我而家暗戀緊一個同性同事 (長文）

算啦我都係放棄，長期單方面好辛苦

決定前聽一聽
https://youtu.be/y7yRDOLCy4Y

我都覺得佢係諗緊自己接唔接受到 佢可能係無試過or 試過但結果唔太好 咁咪歸咎係自己唔ok
我反而覺得你要俾佢信心 覺得同同性一齊都可以幸福 同埋你會係一個適合既對象
不過當然唔好太心急 但都唔好攤太凍 無左曖昧個下既feel 你就收得皮

我都係而家先有最新進展 就係佢又唔理我 我都未打算放棄 因為我好似咩都冇做過咁

我都有咁諗過 比時間佢
覺得明明上星期講野都好正常 而家就咁樣

今日搵佢講清楚 佢就無端端爆鳩我
佢冇直接話佢接受唔到同性 而係佢唔需要我去比佢安全感 然後又話覺得我好煩 諗深一層，佢係一個正宗既港女

其實係公司同事，佢咁樣喺公司攤晒牌好咩？件事咁僵唔會收得番

咁慘
睇黎你撞正佢心情唔好 好地地返工不致於咁激動既
我想問你係中性打扮定都係普通女仔？同埋話就話港女 你覺得佢係咪一個好在意人地點睇自己既人？

中性打扮
佢係好在意人地點睇自己/ 將自己諗法收埋/ 自我中心嘅人黎
其實佢平時公司都唔多出聲 咁搞法全間公司都覺得我同佢出左問題 其實好地地佢咁爆法佢真係唔驚佢連後路都冇？利申我自己都未表過白

如果佢係一個好在意人地點睇自己既人既話 佢會唔會主動去搵番我？ 如果佢係咁在意人地點睇佢 佢會唔會知道佢其實有啲位都做錯左
其實如果佢當初唔中意我 唔中意我去煩佢 其實佢可以直接講出黎 因為做朋友都可以真心坦誠咁講野 佢又唔講 咁我可以點呢？

氣氛僵到啲同事會走黎問我發生咩事
但我只係會笑住話咩都唔知 其實心入面好難受 覺得佢一開始果句 我覺得你好chur好煩 我完全被呢句hurt到一個點
之後日日都要公司見 可以點？
有朋友叫我試下過兩個星期後搵番佢道歉 但我覺得佢岩岩先習慣番自己一個人 再搵佢又會再爆過 但我覺得唔同佢講野真係好痛苦 如果只係想同佢做番普通朋友 而唔係繼續追求佢 佢會唔會回頭

如果想同佢做番朋友不如順其自然？學你朋友真係由佢靜下等成件事沉澱下 但唔洗道歉啦感覺又好似拎番件事出黎講，你chur到佢咪可能隔一段時間先同佢講一兩句，你俾空間佢咪已經將道歉變做行動

我會覺得比佢咁鬧完 其實都冇咩話番唔番到轉頭
但如果可以我都想同佢做番朋友就算而家已經有啲困難
學你講 可能真係比空間佢先

我感覺你應該係無架啦 佢唔似接受到你 不論係同性既問題定你個人
我覺得你係想做返fd 既可以慢慢等 等佢返黎 再認真同佢傾 傾過大家overcome 到就可以fd 落去
以佢份人咁介意人地點睇 佢應該好快頂唔著同你呢種冷戰狀態 可能會搵好多方法避你 如果無得避既 預佢好快返黎搵你啦

同佢相處已經有一段時間大概知佢份人嘅性格 佢唔鍾意人地踩入去佢嘅世界入面 兩年前大家都會覺得佢係一個好靜嘅人而唔敢接觸佢 起初我同佢一齊工作時我都單純覺得佢係一個內向但有性格嘅人 可能我份人一向都好有義氣鍾意幫人 我想帶佢融入公司唔想見到佢有我以前嘅影子
後來發現到我地性格其實係有啲相似 每日都會主動去揾佢 我地亦都會傾無聊野/ 分享心事/ 分享屋企人之間嘅不和/ 公司八卦 有時我地見到一樣野唔需要講出黎都會知對方諗緊咩 會有一種好奇妙嘅默契
我有時都會暗示我其實對佢抱有好感同有興趣 如果佢係一早就知我對佢係有好感嘅話 我唔會覺得我同佢相處期間呢短短半年係佢自己扮出黎哄我開心 佢亦唔會喺未嘈之前仲主動約我食飯同等我一齊收工 佢之前仲會chur問我公司八卦事/ 望我電話同邊個wts/ 問我去左邊度咁耐都唔番埋位之類
比起成為情人我知已經冇咩可能 但我會想成為一個可以比到佢安全感而照顧到佢嘅朋友 但佢果日突然同我劃清界線 講清楚普通朋友係唔需要時時一齊亦都唔需要咁親密(但其實係佢成日打我) 成為普通同事亦唔需要成日一齊食飯同放工 仲有就係佢唔需要一個弱過自己嘅女仔去照顧
呢幾日我share左我呢半年黎嘅事比我啲frds知 佢地屌我同佢都屌到七彩 但我個心就係放唔低 可能佢果日講嘅野太hurt到我成個人 令我呢幾日一直思考自己到底係唔係一個咁chur朋友嘅人 更加開始唔敢去接觸身邊嘅朋友
佢最後好大機會因為太在意人地諗咩 加上最近對住我發癲呢件事(大部份人都覺得係佢突然跳制發癲-原因不明, 可能黎m 然後我做左勇者去點火) 我同佢已經有一兩個星期冇講過野 以我對佢嘅了解佢可能會覺得我一定會爆晒佢啲野出去比其他同事知 咁落去佢只係可以辭左份工(呢個係最壞打算)
佢對自己冇信心之餘佢對作為我呢個朋友都失去左信心 佢有大部分時間都係諗得太多
如果你見到呢個post 我好想講 我仍然在意你 想保護你 點解...我會想出賣你? 你呢個on9

