其實咩係港式粵語？

昱洛 2020-04-04 19:50:05

【光復粵文】（二）

講吓咩係香港粵語之前，先講吓咩係粵語 ( 粵語≠廣府話 )。
「粵」喺文化意義上，指「嶺南」。「嶺南」地區，包括廣東、廣西、海南、香港及澳門。

粵語係流行於「嶺南」地區嘅語言，地位同德語相約。
如果視粵語為獨立語言，粵語內部有以下方言。而香港粵語屬於廣府粵語（廣府話）。

香港粵語係廣府粵語下嘅一種口音。

而香港粵語以廣州口音（廣州話）為基礎。
香港粵語有三大特色：
1. 從外語借詞，如英文、日文及法文

2. 中英夾雜

3. 懶音

即係話，香港粵語嘅組成部分係中文字加英文字母。

專欄作家顧秋田寫嘅《從JM Tone反思港式粵語的演化進程》咁講：

「………港式粵語非但吸納了外來詞語，更吸納了英文的根本組成部分。如果說英文的組成部分是26個字母，日文是46個平假名、46個片假名加2,000多個漢字，那港式粵語的組成部分，就是54,000個傳統中文字加26個英文字母。也就是說在某程度上，ABCD有份構建了香港人的語言系統，和橫直撇捺一般無異。」

香港大學《學苑》2017年最終回《香港新文學運動》亦有相同嘅睇法。

香港粵語對香港民族有幾重要？
喺英國，講蘇格蘭口音嘅英文，就係蘇格蘭人嘅「自己人」，蘇格蘭口音構成蘇格蘭民族。
愛沙尼亞人唱愛沙尼亞語民歌，以抗議蘇聯統治及爭取獨立，用愛沙尼亞文喚醒愛沙尼亞民族意識，高呼「我唔撚係蘇聯人同俄羅斯人！」。
而香港粵語，就係香港民族嘅文化標記啊！

《香港革新論》作者之一何俊霆寫嘅《捍衛港式粵語之文化標記》咁講：

「…………學者巴塔查亞（Abanti Bhattacharya）在研究香港人身份認同（Hong Kong identity）時，也指出受殖民地英語社會影響之港式粵語，與廣東地區的陸式粵語不論在口音、用詞以至文法上也有顯著分別。而這種語言上的獨特性，正是香港人身份認同的重要文化標記之一。然而，隨著教育局硬推「普教中」，不少香港小童混淆大陸用語與地道粵語。在自由、法治、廉潔等港人核心價值被逐步淘空之際，假如香港人下一代連語言也「與大陸接軌」，令港式粵語不再成為港人之獨特文化標記的話，香港主體性必然岌岌可危。」

所以話，建構香港民族主體性，必先由香港粵語做起！
語言可以作為帝國嘅統戰工具，同時可以作為帝國嘅瓦解催化劑！

香港粵語vs粵語嘅關係，就好似奧地利德語vs德語、閩南語vs台語、甚至係愛沙尼亞語vs德語嘅關係！
香港粵語有740萬人用，奧地利德語有850萬人用，相差唔遠！
而奧地利德語係奧地利共和國嘅官方語言，可見香港粵語絕對可以喺世界上有立足之地！

但係，而家連「粵語入文」都未為大眾所接受嘅時候，推動「香港語入文」其實有啲不切實際。
所以，民族建構要一步步嚟。
例如，你而家叫個香港作家用中英夾雜嘅香港文創作，佢會答你，「我寧願寫粵文。」

而且，中國政府同中國殖民政府大推「廢粵推普」、「普教中」，連粵語嘅生存空間都開始出現危機囉喎！
推廣粵文係首要任務！
幸好，香港有好多有識之士喺粵語保存上做咗唔少功夫，令到粵文有更好嘅發展基礎！

假以時日，一旦粵語成功入文，同時粵語同港式粵語嘅差距越嚟越大，到時就可以正名為「香港語/香港粵語」喇！
愛沙尼亞語之父Kristjan Jaak Peterson喺大學都係學德語，然後發現德文同自己嘅母語「愛沙尼亞文」唔同，從而開始用愛沙尼亞文寫詩。
但係，如果當年無馬丁路德推廣德文，就唔會有愛沙尼亞文囉噃！

我之後仲會寫一篇關於粵文嘅文章，講吓粵語拉丁化。

PS : 小弟用筆名開咗個Blogspot同FB account
因為先前有人cm話想share上fb，為咗方便大家睇同share，我已經將之前啲舊文整合放咗上Blogspot :
【維多利亞城】https://victoriacityhk1841.blogspot.com/
有時為咗方便，我會直接up上Blogspot，然後再forward上facebook，有興趣可以follow我嘅FB account : https://www.facebook.com/Leo1841

推動香港民族意識覺醒係要靠大家
所以有咩想我寫或者比意見都可以Pm我，交流交流，互相學習

舊文重溫：
有一個民族永遠都係我哋嘅敵人 - 民族仇恨 - https://lih.kg/1944561
記住我哋寫嘅係粵文，唔係口語！- 光復粵文（一） - https://lih.kg/fjQwhS

推薦幾個高質獨派論政/文宣 Pages （Like and follow）