19:20-撚撚中學 - 生物實驗室
「點呀？你左鋸右鋸鋸成點呀？
」我問陰陽座。撚撚中學，就係陰陽座教書既地方。「咪咁急啦，見唔到我已經忙到飛起架啦咩？」陰陽座把聲那那地，睇黎佢用左佢個女結衣既人格講野。其實陰陽座最應該係果套咩人格分裂電影既主角
同佢傾得計多會痴線，我唔知佢d學生點應付佢。「快啦，開追悼會架喇！」我係後面食花生。
「不如你過黎睇下啦劉博士，你可以切下睇下。」陰陽座話。
我一路行埋去，一路話：「我就係唔想整污糟自己隻手先叫你切
。」講真，生物醫學呢家野我最熟，話哂都羅左個博士學位。不過太耐無掂就真係唔多想再掂
而且做吸血鬼耐左，慢慢地無左研究人類果種熱血。而家解剖緊呢隻野，就係果隻裸體妖怪。今日係朗豪坊斷電梯意外之後，我回收左一隻返黎，另一隻走甩左。我深思熟慮之後，決定唔羅返去比隻撚樣外星人大仙解剖，即使佢對靈長類動物好撚有興趣都好，但因為佢有d陰謀咁款，自己唔知係度計劃緊d咩侵略地球既野，所以我決定都係唔好打搞大仙住，等佢搞掂先報警捉佢，到時人贓並獲佢就戇撚鳩鳩了。送黎陰陽座教書既中學度反而仲安全。
陰陽座搵支天線隊住條死屍既倉白皮膚表面，係度搞下搞下，然後慢慢撕開層皮。「你睇下，佢皮膚可以分成上下兩層。」
「哦？」我覺得呢個現象非常有趣。
「最有趣既地方係，佢比炸彈炸爛左既組織，被呢d外層既皮膚填補左，只要我輕輕想扯開呢一層外來皮膚的話...」陰陽座想用力扯，但我已經見到d血開始滲出黎。
「得喇..Stop
。」我阻止佢繼續扯，因為一扯d血實噴到飛起。雖然我係吸血鬼姐，不過我都唔想比核突屍血濺到，屍血因為停留得太耐同無氧氣，已經唔好睇，就莫講話吸血鬼最需要果種「氣」啦。而我呢種高雅既吸血鬼，通常只吸靚女血 。「即係話..呢層外皮膚幫緊佢包裹住既人類重生，生出新既組織同器官，同時起到保護作用。會唔會係人體自發既進化機制？定還是只係新既科技測試？」我充滿疑問。
「我諗就算係新既醫學工具，都唔會令到個人失去理智。」陰陽座指住死屍個充滿各種傷痕既頭部，好似係外物做成。係剪哂d頭髮之後先見得到。「詳細腦部損壞情況，要去醫院查下。我呢度中學實驗室乜工具都無。」
「..你覺得同SCP-957似唔似？」我問。
陰陽座嘆左口氣，因為佢曾經買過SCP-957呢種改造人黎幫佢收集死屍。「我認為完全唔同。SCP-957係用外來刺激誘發既人類變異。」
「哈。」我冷笑一聲，以串柒佢當時買SCP-957既事。不過唔係因為咁我都唔會同陰陽座做到朋友
。「喂咪講咁多住....我切少少外皮膚羅去驗先，咸魚留係你度先。」我用指甲刮走一小部分皮膚。唔等陰陽座開聲同我投訴中學點收埋隻死屍，我就已經變成蝙蝠飛鳩走左。
。」
。」
。
。
。」我變返正常樣。
