［暗瘡A酸］生咗暗瘡10年 最近積極考慮食A酸

咁驚 我有聽過會甩頭髮，但話停藥會生翻
你係女？

食左6個月每日40mg
停左一個月最近啲面油又多返
想問下a酸停藥後應該用清水洗面定點

呢幾日生左1-2粒

應該食夠數 個醫生同我講食夠6個月就得

有戒口但冇早訓

頭髮會好乾 塊面甩皮甩得好勁

睇尖沙咀何家強，2次都係20mg，第二次食咗一年
依家過咗年幾，又開始爆返，想睇醫生，但何只會比20mg食，佢話我係天生爆，只可以等年紀大，出油小啲就會爆得冇咁勁，冇得搞。佢話過如果繼續生得勁就配低劑量長期食。其實我想試吓食高劑量，但何醫生真係好平，一個月配藥750，我係學生冇太多錢，大家有冇平啲嘅醫生介紹？

十年前食過，今次第二次食，個陣睇MK陳，好左幾年又開始生番，中途試過長期食抗生素，不過都控制唔到，一開始會幾好，但之後都會生番。

其實本身唔算好多暗瘡，不過因為過去長期都不停生，好完又會生，塊面基本都會有暗瘡存在，最後都係決定係上年同12月中再食（自己買），今次打算食體重x150，一開始食因為心急食高劑量（60mg/day)，第一個星期已經即刻爆發期（第一次食無），其實爆發期原因係因為A酸會將你粉刺排出，同時改善你既角質，但粉刺排出會比較快，當角質都未重整而皮膚強行將粉刺推出黎就會令毛囊發炎，形成暗瘡（爬文話男仔容易爆發期啲），個陣係爆到直程懷疑人生，好彩大概爆左一到兩個星期就完左，其間啲粉刺都甩哂出黎，其餘副作用都係普遍比較乾，手會有少少濕疹，有流下鼻血，爆發期過後頭一個月暗中都會有一粒，而家食到第三個月已經無哂瘡，得番啲紅印，而家療程食左一半，會準備慢慢減劑量拖番長黎食。

總括而言都係後悔食得遲，唔好拖到有疤先食（好似我咁），處理疤痕凹凸洞貴過食A酸好多呢。

食嘅時候有戒口 食左4-5個月真係好好多 冇食有生番少少幾粒咁但係都係可接受範圍

第10日：面同手腳都好乾；面每日沖涼都係甩皮，啲石頭瘡開始消哂，但多咗兩粒大孖瘡。

利申：40mg 陳醫生

比多少少耐性
明顯已經見效，過多一排，你想生暗瘡都難

可唔可以tg我 想問多啲嘢
岩岩睇完佢都叫我可能要食a酸

1x歲食左一年o牌30mg 到依架都未復發，捱夜唔夠訓先出一兩粒
利申2x歲巴

希望真係有用，完咗要去清啲印
順便想問巴絲有冇去印心得

現階段你個情況，其實首要係要停出暗瘡(起碼停出80至90%)先，
之後先再諗去印

當你達成呢個條件，由於食A酸會甩皮，去角質快左，所以D 印亦會慢慢淡

但要攪清一件事，「A酸」同「去印」係冇必然關係，要有效去印，個人建議停出暗瘡一排之後先好去諗其他方法

明白
食完之後有冇話幾耐之後先可以做激光

如果你去專科醫生做激光(唔係指美容院嗰D)，做之前你要簽份同意書，
裡面要你証明半年內冇服用過任何A酸，佢先會幫你做

利申：曾經自己做過，網上都好多人咁寫