【十年結局＋外傳＋後記】《女朋友全家變咗隻蛋》（１１）

翌日，鎖羅村山尾。

東武勳將車尾箱嘅西品全兒子──西品豐，孭到單肩上帶上山。

「你......你...原來......係你......點解...你要咁......做......我明明...都無招......惹你......」被綁架多日嘅西品豐，營養嚴重不足。

「刪除敵人嘅下一代，防止佢哋尋仇，係我學識要做嘅事情。如果唔係，一陣你生咗另一個「西品勳」，有我咁嘅毅力、勇氣、智商同堅持，恐怕到時老咗嘅我，下場都西品盛一樣。」

「嗚啊......我唔會......搞你......放過我......」西品豐無力地求饒。

「你已經享受咗好多人大半世都得唔到嘅物質生活，你就唔可以稍為安靜下咁接受死亡？」東武勳轉念一想，說：「我手下應該叫你背熟咗《紅神目詠歌》，唱嚟聽聽......」

「嗚呃呃......唔好呀！我唔想死啊......」西品豐不斷哭泣。

「唱。」東武勳以命令嘅語氣威脅。

西品豐以淒慘嘅腔調，一路唱住喻意奉獻生命嘅歌，一路被東武勳孭上山。

氣氛極之詭異。

「赤日赤日紅神目......」

「我等願意奉上眼......」

「赤日赤日紅神目......」

「我等願意奉上耳......」

「赤日赤日紅神目......」

「我等願意奉上臟......」

「赤之天、赤之海、赤之山，我等正向你祭拜......」

「請你於逢魔之時紆尊降臨......」

「敬畏的神明啊，原諒我等祖先饕之罪，我願將凡世之羔羊饋贈」

「赤目赤目紅神目......」

「我等願意被召入樂園......」

「赤神赤神紅神目......」

油頭佬好有型

山頭不斷徘徊佢悲慘嘅歌聲，直至到達鎖羅盆內村。

「你可以停低。」東武勳企喺水井前。

「係...係咪......放過我......」


「係，你獲得解脫。」東武勳毫無先兆，將西品豐扔入井下。

「呯──」沉響。

井底下，發出鮮艷紅光。

出現咗個，只會存在十多秒嘅異世界通道。


東武勳立即跑到草叢間，企喺樹林旁偷偷觀望水井情況。

不出數秒，一個男人從井底反向跳出，兩腳著地時站穩到井邊。


「你徒弟，同十年前無分別。」

東武勳冷冷一笑、轉身離開。

──外傳完──

仲有一個外傳 係之前1000正評

會講西裝兔人

咩徒弟，睇唔明

泉叔徒弟 = 政

見到外傳完三個字嚇死咗以為冇得再睇
好彩仲有
多謝墨巴

泉叔徒弟

明了，感謝

原來油頭佬姓東武

睇完好失落 又再次完咗

浣熊會唔會殺左佢？

負皮王終於出現

想睇浣熊+周文政+Chloe外傳

咁所以西品公司同重生會有冇關係？定一話西裝兔人就係兩者嘅連結？

好好睇呀
唔捨得個故事完
原來油頭男都好有義氣 好好人，救番政出黎
同埋睇唔出浣熊都咁犀利 單拖殺左多隻兔子人

終於睇哂！好想知道西裝兔仔人外傳

Negative skin king

政都只係速學劍術沅熊由細學到大

個外傳好緊要

你唔俾人哋揸槍？

細路