故事未完 不過短期內唔會開新post，等我貯夠一定量先會再開
出故會變左係紙言度出
最後祝巴打們聖誕快樂
記得like我facebook page：華王子
第186回 - 外星人拐子佬
上回講到！！
一夜致富既吸血鬼華仔，脫離左港豬行列，準備向人類既濕鳩政權埋手！係呢個時候，華仔決定集合成一個聯盟（鳩鳩聯盟）黎面對就黎到既危機。不過，係召集完巫婆妙麗之後，華仔下一個目標係...人類..？？
好緊張呀，要打開道門喇。如果開門既係男人我點撚算好？
「....」門開左 不過有個頭吉左出黎
。「杏樹！」屌，衝口而出添
。「...邊位
。」杏樹果然講出令人絕望既句子。『喂，你唔係應該諗定開場白架咩
？』我既背後靈Lora話。「下...」我望住前世係我老婆既人呆撚左。因為我真係無諗過開場白講咩...好想派一堆膠比自己..
「下！！
」杏樹突然大叫，搞到妙麗都嚇左跳。杏樹尖叫：「點解.....點解男人既背後靈會係女仔...
？」我，妙麗同Lora，三個人（3隻鬼）O撚左嘴。
------------------------------------------------------------------------
「哦...原來你有陰陽眼...
」我飲左啖茶。哇屌好想嘔，唔記得吸血鬼唔飲得綠茶。
杏樹應該唔係一個人住，一個人住唔到九百幾尺屋。不過睇黎屋度又無其它人。
杏樹回應：「我都唔知幾時開始...可能係比外星人捉完之後啦...」
我諗我呢世再聽到咩都唔會再驚訝。外星人+鬼竟然會同時發生係杏樹身上。幾撚多人想寫鬼故，主動接觸呢兩樣野，成世都得個吉
。「外星人？咩外星人？」妙麗話。都係呀，外星人可能可以加入我地個鳩鳩聯盟呀嘛。（暫名）
「外星人呢..佢就係廁所，你地不如自己問下佢。」杏樹指一指盡頭黑暗既走廊。
我開始緊張起上黎，估唔到竟然有人隱藏左氣息係我地後面。我同妙麗打個眼色，一有異動即刻啟動魔法（我講妙麗姐）。
「你地等陣先...佢可能唔習慣新朋友.
.」杏樹話。「唔洗講喇！」我話。「拐我老婆既無一個係無辜！
」『喂喂，佢上一世先係你老婆
』Lora話。「...我聽到哂。
」杏樹面紅。「出黎呀，屌你！」我行近走廊。
