無錯，死人的確最可以保守秘密。
我望住眼前呢團仲流住血嘅肥肉，不斷回想我同佢以前嘅經歷。
「阿娟，你睇，似唔似直升機呀？」細個嗰陣，佢好鍾意一路fing一路問我。
其實我嗰陣都仲未知咩係直升機。
「似…似…」我唔想掃佢興，就話咗似。
而家諗返轉頭，話唔埋，我真係鍾意佢。
我拎住把刀，繼續幫佢進行切除手術。
無機會親身試一下，真係可惜…
無辦法啦，我始終唔想我嘅秘密俾人知道…雖然對唔住阿姨，但我會做得乾乾淨淨。
處理完佢嘅寶貝之後，就要諗下點樣處理佢條屍。
根據以前嘅做法，我都會直接車條屍去河邊，綁舊石就神不知鬼不覺。
中國地大，呢啲小村落人都唔多個，實在好方便我進行收藏活動。
但今次呢條友實在太肥，我驚搬佢唔掂…所以唯有肢解埋再分開丟。
我間屋起咗個隔音室，喺入面就算用電鋸，都唔會嘈到隔離屋。
肢解完佢之後，我仲要整標本…
睇嚟今晚都無得瞓…
