（超短故）新年流流，我被挾持到死亡高鐵之上

呢晚應該係我人生之中度過最長嘅一晚。

雖然張床同張梳化都有頗一段距離，但話晒都係獨處一室嘅狀態，我緊張到瞓都瞓唔著。

「你瞓唔著呀？」過咗一段時間之後，阿娟問我。

「…」我扮瞓著咗唔答。

「如果呢條村爆肺炎呢，你會唔會丟低我？」

「…」扮聽唔到無死。

「唔好扮瞓啦，阿姨話你鼻鼾聲好大。」

屌…我有時真係懷疑我究竟係唔係我老母親生…

「我係咪都會返香港架啦…」

「咁點同…」

「有咩唔同？」

「都係算啦…」

阿娟講完呢句之後都無講過嘢，而我就眼掹掹到天差唔多光先瞓得著。

醒嗰陣已經下晝，阿娟唔見咗人，而我都準備去相睇。

老母入嚟幫我揀咗套衫，我換好之後就同佢一齊上路。

相睇對像係某親戚個女，住喺隔離村。

老母話為表誠意，所以今次相睇地點係佢地村嘅某間餐廳。

我地揸住個地點，由三舅父車我地去。

明明話係隔離村，但竟然都要成粒鐘車程。

呢條村望落比較繁榮少少，三舅父話自己四圍行住等我地，我同老母就行入咗間酒樓。

行入嗰間「梅」字房，坐咗兩個中年人同一個後生女。

竟然，係個靚女嚟。

老母用一輪鄉下話同對方父母溝通，我就眼甘甘咁望住條女。

白白淨，楚楚可憐咁，有咩理由嚟同我相睇呀？

根據老母嘅說法，我係連阿娟都襯唔起嘅癩蝦蟆，但眼前呢個女仔，比起阿娟係有過之而無不及。

成個過程我都係點點頭，笑笑口，諗住應付應付就算數。

個女仔都係怕怕羞羞嗰種，我老母仲話我地襯到絕。

對方父母望住我咁嘅尊容都一直保持笑容，唔通張香港身份證真係咁吸引？

餐飯食完，個女仔仲問我拎wechat，我話我無裝，佢仲好熱心咁幫我裝埋。

回程途中，佢已經急不及待咁用wechat同我打招呼，我無應佢，而係撳入佢profile睇睇，唔記得同大家講，佢叫阿麗。

阿麗profile入面有好多相，係同一個bb嘅合照。

「都幾趣緻喎。」我口噏噏。

「都話你同佢襯架啦！呢個佢個女嚟架，你覺得趣緻就得啦！佢老公前排失咗蹤，留低佢兩母女，你又單身寡佬，而家買大送細，我即刻有孫抱！」老母喺後座講，我心諗你唔係開通到咁下話？

未亡人嚟架喎！介紹俾個仔？

男主角阿媽百無禁忌喎

返到去之後，阿娟竟然喺門口迎接我，仲請我同老母去佢度坐下。

阿娟見到我之後，就即刻問我去咗邊。

相睇，本身諗住咁樣答嘅我，唔知點解收返呢兩隻字。

「聽講你去咗隔離村喎！點解嘅？我唔知嘅？」她一直追問。

「我帶個死仔去相睇之嘛！」我老母幫我答咗。

作為老母，佢都算係唔識睇個仔眉頭眼額，我擺明迴避緊阿娟嘅問題，但佢就和盤托出。

入到阿娟間屋，間隔同我嗰度都差唔多，但唔知點解，好似死氣沉沉咁。

「你屋企人呢？」我問。

「佢地出咗去。」阿娟答，表情有啲僵硬。

「係呢，係咩人嚟架？」阿娟繼續追問。

「老母啲遠房親戚…」

「哦…咁見成點？」

「無咩點，一餐飯嘅時間，可以點？」

「哦…咁就好…」阿娟說。

「個死仔有咩條件揀吖！雖然對方就有個仔，不過條件都幾好架！起碼唔會嫌我個仔先啦！」

砰！

阿娟打碎咗拎住嗰隻杯。

「有無整親？」我問。

「無…無…」

阿娟嘅反應實在出乎我意料，除咗佢鍾意我之外，我確實諗唔到另一個解釋。

如果有得俾我揀，就揀係揀阿娟，唔通真係貪買大送細咩。

不過都係嗰句，毒撚最忌有自信。

「個死仔有咩條件揀吖！雖然對方就有個仔，不過條件都幾好架！起碼唔會嫌我個仔先啦！」

唔係女咩?

