《女朋友全家變咗隻蛋》（６）

點會唔關

就當我個心，係咁諗嘅時候。

我見到現場，唯獨站立住嘅宋文德。

宋文德......

宋文德...

點解，點解佢仲堅持企喺到......

佢用手掩住自己眼睛，好似正喺到思考緊一啲事情。

「向我跪拜！成為第「十四求導者」！」主教渾厚嘅聲線怒喝。

人，一旦跪低，就再無辦法企返起身。

即使再企起，都無辦法改變任何事實。

就如放棄咗一次，

以後，放棄就會成為其中一個選項。


所以，佢無選擇舒適嘅路。

佢跨出一步、

兩步、

三步！

然後，佢拎出咗八方鏡作為抵擋，向住主教掛喺頸上嘅「紅神目吊咀」反射......

兩股強烈嘅光芒互相映射，令空間更加不穩定。

連在場嘅求導者都感到愕然。

「宋文德！！」我叫住佢，但我無辦法再前進：「你承受唔到嫁！」

前方，

太刺耀、

太閃耀。

宋文德嘴角同眼睛同滲出咗血：

「政......」

「世界上......」

「總要有人，背負......真相嘅沉重。」


「咔......」佢接近嘅距離，令到八方鏡都開始碎裂。

咁其他使徒其實係廢嘅？
定因為宋仔睇左個井所以跳左級

今日大贈送
文量x2

宋文德。。。

好型

好睇

就連嗰個第一求導者都無辦法直視嘅紅神目光芒......

你點能夠...

點能夠去......

「冰咔！」八方鏡碎裂。

宋文德距離主教不到三米。

「我......可以......」宋文德棄咗裂碎嘅八方鏡，直視住前方嘅紅神目光芒。

「跪下！！！！！」主教又驚又怒咁大喝。

「啊！！！！」宋文德不顧一切，上前一手搶走主教項上嘅「紅神目吊咀」。


「呯！！！」


吊咀被奪去嘅一剎，發出強力嘅紅波震動，一下子擊暈彈退在場所有人！


我失去意識前最後嘅一個模糊嘅畫面，

就係宋文德嘅背影......

不屈嘅背影。

Lm

聽日繼續

my ig：maksyut20030164

my fb：墨說

無任何人能夠直視紅神目光芒，因為太過強大

要靠意志

好睇等你

多謝出左咁多文好感動我愛黎明

原本隻兔食咗勾玉，

之後主教阿爸食咗隻兔，吞埋粒勾玉=變成「紅神目」

好好睇，終於瞓得，早抖

今日出咗好多文

墨巴好勤力

好似仲有個日蝕

異空間...諗起stranger things
同埋我唔係好明
主教喺一百年前出世
一出世沅䑣阿婆就出場
假設阿婆嗰陣二三十歲
當佢90歲死
最多都係六七十年前嘅事
有一百年咁多咩

P.s. 好好睇 每晚最期待就係f5你個po等文出 辛苦晒

夜瞓嘅人有文睇

墨巴 我同條女一齊追緊 代佢講埋我地愛你

好正

主教30年代左右出世

當時沅彤阿婆大約18,19歲 50-60年代左右 生咗沅彤阿媽 沅彤阿媽再喺90年代生沅彤

宋b好型