【後記】
首先講咗先，呢個故事係會出書的
兩個月時間不經不覺又過咗，故事真係可以令人忘記時間，有時一入咗個世界，一要抽離面對現實世界就會有種莫名嘅失落感，我都係。
不過好彩嘅係，我自己個腦仲有好多故事，所以其實永遠唔會悶，但作為作者就唔可以體驗到讀者嘅樂趣，因為每件事都係你去鋪排。
講下角色先，政、泉叔、宋文德、沅彤依四人組我好鐘意，佢哋都各自分別代表住一啲特質，一個人可能好單薄，但當四個人合起上嚟就近乎天下無敵。
以下我講啲，角色之間原本情節鋪排，不過俾我改咗：
1，宋文德原本會因為不信任，而用八赤刀斬傷泉叔
2，泉叔原本會喺潛入西品盛屋企行動中，被虐待致死
3，原本設定破蛋重生嘅人，會以嬰兒年齡時期重生
4，沅彤角色係「教育營」一章先臨時諗到加入去
5，原定主要角色只有政同泉叔兩個人打天下
6，最初構思結局，係政用汽油加火將破蛋重生嘅「新人類」燒毀
7，重生會原定係智利復活島上某個邪教組織
8，故事開始時，並未諗到將紅神目實體化，變成可以發生衝突嘅角色
關於結局，好多人覺得係政揀咗同沅彤一齊，呢方面就睇大家點諗，因為我刻意留白咗。無論咩嘢關係都好，其實最緊要都係大家開心，只要你望住佢笑，自己都會笑，咁就足夠。
最後重申多次，其實呢個故事將會出書，依家已經搞緊封面之類嘅嘢，鐘意嘅記住遲啲買本支持！
——————————————————————————
【收費網站】
講完後記，就講講我IG宣佈嘅大事，就係我個收費網站會喺3月12日營運，到時會用嚟載《病港2》，有呢個諗法係因為我之前連載咗《病港》成年，最後都係喺出書個到拎返少少收益，所以我寫緊嗰一年其實真係完全靠興趣嚟維持生活，每日不吃喝煙火、又無返工，成個求導者咁。
為咗令自己嘅作品效益最大化，自己唔洗咁慘，就決定整咗個網站，付費嘅讀者可以喺入面，每日睇到《病港2》更快同更多嘅內容同情節，當然我都會照將《病港2》呢個故事放喺連登連載，不過只係付費嗰邊進度快少少咁解。
原本我諗住遲少少開，因為其實我都仲有想hea陣嘅心態，但見近日停課，唔少人應該無所事事，缺乏心靈寄託，所以就決定盡早繼續寫病港呢個大世界，令大家投入去寄託下，以下係網址：https://maksyut.com/
基本上可以開始申請會員同付費，但付咗費都係會3月12日先睇到啲文章，有唔明點注冊/付費之類，可以去「FAQ常見問題」專區睇。
個網其實無咩特別，就係設計成專放《病港》呢啲超過一百萬字嘅大長篇，基本上一般平時10萬-20萬嘅短故我就唔會放入去連載。
價錢就係$180三個月、$360六個月，同$720一年(額外送多3個月)。有追過我病港都知，我基本上可以360日連續寫唔斷氣，所以唔洗太擔心我斷更
除非我斷咗隻手。總括而言，呢個網係專ｆｏｒ鐘意投入「病港」呢個世界嘅讀者，我依然會喺有靈感時候，喺連登連載其他題材嘅故事。
有咩唔明可以FB 或者ig私訊我，我盡快回覆，感謝各位一直嘅支持。
實課金支持
墨b萬歲