半年前 佢係一個冇存在感嘅女仔
當知道左我需要同佢一齊出差 我亦都有問過其他人有關呢個女仔嘅故事 而大部分人都係答一句
佢係一個好靜嘅人
的確係 後來終於可以同佢一齊工作 發現佢係一個工作上對自己好有要求而且係個好有性格嘅人黎 佢會主動同我提出意見 同我印象中嘅佢完全相反
出差我地住埋同一間房 大多數時間都會見到佢坐喺床邊聽歌 後來過左幾日我地竟然有共同嘅話題 每晚都會傾到好夜先訓 而我亦會成日比佢嘅鬧鐘好早嘈醒 短短一星期出差 我已經當左佢係一個朋友而唔係普通同事
以前有人問我同其他同事點解唔會同佢一齊相處 當時嘅人會答感覺佢同我地融洽唔到
但「佢有少少似我」，喺回程嘅果班機上 我地分開左坐 同時我覺得呢一個人唔應該係自己一個人 佢喺我面前嘅笑容我從來唔會喺公司見過 我會想去了解佢嘅世界 因為佢有我嘅影子我亦都想了解我嘅世界 我想帶佢走出自己嘅comfort zone
落機嘅一瞬間 我知道左我已經對佢抱有好感 同時亦係呢一刻呢一個日期就變左成而家手機嘅解鎖密碼
我知道佢需要安全感 但可以比到安全感嘅唔係我 而係佢自己 佢對自己冇信心之餘佢對自己嘅朋友都失去埋信心
於是半年後嘅今日，我離開左佢嘅comfort zone 我一直都知道佢知我對佢抱有好感 但佢一直都冇拒絕到我 我一直想佢可以了解我嘅諗法 因為係擁有同一樣嘅性格 所以我感覺到你嘅孤單 亦都感覺到我嘅煩係有目的
我以為我成功將你帶入左去公司同事與朋友相處嘅世界 我以為你會改變到你嘅想法
但最後你當時第一句說話 令到我後悔左 直到你講左一句 繼續比我自己一個人
半年後嘅今日 我放開左你將你留番喺自己嘅世界 我唔係以好感嘅角度亦都唔需要你尊重我 但我想你知道我唔想你喺度一個人靜落去 每次見到你離開我都會冇勇氣再去講我想同你一齊走
但我從來冇打算改變我當初嘅目標（等你離開左我先會離開）/ 密碼同埋想同你好番嘅決意

點解我仲會覺得自己仲有希望架

（sorly 就當故事咁睇啦 我知好長好煩 就比我繼續呻落去啦）

I know that feel

如果你可以見到呢個post, 知道我係一個變態之後 我想你再次鬧番醒我 好似以前wts既sticker咁 一直打鳩我 扔我落山
比我可以喊晒所有一星期前嘅事 即使令自己過份忙 我嘅視線都離唔開你 我想望到你嘅笑容
仲有你唔係佢嘅代替品 你係我可以交到心嘅朋友

一個星期 今日已經可以去到喺你身後行過 而我都已經開始食番到食開始有番自己既活動
但係仲有一種莫名既恐怖感
可能係因為大家太忙 然後你今日又係同之前幾日一樣 好準時咁快閃走
有時我會諗 公司係唔係真係咁冇安全感比到你 而你自己又一直要咁樣去逃避
但其實煩膠果個都係我 因為我chur到你成鬼日都煩住你
曾經我有問過你 我想知我比唔比到安全感比你 而你當時答左我一句 你一直都喺我comfort zone唔係我就唔會同你傾計啦
最後你都係覺得我過份左而決定疏遠我
就算全世界都覺得我做左兵都好
你連公司最後既comfort zone都冇埋所以你決定連人際關係都要斷晒
其實我都唔知點解我會想去幫你 亦都唔覺得我明白你 但我呢種人性格就係我唔想睇住你咁 即使我已經聽你所講咁做
我已經比左空間你

唉比我呻完就算鳩數啦

琴日猶豫左好耐 知道如果我私下fwd msg比你 你會連wts都會block鳩埋我
經過我多次confirm各種情況之後，最後選擇左send出去一個已經三個星期都冇講過野嘅grp度 其實只係為左通知你 因為grp大部分人都已經知道
當你係grp入面係第一個睇個msg嘅時候 我會以為你會del埋個grp 但你冇咁做 唔知你有冇認真睇個msg 可能你睇完會覺得點解我會send出個grp度 可能我份人就係咁多管閒事
呢個係我給予空間你嘅唯一方法
有一刻我會覺得我同你嘅距離近左少少
即使我唔出聲講出原因 其他人大概都會估到我fwd msg嘅原因

結果你我又要冷靜多一個星期先見

今日終於忍唔住崩潰喊左出黎
因為我自問唔了解你

I feel you...

辛苦你啦

點解呢段友情傷起黎比起失戀更加痛苦
點解只係我一個care

絲打 仲困係呢段關係度