(
https://www.facebook.com/892217210807204/posts/3405703842791849/?d=n)
今晚成晚都係俾呢段「黑警虐兒」片洗版,whatsapp大家都分享左唔同睇法。
以下文章我唔係想blame victim,知道好多資深同工有睇,如有錯漏可以隨便指正交流。好,帶返個頭盔先。
拿你問我。去咗醫院,驗咗有傷痕,同家人對過口供,而且仲有埋片,我真係唔信會有社工「建議」受害人唔報警。唔係幫住某一啲社工講好說話,而係以過往呢幾年嘅經驗 (無法子爆case王見太多了),其實好多時都係child protection行先。我以社工當時睇左條片同見過小朋友傷勢的前設下,分析左以下幾點:
1. 面對長期嘅家暴,加上配偶係警察,所以受害人唔敢報警得好理所當然,因為覺得無用,報完警可能換來更多的暴力。甚至警察嚟到,都係以(家庭糾紛 dispute)來處理,好心嘅就幫你寫張referral 比社署,比社工跟進下囉。但係大部份都會上嚟叫你一人少句就收隊走人。所以,好多家暴受害者嘅心態都係忍。
2. 如果小朋友受咗傷入咗醫院,醫生護士覺得傷痕有可疑,唔係意外造成,一定會通知家長,搵機會admit個小朋友留醫做medical examination。然後再搵MSW -> FCPSU,FCPSU係要outreach上去醫院睇傷勢,決定啟動機制與否,如有可疑亦會通知警崗。之前小社工的個案多由學校社工報,因為之後要做調查,擔心身份尷尬。
3. 報警,其實邊個都可以做,唔止社工。就算你係一個鄰居,你見到一個小朋友隻手有可疑嘅傷痕,你都可以自己去報警。當然報警前,社工有禮貌要知會家長,inform家長會啟動程序和報警。(其實都係為咗小朋友嘅利益着想)
4. 飛拖鞋,踢小朋友,言語侮辱,都只係其中15分鐘影到的片。我相信小朋友應該幾年來都受到不同程度的對待。撇除abuser 的職業,呢條友的anger management 好有問題,需要正視。我相信媽媽同小朋友都過了一段很長的痛苦,才決定會離婚。所以唔好再話「嫁得警察預咗有呢一日」「比黑警中出」,其實人地都已經好慘。
5. 社工「建議」唔報警,呢一個都係可圈可點。第一,呢個「建議」係risk緊小朋友的安全; 第二,社會福利署從來都係一個乜野都講記錄的部門 (超級煩超級均真)。報警,要講原因;唔報警,你都要解釋清楚當時你嘅判斷,點解令到你覺得冇報警嘅需要。black and white入電腦有紀錄,我唔認為一個專業的社工會提出這個「建議」(有人話擔心會影響屋企人嘅前途,所以叫受害人唔好報警😨呢個原因係我聽過最無ground的原因。心唸,阿爸做醫生係咪可以強姦個女,社工見我做醫生而叫屋企人唔好報警?)
6. 點都好,打小朋友就一定係唔啱。我理得你係老師校長醫生律師定賣豬肉,點都係保護小朋友先。記得有次報左警,喺𨋢口比個媽媽恐嚇想郁手咁,無辦法。有啲野做左未必有用,但唔做就一定無用。
小社工愚見,我認為報咗警,就算俾人投訴,都解釋得到。但係如果唔報警,以致小朋友的福利受影響,作為一個社工,就點都解釋唔到。
#唔係幫住個社工
#但矛頭可唔可以對番個abuser