岩岩分左第6日 好撚痛
好想話佢知我呢幾日點過 做左啲咩 有咩活動喺我地分手呢幾日我走去做完 覺得佢都會想一齊做 好想同佢分享
屋企仲有好多要送比佢嘅嘢 但佢一直話放住喺我度先 依家冇得送返出去 我唔想掉 可以點 唔想掉走啲回憶同心思
約朋友出嚟玩 玩完一日就熱鬧過後感到空虛 一靜落嚟又會諗起佢 又會想忍唔住搵佢 同佢講返啲回憶 希望可以感動返突然話搵唔到對我嘅Feel要同我分手嘅佢
好多嘢講好一齊去做但又未做完 以後冇人陪 要自己一個去做 諗起個心又Up住Up住 慣左做咩都有佢陪 但當分手之後就好似冇左個世界咁
成日諗啲會為情輕生嘅人真係好傻 自己未經歷過都會話你條仔/女唔係你全世界 但當自己失去左佢之後都會覺得世界好空洞 以前返工努力讀書 都會有目標 會覺得為左我地未來幾唔想做都變得有動力 依家咩都唔想做 咩都唔想學 返工賺錢唔知為乜 我唔會自殺 我好驚死 但我都好想有意外了結左呢一切 好辛苦好痛我唔想再諗 無論做幾多嘢分自己心都好 當一靜落嚟就會開始諗 臨訓前又會諗 我冇信仰 但都好想佢返嚟我身邊 早晚祈一次禱 好絕望唔知可以點算 呢段時間真係經歷左人生最痛最苦最難過嘅時刻