女

Btw 阿娟屋企

幾好睇 可唔可以出密啲啊

先唔講阿娟會唔會睇得上我，連嗰個未亡人係唔係真係唔介意同我一齊，都係未知之數。

話口未完，電話就收到來自未亡人嘅訊息。

「你好，在做些什麼呢？」未亡人問。

唔通我答佢我喺另一條女屋企到咩。

「咦？邊個嚟架？」我都未嚟得切覆未亡人，阿娟已經問我。

「無，啱先嗰個之嘛…」

「可唔可以俾我睇下？」阿娟問。

「又無話唔得嘅…嗱。」我將部電話遞俾阿娟，希望佢唔好好似打爛隻杯咁整跌我部電話。

我仔細咁望阿娟嘅神情，想睇下佢知道我相睇對象同佢差唔多靚嘅時候佢會有咩反應。

阿娟碌咗兩碌我部電話，然後講：

「佢都幾靚喎…」

咁鎮定？睇嚟果然係我會錯意。

「係呢，你知唔知佢老公…點死架？」阿娟問。

「邊有咁快傾到咁深入！不過聽日會再見面。」我講。

「聽日？幾點？喺邊度？」阿娟有啲焦急。

事無不可對人言，我如實咁同阿娟講約會嘅時間地點。

我內心係唔係想阿娟阻止我去呢？我都唔知。

但佢剩係哦一聲，就結束咗呢個話題。

我又點會估到，當我聽日準時去到同未亡人約會嘅地點嗰陣，等極，都等唔到佢。

唔係吹文
只係想巴打知有人睇

未亡人死咗。

條屍被發現之後極速火化，村入面嘅人都驚係武漢肺炎所引致，大家議論紛紛。

雖然話呢隻病毒唔明白嘅地方有好多，失驚無神死咗極速火化亦符合鄉下人嘅做法…

但如果未亡人真係因為肺炎而死，同佢同檯食飯嘅我同我老母應該都奶硬嘢。

病毒有潛伏期，我同老母而家仲乜事都無自我隔離緊，不過最令我懷疑嘅係…未亡人父母仲係生勾勾咁出席火化儀式。

一條基本上唔會同其他地方有往來嘅村，無啦啦死咗個人，就話係武漢肺炎…

未免太過武斷。

因為呢個懷疑個案，所以喺隔離期間都未可以返香港住。

有時真係唔明鄉下人嘅處事手法，好地地一個人死咗喎，查都唔查下就賴落肺炎到？

我覺得件事唔係咁簡單。

「唔好太傷心啦…」阿娟wechat安慰我。

「同佢其實唔熟…不過係可憐個細路…」我回覆。

「有時天意嘅嘢，都無辦法…」

「又會兩公婆都咁唔好彩都有…」

「係囉，你休息下，唔好想太多。」阿娟講。

「嗯…」

果然，件事唔係咁簡單。

推

段故唔差阿
點解咁少人推 樓主又出得咁慢

wtf

Pish!

果然，件事唔係咁簡單。

既然阿娟形容件事為天意，咁即係佢好大程度上都覺得未亡人係死於肺炎。

但，佢問都無問過我嘅身體狀況。

肺炎喎，死咗人喎，我仲要同未亡人食過飯喎！

如果未亡人真係隱性患者，咁我瀨嘢嘅機會都相當高，如果我瀨嘢，同我接觸得咁緊密嘅阿娟，似乎都好大機會會瀨埋。

但，阿娟一句都無問我有冇咳呀乜乜柒柒咁。

令我懷疑佢到底係唔係唔怕死。

如果佢唔係唔怕死，咁有好大機會，就係佢知道未亡人唔係死於肺炎。

我嘅想法不斷引導我去阿娟到，如果話，阿娟有咩動機殺死未亡人嘅話，我只諗到一個可能性。

就係，佢鍾意我。

為咗排除我同未亡人一齊，佢狠下殺手，襯住而家成個中國肺炎爆得咁勁，神不知鬼不覺咁落毒殺人，順水推舟賴落武漢肺炎到，乾手淨腳。

尤其係呢啲鄉村仔，每個人都唔想搞大件事…

不過，為咗我，真係值得殺人？

我決定去問清楚阿娟。

我係一個收藏家。

由好耐之前，我已經想收藏佢。

無奈佢係香港人，自從細個之後，就無返過嚟。

但我對佢一見難忘。

無論之後幾多幾多收藏品，都及唔上我嗰一日見到嘅佢。

今次難得佢返嚟一次，我唔可以錯過呢個機會。

奈何偏偏，佢今次係嚟相睇…而相睇嘅對象，仲係我以往一個收藏品嘅老婆…

「阿娟，你鍾意我？」今日佢約咗我出嚟，一嚟就直接問我。

「你…做咩咁問？」我呆咗呆，估唔到佢會咁直接。

「因為，我覺得你好特別。同一般女仔唔同。」

「有咩唔同？」我好奇喺佢眼中嘅一般女仔係點樣。

「喺呢啲鄉下地方，你呢種年紀嘅女仔好多都結咗婚，又或者出咗城，你就好似唔屬於呢度咁，但又一直留喺度。」

呢一刻我唔係無諗過，佢已經發現咗我嘅秘密，但無論如何，我都唔想對佢落手。

喺得到佢個人之前，我都唔想對佢落手。

「有時有啲嘢，唔係表面睇咁簡單。」我同佢講。

「咦，你好似收埋好多秘密咁喎！」我唔知佢係唔係試探我。

「有時有啲嘢，我唔講，你唔講，就叫秘密架啦！」

「而死人，就最可以保守秘密，係咪？」

主角噉大膽嘅