歐子爭
2017-04-30 12:23:52
「好重嘅血腥味。」
「你聞到佢有血腥味?」程琛拉著阿森的手問道。
「係,係人血嘅味道。」
「邊會聞到呀,你當自己係狗咩?」文煌笑著說。
「我可以聞到。」阿森認真的說。
他們相處時間說長不長,說短不短,不過他們都了解阿森爽朗直率的性格,他是不會說謊。
程琛用食指點著下巴,踱步道:「嗯……咁即係佢殺過唔少人。不過並唔重要,我只係擔心加入之後我哋可能會好危險。」
文煌苦思,「諗諗吓都係,如果佢哋已經咁有規模,根本無需要嚟請我哋加入。」
程琛重重的點頭,「係,所以我哋加入塔尖,對佢哋嚟講一定係有好處,只係暫時未見到個好處係咩,而呢個好處又會唔會影響到我哋。」
「但係我哋有選擇餘地咩?」文煌聳肩問道。
沒有,前來邀請的信使,不論衣著、隨行裝備、說話態度,都是一種示威,他只是來「知會」文煌等人,他們已「被加入」塔尖。
「既然係咁……」文煌咬著唇。
……
文煌三人回到大廳。
「考慮成點?」金祐振開眼問道。
「我哋會加入。」文煌說。
金祐振收起平板電腦,嘴角上揚的站起來,「好好。」
金祐振拿著公事包步向大門,「加入塔尖後第一個任務:派一個人同我one on one,比賽結果會決定你哋係塔尖入面嘅地位。」
「吓!?」文煌踏前幾步,「幾時比賽?」
「依家。」金祐振脫下恤衫,裡頭是貼身的運動背心。
「好,我嚟!」阿森說。
「阿森!」文煌轉身。
「我哋三個入面我最強,應該由我應戰。」
阿森隨即拉筋,準備應戰。
金祐振看了看阿森,「你就係最強嘅人?好,出去同我打一場波,放心,唔係命運籃球。」
「就算係命運籃球又點?」阿森壓著腿。
金祐振咧嘴而笑,「如果係命運籃球,咁我未會多個僕人囉!!」
阿森目無表情的走過金祐振,自己走往大宅外的籃球場。