同得一個人一齊，就要信佢。
好喇，check 到有嘢，你唔開心，攤開黎講只會嘈。
Check唔到，你會點？信多佢少少，之後等幾個月又黎check過，直到幾時？根本就lose-lose 嘅情況黎。
自己問心，你電話、email係咪100%無古怪嘢先？將心比己，比人check就算無嘢嘅，你都會怪佢唔信你。
唔好日防夜防，比自己同對方多少少空間。
我自己都奶過一次甘嘅，奶到應一應添。同你經歷9成似。我想講，一個人唔在意你，你就算比晒副身家佢都係無用。
同一個女仔一齊2年幾差唔多3年，佢無同我過過一次生日。錢就燒咗一大舊，但個女仔對我差到一個點。嗰陣佢可以話唔開心就消失兩、三星期，搵又搵唔到，電話、乜聯絡全block。可以過份到星期一話電話好慢、壞壞地，我星期二就送部新iphone比佢，佢星期三同我講想靜下，就失蹤10幾日。（之後發覺係搵返前男友
）我所有（係所有，無一例外）朋友都叫我算數啦（仲有人夾我去speed dating 話識另一個）。就連條女個best friend 都同我講話我唔應該糾纏落去。但嗰陣我覺得呢啲先係真愛，因為要苦苦捱過困難時期，先有好結果
我一直都無乜點同朋友嗔，唔開心搵朋友吹下水多都只係提兩句，之後就飲到嘔嗰種。我朋友火到屌我話：條女就激你，我地就黎氹。屌你，你又唔醒，一直衝埋去又傷過。
我嗰陣成日反省自己有無太痴纏呢？係咪迫到佢好緊，係咪唔夠錫佢
不斷去否定自己。點解佢會對我咁衰呢？係咪我做得唔夠好？係咪佢前男友對佢好啲？到最後，我根本唔知自己真係咁愛佢定係只係唔甘心付出咁多但輸到一塌胡定。結果有次佢又失蹤，嗰次又係叫個朋友陪我飲嘢，咁啱嗰次佢有個同事跟埋出黎，呀同事唔經而一句：你女友係在意你嘅，就唔會比你搵唔到佢喺度激氣。嗰下我即刻喊咗，亦係我唯一一次為個女仔真心喊。之後？就無之後，直接完，封晒所有佢搵我嘅方法，自己迫自己唔去搵，過咗一陣，嗰種舒服晒、鬆晒嘅心情我到而家都記得。我分手同所有人交代都係話性格不合，半句屌佢嘅都無講（我呀媽仲話xxx係好女仔，我點解唔珍惜呀。。）
最閪嘅，分咗手超過咗大半年喇，個女仔早幾星期主動搵我呀媽話母親節快樂。我呀媽仲叫我：搵返佢啦，人地都無再嬲你啦
希望move on 咗就搵一個過人世
希望我都得
