［暗瘡A酸］生咗暗瘡10年 最近積極考慮食A酸

求過來人分享，任何相關資訊都得，而我最想知係停藥(按醫生指示完成療程)後有冇復發，冇復發嘅幾耐冇復發，復發嘅又係幾耐/因咩事復發？復發嘅情況同未食前比較係點？

A酸最吸引我嘅地方係可以令皮脂腺永久萎縮，真正源頭解決暗瘡，令油性皮膚變中性甚至乾性，粉刺黑頭都少好多，毛孔自然收細，係咪真係咁？

食A酸嘅你地，醫生點同你地講？

利申：女，自青春期冇停過生暗瘡，時好時壞，長期缺乏自信，冇拖拍，所以唔洗擔心A酸引致畸胎問題

同問 都想知

搭單一問
咁如果係嗰啲好細粒好細粒嗰啲呢
好極都好唔到永遠塊面都好鞋個種
同毛孔勁大
有冇人係呢個情況之下食完係有好轉

恭喜
你幾重同食幾多mg？醫生覺得你暗瘡問題有幾嚴重？

食完都未必有拖拍嫁喎

唔食又係無拖拍

所以你咁care做乜？

我暗瘡控制得比較好嘅時候都係咁，但面油一直好多，而且我會係壓力大嘅時候爆石頭瘡

屌 生暗瘡好L痛

我都同你差唔多
都差唔多生左10年
又未去到石頭瘡咁嚴重嘅
但一大壓力或者夜瞓就會好多有膿嘅瘡

食咗9個月A酸 30mg 開始減劑量

開始食原因又係爆瘡爆到七彩
facial, 中藥, 轉過幾set護膚品乜都無用
食咗A酸啲暗瘡收哂
好好彩無經歷過爆發期
但副作用唔多唔少都有
我個人就覺得脫髮勁咗
仲有嘴唇同眼乾 (所以戴con要小心啲)
同冬天啲皮膚會乾到好似起疹咁(但好彩只係手背)
詳細副作用去到睇醫生時醫生會講

油脂收乾哂 但可能未食之前好油 所以唔覺皮膚好乾
我連頭髮都變到乾爽 可以兩三日唔洗頭都唔油
有一段時間連油脂粒都無哂
係近排生番少少油脂粒

之後有無復發我答你唔到
因為我都第一次食
但我覺得如果你乜都試過哂都無用就應該試下
反正都已經爆到七彩我覺得唔差在搏下

好成功喎咁你想知大概費用 睇醫生、藥費、驗血or其他相關費用 麻煩曬

食啦 我都生左好多年 睇左幾個月差唔好多返晒
不過副作用比較勁

去過旺角陳榮杰到睇
真係一嚟就叫我食
但少少擔心副作用

生左10年都唔食
係咪白痴架
有無相睇睇嚴重否?

我覺得收頭油係一個唔錯嘅bonus 啱呀，我試過好多facial去角質、peel、co2 laser、打到成塊流曬血嘅都試過，效果只係一兩個禮拜比較平滑，因為出油量始終冇變過，之後打回原形，而且呢啲都係我暗瘡比較好嘅時候先試，爆發緊嘅時候根本咩都唔敢搞

唉 細個識咩呀，以前以為A酸係治標唔治本，我老母淨係識得叫我早啲訓覺... 睇下中醫咁

佢冇叫你驗你食得好似都算高劑量喎，唔驚傷肝咩？

講返先 睇顧醫生 開頭食抗生素 抽血 再食a酸
開頭20mg 之後就40 要keep住每幾個月抽血
差唔多都好返晒 但就比較貴 平均4xxx一個月 要食9個月

我都算係冇乜爆瘡嘅時候做嘅（程度10分有兩三分咁），而且因為我以前一直唔覺得自己會有完全冇曬暗瘡嘅一日，冇諗過食A酸，以為食A酸好容易返發，到時仲pk點知最近上網睇咗好多資料同過來人分享，發覺效果好似唔錯

700連藥費？咁又真係幾平