入牆網線一問

原來你叫我去撞下有冇寬頻師傅不過都好似成日見到 我土瓜灣都好似好多 不過想搵通常撞唔到 平時反而好多咁我等陣又上去開POST問下啦 唔該你巴打

我土瓜灣區 巴打可以幫手??

我開唔到POST TIM我都係附近搵下先

3M 牌 CAT 6 10米都係100蚊度

如果近近哋附近我無所謂
不過太遠

有冇唔係地獄鬼國做? 百鯪蚊我寧願比多少少換信心同品質。
我剛收到 pccsuck 話佢地check 到我條 cable 唔係 5e 喎。我買條 cat 6 睇下佢仲有咩講!

係咩唔緊要 多謝你有心

其實 3M 有隻 toolless socket..
用細批已經可以埋到頭。

自己去鴨記華輝搵下。

http://www.weclonline.com/tchi/promotion/3M_oneclick/index.html

巴打 想再問多個問題 到最後我自己拎過夾 夾好左 但我個陣冇話前後夾多幾次確保夾到實一實 我夾左1次 覺得好似實左就插落ROUNTER試下 得左 咁就無再理到 但最近D網速好似唔穩定 關唔關個頭夾得唔好事

穩唔穩定唔係靠感受

你可以試下 ping 下睇下有無 packet lost .
鍵盤上按住Windows鍵+R鍵 , 打 cmd , 按OK


打 " ping google.com -n 100 " , ENTER
會試 100 次 (約 100 秒) , 正常 Lost = 0 (0% loss).
試緊個陣你可以輕力拉下條線 , 如果有接觸不良 , 你可能見到有 " Request timed out " .

唔該巴打咁其實係咪如果用得就代表個頭係夾好左??呢個我試左幾次都0% 可能最近落雨 我個下載速度最近成日跌左好多(我HKBN光纖1000 之前插好用返HKBN個speed test試有800幾差唔多900 但呢排有時跌到得200幾 要restart部modem先好返)我又唔識 成日形住係我個頭夾得唔好

好多年紀稍大嘅裝修佬都唔識呢啲網絡、夾線，Panel 嘢，一般人又唔識或冇工具自己攪。其實有冇一啲小型網絡工程公司/freelancer會接唔啲細 job黎做？我八卦問過電腦商場賣 Lan 線嗰啲都冇乜結果。

搭單一問 佢開咗槽鋪咗綫係咪可以換
我屋企岩岩鋪完批緊灰 未得閑規劃網絡d野 應該趁早搞定係遲d先搞都得呢排要溫書
ps樓主你d排版好頂癮

唔太明你嘅意思
你嘅意思係自己想換線 cat5E升級cat6？
唔知你屋企個裝修設計係點？啲線點行？你想點改？有咩工具？
資訊咁少好難評估得唔得

但入牆嘅線路最好係在裝修期間舖咗先
而且到時啲傢俱入哂伙阻頭阻尾就整餐死

最起碼要留盒仔位, 留引線拉線

係啊巴打 我都唔知佢鋪咗條咩線入去
而且話鋪曬入房但我去睇嗰陣電制位都唔見個線頭
最衰鋪嗰陣我無去睇下 宜家個包工頭又唔識呢d淨係話人地做開知點做
我諗都係搵返個師傅問清楚好d

者係點講多少少得唔得

不如講下你做左啲咩啦，多數裝修佬都唔識夾個lan頭，又唔知你喉入面鋪咩線，正路自己買圈cat6 / 叫isp 留圈線畀裝修佬，陣間裝修佬用啲垃圾cat5 線就慘

屌 咁九成係我一開頭淨係要求係廳駁到入房 個排都係屋企人跟 話個裝修佬講得ga啦人地識做
話說入屋個段會晤會都係cat5以前用100M上網就無注意

入屋依家係光纖

聽到你咁講 大致上有啲眉目
我會建議你趁未入伙落現場做評估先(準備定螺絲批)
以下步驟分先後

1)首先睇吓佢放咗咩線先
*(如果係cat6就可以完)
*(其他線做下面步驟評估)

2)搵返線頭和線尾個位置係邊先
留意吓兩邊條線係用面板定直出方式，見光位通常會用寛頻面板
兩個方式都會表示你之後穿完線要準備的工具
如果有寛頻面板代表你要買壓線刀
如果條線係直出就要買線鉗

3)睇吓線頭(總位)放線個條喉裡面空間仲迫唔迫
因為cat6線比cat5/5E線粗啲，如果你條喉本身放好多線，啲空間好迫唔夠位，就算以揪走一條線嚟計，都會好難穿到條cat6，而且太迫你格硬拉線，好易會拉傷啲線，到時就好麻煩

*(如果空間好迫就果斷放棄)
*(如果空間好多，紅隧咁闊就最理想，去下一步)
*(如果空間還可以，風險就高啲，最好諗諗先，拉線可能要以兩個人一推一拉的形式，而且到時要準備穿線油做潤滑)

4)跟線睇吓條喉係點走法、啲過路位係咩位置，距離有幾遠，等自己知道到時條線要點拉
*(因為啲喉入哂牆，你裝修個陣未跟過就好難去推斷，正常要搵返造喉放線個師傅問返啲線點走)
*(如果轉灣位多，有機會難度高啲)

至於換線的方法
方法1.侵線，加多條cat6
(多條線做後備，但要買穿線帶，要條喉空間大)
方法2.用唔要個條線做引線(開皮、線綁線包膠布)拉走cat5換cat6
(慳錢、快啲，不過如果本身條線cheap，可能拉拉吓會斷，到時就要成條拉走然後用返方法1)

如果用方法2就要試吓每個過路位輕輕抆吓你想換個條線，睇吓鬆定實，唔好太大力抆走條線，因為啲師傅放線未必會梳線，可能幾條線係條喉入面打哂撠，有時你眼見條喉裡面線唔多，空間好似好足夠咁，實際上裡面撠到實一實。

如果決定要換線就趁傢俱未入伙之前做

多謝巴打指點簡直係鉅細無遺
叫咗裝修佬去問返 希望唔使咁大陣仗