加上啱啱出嚟做嘢儲到一筆錢仔，真係想搞一搞小弟忍受左5年後面背脊啲暗瘡印，其實由高中開始背脊已經不斷生暗瘡，細細粒，嗰時唔知後果多手會去坳下佢 ，而且不嬲都係大汗底，搞到依家背脊除左有暗瘡印同埋一啲沉澱左嘅印班之外，仲有少少汗斑 
我呢幾年都用盡好多方法去搶救佢，但係一啲都唔見好過
-
小弟真係好崩潰，做gym唔敢着背心，識游水嘅唔敢去，驚會俾人見唔到嚇親人，有一次仲爆到之前同ex愛愛都唔敢，又係驚俾佢見到會冇晒性慾
我只係想今個夏天去下沙灘玩，有返個健康靚仔嘅背脊，所以我覺得美容院係唯一出路
咁我都要講下我啲保養方法先，我平時沖涼由大學開始已經係用番梘沖，周不時會爆一兩粒粉刺，但係好奇怪我唔坳佢或者我查啲暗瘡藥膏喺上面等去自然爆完之後，佢總係會變成印，搞到而家成個背脊都係色斑。
到而家係會一日沖兩次，Keep住着睡衣瞓覺，保持背脊唔會同細菌接觸得太多。
上年我已經鼓起勇氣去油麻地一間比較大型出名嘅男士美容中心，但係實在太貴，重點係頂唔順啲hard sell咁撚死hard，好似拒絕佢係殺佢老母咁。
有冇一間比較有良心嘅美容店(
最好係黃店)而且有呢啲科技嘅療程可以介紹返俾小弟
，或者有冇巴打絲打都係一樣纏繞左好多年最後係點救得返麻煩晒大家教下比下意見，真係唔該晒大家
