我又講下我嘅故事啦巴打
我同個女仔都有另一半,喺關係破裂之前,我哋算係曖昧嘅朋友關係。大概去到11月尾12頭嗰陣,對方講嘅嘢開始有少少奇怪,對我都忽冷忽熱,我好擔心佢唔再理我,於是對佢過份關心,終於佢忍無可忍,決定離開我嘅生活。
嗰陣我一直喺度鑽牛角尖同不停blame佢,佢曾經講到我有幾咁重要,甚至話過佢個人其實好灰,但我會係佢其中一個佢唔會自殺嘅原因,咁點解當我不安嗰陣,佢冇理過我嘅感受?點解當佢唔鍾意我chur佢嗰陣,佢一直都唔同我講,直到頂唔順然後就突然離開?如果當初唔係我問佢,可能我直到最後都冇辦法知係咩原因。
但後來我去見心理輔導嗰陣,個psychologist同我講,你點知道人哋冇苦衷,你點解要逼人畀答案你?呢段關係本身就唔正常,對方承受嘅壓力你又知唔知道?
由一開始搞亂咗段關係嗰個唔係第個,就係你自己,你自己思維已經好亂,唔單止冇冷靜落嚟,仲令件事火上加油,你自己先係破壞呢段關係嘅原兇
呢段嘢唔單止同你講,我亦係同我自己講嘅