曾經試過戴帽復合再求婚可惜最後都係悄然離去

薯大先生 2020-06-08 12:11:04

最近睇到好多關於分手, 復合, 結婚離婚既POST, 我都係一個過來人, 而家已經係中年了, 想同大家分享一下我以前既經驗。

我同佢係朋友介紹認識,個時我已經單身左一年
第一次見面已經覺得佢好單純, 笑起上來好好睇
後來我拎左佢電話 ,之後就開始傾計, 同埋嘗試約佢出黎
好快我地就一齊左了, 仲記得第一次約會我因為OT, 佢係赤柱等到 STARBUCK 都關左門, 我先到, 勁唔好意思。

後來拍拖一年既時間入面, 我地都相處得唔錯, 係有時佢有種控制慾同壓迫感放係我身上, 例如我一兩個星期前, 我同佢講左會約朋友(男仔) 出去食飯聚會, 一開始佢話可以, 但係到當日如果佢唔想我去, 就會俾說話我聽 :「去囉 , 你咪玩得開心D 囉, 唔洗搵我嫁啦。」通常呢D情況下.. 我都係迫於無奈要放朋友飛機, 去滿足佢個種覺得版重視既感覺。

一年過後, 我送左部SWITCH 俾佢, 個時SWITCH 係岩岩推出, 我仲記得我係LUNCH 鼠去買俾佢配一隻ZELDA 同 SWITCH SPORTS 咁上下既野, 個段時間我地會係屋企各自打機, 食宵夜, 睇電影, 好似同居既生活但係同時佢又唔會強迫我一定要睇佢打機, 當然我都係識做, 有時會同佢一齊打機, 睇下佢邊度過唔到關, 我地會一齊分析。

一切都好似相安無事... 直頭有段時間, 佢經常都係講完晚安又立即上返線, 之後半夜有時去夜尿, 都見到佢仲係上線, 仲要係不斷 ONLINE, OFFLINE, ONLINE OFFLINE, 直覺話我知佢係同緊其他人傾計, 但我無留意太多, 因為我好信任佢。

直到有一日, 我地去睇戲, 睇完戲後返屋企既路上, 佢同我有D野想講, 佢:「我覺得好似一個人開心D」我:「下? 點解咁講呀, 你做咩事?」佢:「我覺得自己一個好似自由自在D, 而且好似唔洗理人感受, 我想自己一個生活」
我個刻唔知可以俾咩反應, 除左問佢你咁樣真係會開心? 佢話想自己一個人過, 咁我地達成左共識, 和平分開, 因為我想我鐘意既人開心同快樂, 唔想因為有左我俾咁大壓力佢, 但我叫佢應承我要好好生活, 唔可以成日亂諗野。

我需要時間去冷靜... 我唔明點解會變成咁.... 自問好多野都做足... 亦都無去管住佢既私人生活, 隔左兩個星期左右, 佢MSG 我, 佢話佢去左台灣旅行, 好唔舒服, 話有人係街撩佢但佢無理, 佢話好想我係度, 我立即話我坐飛機黎搵你??? 我可以照顧你陪你一齊返香港 , 佢話睇下點先啦, 遲D 一係再一齊食飯

呢個時候, 我問左一句:「我地可唔可以一齊返? 」佢都係答我做住朋友先,睇下點。

個一晚, 我覺得好奇怪.. 點解佢會自己去台灣, 點解佢無啦啦話要自己一個生活, 點解突然間所有野好似變曬。

我第六感話我知一定有問題, 之後我嘗試LOGIN 佢EMAIL... 我發現左一個好大既秘密, 一禁入去見到寄件備份入面有一張佢同男仔既合照... 兩個人係赤柱食飯, 之後儲存備份個度, 有幾個WHATSAPP 既對話備份, 我開黎睇... 由2點幾AM 睇到7點幾 AM, 當中好似進入左一個黑暗面一樣....

睇到每次送完佢回家... 原來隔一陣就同其他人去公園坐.. 傾計傾到朝早
LUNCH TIME .. 會一齊去唱K... 食飯... 出街
情人節個日.. 送完佢返屋企... 原來之後又同個男仔出去.....
所有事情都係等我訓著左.. 或者我唔得閒既時候去同佢個位 "男同事"去做

而佢地係點樣撻著? 公司聚會去老蘭飲野時... 我EX... 主動去錫人地.... 之後就開始呢段關係.... 佢地仲曾經去過澳門... 長洲過夜....

呢一個早上我崩潰左.... 我將佢所有野PACK 好曬, 去佢樓下等佢返工, 質問佢, 佢亦都惱羞成怒, 反問我點解偷睇佢D 野, 我地好似真係完結左,但我個心係好唔捨得,亦都好唔舒服.... 待續...

芳澤かすみ 2020-06-08 12:17:08

由頭綠到落腳仲復合