入嚟我教你寫維基百科 (有例子，超多圖)

曾經代表佔中三子的麥高義律師近排逝世，但我發現維基百科從來都無佢嘅條目，所以決定幫佢建立一個。
今日就用麥高義做例子，教大家點樣寫一個維基百科的新條目。


見到依一句你就知道「麥高義」仲未有條目，按一下紅色字嘅「麥高義」就可以開始編輯。


列出咗一堆需要注意嘅事項，簡單嚟講就係唔可以copy and paste，同埋盡可能所有內容都要有可信的資料來源。
因為其他人都需要fact check你寫入維基百科的內容，你俾唔到sources出嚟其他人就無必要相信你，所以無sources嘅內容最好唔好寫入維基百科。到時俾人刪除內容唔好怪俾人打壓。（連登、Facebook、YouTube、網台、專欄文章都唔係可靠的sources）

所以我上網搵咗一大堆關於麥高義的新聞。有啲基本資料幾乎每間傳媒都會提及，但亦都有啲資料只有少數傳媒提及，你一定要大量閱讀，先寫到一篇全面的維基百科條目。


對於維基百科的新手嚟講，好多格式上嘅嘢你都未必熟悉，所以最好就係參考其他同類型的條目。
例如我參考咗「余若薇」的條目去改寫。


然後我們要學嘅就係引用資料來源，等其他人都可以fact check。例如「麥高義」原籍新西蘭依一句，明報同蘋果日報都引用過。咁我示範引用蘋果日報俾大家睇，其實最主要都係輸入來源的1. 標題 2. 報章/書籍名稱 3. 日期 4. URL。


跟住你要用腦去篩選麥高義一生入面有咩事蹟值得寫入維基百科。好多新手會將搵到嘅所有資料都放哂入去，結果令到條目失去焦點。而且你可以借其他人把口去側面描寫麥高義依個人，我揀咗陳健民、戴耀廷、周諾恆對麥高義的評價寫落去。只要有可靠的第三方來源去報導某人對事主的評價，依種做法係維基百科許可嘅。


一篇維基百科的條目就係咁樣形成，大家有興趣可以click入去睇下。
https://zh.wikipedia.org/wiki/%E9%BA%A5%E9%AB%98%E7%BE%A9

Nice

BTW
睇返啲舊嘅條目（10年前嘅事件咁）
好多時啲新聞網嘅Link都死晒

只要你寫維基百科嘅時候，寫嘅內容係基於可靠的第三方資料來源，就唔會輕易被刪除。
但如果來源數量不足、內容同條目主體的比例唔恰當，就可能會被刪除。
實際情況需要花好多時間去學，有機會先慢慢再講。

如果有興趣加入維基百科戰線，可以睇下依個post。
https://lihkg.com/thread/1789084/page/1

可以去睇下Wayback Machine有冇
https://archive.org/

推

其實有方法去救死link。
維基百科有個工具叫IABot，可以用Internet Archive去救。

同埋好多人引用嘅時候格式做得唔好，例如淨係寫咗「明報」但係無落標題，又或者用yahoo新聞的link。依啲情況都令人難以追尋資料來源。

推

推

其實寫wiki寫得勁pro嘅係咪博士級而且 有人請佢寫？

呢個pro到好似博士論文咁
https://zh.m.wikipedia.org/zh-hk/%E9%A6%99%E6%B8%AF

呢個廢到又有口語，資料又少
https://gan.m.wikipedia.org/wiki/%E9%A6%99%E6%B8%AF

其實維基百科都係由網民自願去寫。
維基百科有一套方針去衡量內容好唔好，唔合符要求的內容就會delete。
但係百度百科、網典就狗屎垃圾都可以寫落去，所以質素就好低。

支持，

另一個新手常犯錯誤就係搞唔清條目的主體應該係咩。
相信大家都記得「懷仔」肖友懷，佢爭取居港權失敗依個事件都算係一件大事。


如果想寫入維基百科，新手很可能會開一個叫「肖友懷」的條目。
如果一個條目的名稱叫「肖友懷」，條目本身就應該主要介紹肖友懷本人。但其實肖友懷本人只係一個十幾歲的小朋友，值得寫的地方唔多。如果你將事件的來龍去脈都寫入「肖友懷」的條目，就可能會因為離題而被刪。

正確做法係開一個叫「肖友懷事件」的條目，咁你先可以將事件的來龍去脈、前因後果、後續發展寫入維基百科。
https://zh.wikipedia.org/wiki/%E8%82%96%E5%8F%8B%E6%87%B7%E4%BA%8B%E4%BB%B6

簡單嚟講，「官渡之戰」應該開一個獨立的條目。「官渡」依個條目本身應該主要講返依個地方的地理、人口、氣候、經濟等等，而唔需要花太多篇幅講官渡之戰。

推

推

推

推

其實寫維基百科唔需要好好嘅文筆，你睇上面麥高義嗰篇啲句子都好簡單。
唔洗擔心自己文筆唔夠好。