我而家暗戀緊一個同性同事 (長文）

成件事都已經隔左咁多個月
我覺得佢係扮聽唔到

好想同佢親口講我從來冇做過啲背叛佢既事 只係得一件事我係一直瞞住佢
就係
我由半年前已經開始鍾意你

我都中意咗個同性同事，做咗好多野，我諗正常可能都感覺到少少，佢對我都好冷淡，我主動少少，佢都好抗拒，我其實明白嘅但都係好傷心

你係巴定絲？
如果係女仔，正常會覺得你係同佢係閨密
如果係仔，咁可以係佢以前都試過所以對呢方面有恐懼/ 抗拒

都唔係既，女仔都會對呢方面有恐懼同抗拒（自己同對方）
我有懷疑你個同事係咪知道自己都對你有好感而恐懼同抗拒所以先咁突然對你

因為聽到呢句無可能唔比任何反應

同一間公司就最好唔好個度食個度痾啦
不如當佢係朋友先 至少相處會自然番

女仔，我估佢真係當我朋友，可能都feel到我有啲野所以whatsapp係會覆得好慢同冷淡，盡量唔會有聯絡咁，但我約佢出街食飯佢又ok，可能唔想同公司面左左咁

其實我退過，但佢又會主動問我做乜事係咪心情唔好 救命

所以前幾個月都係處於曖昧狀態 而我都唔知佢到底諗緊咩
就比時間佢諗 反正我咩都做唔到

都係既 但而家呢個情況有少少難搞
因為已經係對方唔理自己 普通朋友或同事都唔知做唔做得番

I know your feel bro
以前平時公司食飯都會係佢主動約我 出街就我會問佢 但其實熟左咁耐真係得一次係我同佢單獨出街

我同你調轉 我係主動問佢做乜事心情唔好 佢又唔係好認我 我都唔想做煩膠

淡小小先 試下呢個星期小啲搵佢 可能下星期再搵番佢
之前試過有個同性向我表白我推左 之後大家都冇搵大家一排 最近大家搵番大家（知冇可能）個友誼又重建番

係 可能少少時間自己 或者比佢諗下
最後發現可能係自己諗多左

你覺得佢係咪真係會鍾意女仔先？
可能佢一直當你朋友 你知女仔可以好fd
佢可能接受唔到同女仔一齊

認識佢既同事有講過佢係直 佢有同我講過佢中學時比女仔表過白
但就冇人知佢既愛情史係點樣

真係每一日都令我冇乜心機工作，我有試過話送佢返去但佢話唔駛啦你返去休息下啦，我以後個個聽到送返屋企會有少少冧 其實我都做到出晒面

我都覺，有啲係接受到同性戀，但接受唔到發生係自己身上

我之前都係咁 最後我見佢咁就冇再搵佢放工

真係要表白左先知佢接唔接受到
但到時一係得 一係game over
唔敢落注

一陣番工繼續見到佢 繼續比空間佢