如果大家唔中意同性戀話題就唔好再睇落去
我從小就女校長大，性格好男仔。我係雙性但偏向同性果邊多
大學既時候同一個女仔一齊左三年，但因為long d 所以散左。番工期間有幾個男仔追過，最後同左我上一個ex 男仔一齊左一年。但因為呢個ex成日要我上佢屋企陪佢打機食蛋糕但其實係想同我有性行為，我對呢樣野好反感，拒絕左幾次都係要狂推，最後我提出左分手，亦都開始對異性有種抗拒
散左之後一年，我同左一個公司女同事一齊做野，熟左之後發現我開始對佢抱有好感。佢遲我一年番工，但比我大1-2年 高過我，但佢係一個好靜既人，而公司亦都冇咩熟既同事可以傾到計。呢幾個月黎我地每日都會一齊番工放工每日whatsapp對方傾心事，傾公司八卦傾屋企傾自己夢想。我有同佢講過我曾經分別同過女仔同男仔一齊過，佢亦都表示自己讀過女校所以冇咩特別。但佢從來冇對我講過關於佢自己既感情史。但佢自己都表示佢身邊大多數都係同性多異性朋友得幾個
我曾經會覺得佢係唔係只係當我係一個普通朋友，因為公司冇人吹水所以搵我。我曾經比左好多暗示比佢我對佢有好感，但因為喺同一間公司做，唔想太明顯而比人傳出去
最近佢開始唔理我，whatsapp都已讀不回，ig 好似set左唔顯示我既story，我唔敢再搵佢。正常朋友唔理我我都冇咩特別反應，但只有佢我會咁在意
我都知我呢個情況非於常人，但我好希望佢可以再搵番我，即使我唔知佢到底知唔知道我對佢既態度唔係友情
希望大家唔會覺得嘔心
