有恐慌

新樓實用率又唔高，價錢貴過舊樓，加上控制新樓數目，新樓唔夠供應會價高，需求大就點都會自然迫住流去舊樓市場，只要調整按揭年齡，舊樓 市場睇唔到會幾落後。

今日要收美孚, 太古城, 梗係困難啦
問題係一旦放寬按揭年期限制, 將來要收購就只會變得更加困難, 而且放寬對於政府係完全無好處
相反, 政府只要維持按揭年期限制, 今日難收購的樓, 唔代表20年後一樣咁難收購

翠豐除非搭95A
如果唔係既話下下落車要係荃景圍天橋個到行番去都幾係野