還返D野俾佢之後既一個星期, 我心情都好反覆, 內心同自己講
呢D 衰女人!! 自己出去偷食, 仲呃我話想自己一個生活, 我一直都以為自己有不足既地方 , 一直覺得變心唔係問題.. 但係坦白講啊...
之後我請左一日假, 返到屋企後 WHATSAPP 佢, 同佢講對唔住, 佢話我好恐怖, 叫我以後唔好搵佢 , 我覺得好似永遠都要同呢個人講再見了, 但同時我仲係對佢有感情... 我問可唔可以俾多次機會我地(睇到呢度 我相信大家都會係咁話 , 屌你, 做男人咪咁ON9) 但係如果你真係好愛好愛一個人, 而且又無乜呢種經驗, 真係好難話抽身就抽身。
之後我又不斷咁MSG 佢, 想佢同我復合, 我係文職工作者, 做做下野既時候, 眼淚會不受控咁自動流落黎, 個段時間, 我經常係洗手間入面等眼淚流乾, 再出去工作。
為世間情是何物, 直教生死相許, 個段時間身體開始出現變化, 每日都可以唔食野, 飲幾啖水去過日子, 最恐怖既時候係夜闌人靜既時候, 想訓又訓唔到, 可以傾訴既人全部都訓曬教, 亦都唔好意思去煩住人地, 口裡同人講無事, 心入面其實屈住屈住...
有一日... 我SEND MSG 俾佢, 佢話我好煩,叫我以後唔好再SEND, BLOCK 左我, 我個一刻... 我行左上去18樓.... 好想了結左自己一生, 因為呼吸再大力都好似吸唔到氧氣, 望出黎既世界了無生機, 好似灰色一樣, 以前好鐘意打機, 打波, 健身既我, 完全提唔起勁。
我係一個好樂觀既人, 我平時鐘意同朋友講笑, 亦都好關心身邊既人, 如果用一個動漫人物黎形容自己, 我會係小崗 , 但係當下我真係好崩潰, 訓唔到, 食唔到, 個心長期係有野鍊住左, 我查過 呢D 好有可能係心理病, 我去左睇醫生, 做左評估.. 我係有初級既抑鬱病徵
之後我地有斷斷續續咁SEND MSG, 個段時間我一唔開心,就朋友帶我去飲野, 佢地教我唔好做到咁好,人地SEND 完MSG 唔好秒回,放到自己咁低。
中間有一段小插曲, 佢好想去睇謝安琪演唱會, 我上網買左炒價飛, 之後個晚一齊睇演唱會好開心, 去到最後一首歌 "山林道" 我問佢, 可唔可以拖住手一齊聽呢首歌, 佢話可以, 拖住手既一刻, 我覺得好似返到以前咁, 眼淚不停咁流, 我唔敢望佢, 好好享受呢一刻, 完左首歌後, 我望下佢, 佢都有流眼淚, 送佢回家既時候, 佢行到屋企門前, 佢行返轉頭, 抱一抱我,當下覺得我地應該仲有機會一齊返!! 只要佢肯改過! 我覺得以後都仲可以一齊的!!
過左兩,三個月後, 佢突然問我, 想唔想出黎食飯, 仲問我會唔會呃佢, 傷害佢, 我話唔會, 食個飯者! 唔洗咁大壓力既, 個日晚飯時, 我地都好似朋友咁傾下計, 亦完全無提及過之前既事, 亦都係呢一餐飯, 我地重新一齊返
一齊返既早期, 係感覺到佢同以前好唔同, MSG HEA 覆, 約佢唔敢再黎我屋企, 出去見面可能只係可以見一陣, 但我內心覺得只要可以見面, 可以一齊去玩就可以了, 突然之間有一日, 佢同班朋友食食下飯, 佢MSG 我 大概既內容係 :「對唔住, 我知道我一直都對你好差, 好似好冷漠咁, 但我同朋友佢地傾過, 佢地聽完覺得你仲肯咁樣去接納我, 對我咁好, 我要好好珍惜,我會乖返嫁啦, 愛你。」
個一下, 我覺得好似由谷底上返去天堂一樣!!!
之後既日子的確, 佢有返熱情, 亦都願意花多左時間同我一齊, 帶埋我同佢屋企人一齊食飯,做節, 一切事情都好似向好既方面發展, 而我都唔介意帶埋佢同我既朋友一齊去玩, 好似乜事都無咁。我亦都聽講過佢好想去芬蘭旅行, 係佢由細到大既一個夢想地方, 我覺得如果可以係一個特別既地方, 而佢又浪子回頭, 我覺得係呢度訂下自己人生大事都係一件好事情, 我開始計劃行程, 買機票, 去睇戒指... 倒數去芬蘭既日子 仲有 七個月.... 待續
