Q:一開始我要做咩?
A:大家首先要緊記唔駛急住追進度,因為根本無所謂進度你追
一開始大家目標簡單就得
升人>推圖>唔夠打就升人>再推圖
同埋一開始盡量成隊平均升上去
唔駛一黎就all in一隻,我自己覺得用處唔大之餘又浪費體力資源(當然真係好有愛既,就另計)
其他mode亦都慢慢推上去,唔肯定推到幾多要停,你望下任務(即係月曆公仔logo果個)入面個初心者就得,跟住佢個check list做,就好易過渡到。隻game某程度係一隻單機game,D所謂PVP都係打NPC
同埋有個新手嘉年華,姐係主頁氫氣球logo,限時內盡量做拎禮物
新手頭8日登入,有其中三日會俾你自選A+>S->S三張卡。咁揀咩卡好?呢個問題就引伸落下一個問題。
Q:
1)咩都唔理,剩用勁人勁技,打到中後期先再搵返啲連攜人
2)一開game心入面已經有一隊想組,係初心者抽,新手登入月頭8日就盡量入手果隊既球,之後抽pool都係隊pool優先
以上邊種玩法好啲?
A:其實兩種玩法都可以
兩種玩法其實無話邊個岩邊個錯
玩法(1)因為比自己限制少啲,總之佢要我用咩技解任就用咩人,相對玩落比較自由。但去到中期,陣容好需要用連攜去谷高個戰力,在於你個陣來自五湖四海,一定會涉及到非常多不同球員去開連攜,所需時間同資源都會較多
玩法(2)前期可能會吃力少少,可能會唔齊技,又要焗住用一兩個唔係好勁既球員,每一隊亦都有佢既缺點。但去到中期戰力會因為連攜暴升,升得比正常快,所需時間同資源亦都比較集中,始終主力球員黎自同一隊,連攜好多都可以共用
PS:連攜球員唔需要放入場,擁有就得
19/3 最新更新
好多手足都問我地,既然兩個方法都可以
點解我地又個個都玩組隊?
原因如下
我地建議你哋升成隊同隊,某程度係為未來做打算
一來啲連攜球員,只要你有升,升得越高個連攜數值會越來越高,一個連攜球員上到sss,坐底幫原球員各樣數值加百幾
如果玩混隊又唔重課金,根本唔會夠資源又去升正選,又去升連攜
俾圖你睇就明,同樣5球員buff,睇下升左同無升差幾遠
二來早啲為個UF 盃做打算
個uf盃同錄影帶關一樣,分英超/西甲/意甲/其他聯賽
最低參賽資格係11個ss球員
你升同隊,就一定同聯賽咁就早啲可以參加,戰力上仲會比好多升混隊既高