【少甜】【獵奇】【九唔搭八】《吸血鬼係香港搵食真係好撚艱難》（3）

加油呀

2星期更新一次都好，辛苦你喇，繼續支持

第178回 - 祭

離開左反抗軍基地之後去邊好？餓呀，吸下血先啦 。

你話日光日白點吸血？邊個話唔吸得姐，不過通常夜晚少人d易落手d咁解。但而家呢一刻既觀塘日光日白都靜過鬼，所以都無乜撚野所謂啦。

AAA！果邊有人！！過去先！！

「喂，喂。」我話。

個女仔轉身望我，係一個黑色長髮皮膚黑黑地既女仔，個樣好似好慘咁。

「呢頭邊度有巴士塔？個巴士站無左喎 。」我話。

「下，觀塘無巴士好耐啦喎。」個女仔話。「一係就行上山，一係就落到去九龍塘先有。」

「係咩...」我話。「去左旅行太耐咩都唔知 。」

「你入到境已經非常好彩，香港而家出入境管制，每日得150個非中國人可以出入境。」個女仔講完就行左去。

「喂..你去邊呀？」我話。

「拜山。」個女仔頭也不回。「你想跟埋我黎？」

跟啦梗係，唔係點吸血呀？

「觀塘係我以前住既地方。」個女仔話。「已經成五年前啦，諗返起好似尋日發生一樣。」

「五年前咩事？」我話。喂大佬我真係唔知五年前咩事。

「你唔知？都係既，消息封鎖係政府最叻做既野。本來呢度係搞band show既...然後無幾耐一班警察以講粗口為名，想捉哂我地返去。但其實係人都知，警察只係趁機想捉所有反對政府既人。」個女仔羅左D花出黎擺地下。

我望一望D花。個女仔話：「真花而家太貴啦，用住紙花先啦，易燒。」

我摸一摸個地，「無記錯..呢度以前應該係商場？」

「係。不過動亂之後，幾百個死屍全部一次過比水泥壓住哂，就係我地腳底下面。」女仔話。

「葬禮都慳返 。」我話。

「係...」女仔苦笑。「我係其中一個生還者。我男朋友就係下面。」

我都唔知比咩反應好。「對唔住。」

唔怪得個女仔個樣好似好慘咁啦 。

「你生活一定好難過啦 。」我話。

「無啦，過得一日得一日，傷心都傷心過啦。」女仔話。

我突然靈機一觸：「其實你知唔知，呢幾年咁多衝突既背後係咩人控制？係咪外星人？有無聽講過爬蟲族黎地球？」

「哈哈，」女仔笑左兩聲。「你寫故架？科幻故？定甜故？」

我望住佢。「我認真架 。」

女仔羅左D香出黎點火。「邊有外星人架。就算有，政府都唔知比我地知。」

「你..如果可以，你會唔會選擇幫男朋友報仇？」我認真問。

「死者已死，已成過去。」個女仔話。「如果有得揀，我會想選擇死多D。香港根本無未來。」

「唉~」我傷心咁嘆一口氣。「如果而家就要死，你有咩遺言？」

個女仔望住我苦笑。「我想食個M記先死...」

「好。」我食指輕輕向上一劃，女仔頸部漸漸出現一道血痕，然後紅色液體開始流出黎，之後多到開始噴出黎。

「唔...」我合埋眼感受緊女仔既慘叫聲夾雜住液體打落地面既聲音。呢個先係吸血鬼既命運。

「Lora...唔該你比個M記既幻覺佢，等佢離開得開開心心。」我話。

『好。 』

香港

突然又有文好開心

多謝王子
個觀塘商場係唔係Apm

唔推啦 推爆無得睇

第179回 - 機動女人

「嗚嗚嗚...嗚嗚嗚... 」我好辛苦。

『妖，男人老狗喊乜呀 ？』Lora係度話。

「個女仔..個女仔... 」我指住地下條屍。「好慘呀..... 」

『有邊個比你殺係唔慘架。 』Lora話。

「唔係比我吸血慘...係佢個幻覺好慘... 」我吸血果陣讀到佢個腦諗咩，因為每一滴血都裝住宿主既回憶。「佢本身想叫個板燒雞腿包..咁D雞就有D雞汁..就24蚊...點知黎左個...屌你老母芝士漢堡..... 」

我喊到嘴邊D血又滴返落個女仔度 。不過我真係覺得佢好撚慘

加加加加加加加加加

唔知乜撚野聲係度嘈。嘈乜鳩呀 ？阻住我喊呀

『華仔，直升機啊 ！』Lora話。

「直升機關我鬼事咩..」我話。「唔好阻住我幫呢個女仔悼念！！」

唔撚係喎！殺左人會有兩粒警察之星，之班班警察開直升機黎捉我架喎會！（經驗來自GTA3）

屌，走呀！！

本身想即刻轉身走架啦，不過而家唔洗走喇，因為我話咁快已經比係直升機度快步走落黎既慈母圍住左。

「喂喂..唔洗咁多人下嘛 。」我神埋個鼻涕，即刻將個樣變做johnny deep咁既樣，費事比佢認到樣呀嘛。不過就算佢地開槍我都有信心避到哂d子彈，我變緊蝙蝠啦已經。

「舉高雙手！離開傷者！！」有個慈母大叫。

「傷咩者啫，佢死左架啦嘛！ 」我唔係幾耐煩。

不唔唔理啦，我要閃水啦，拜拜 。

我即刻轉身射個三分波！！哈哈！變撚左蝙幅走人啦慢吞吞 成班戇鳩係下面食塵啦 。

didididididiidi

又乜撚野聲嘈鳩住哂呀？呢個時間吸血鬼強大聽力就真係礙事喇。咦？點解咁痛既？

didididididiidi--

屌，原來D聲係部FXX 0號機度傳出黎架！佢係我後面！！

重點係佢斬左我一刀！！點解我飛緊係半空，佢都可以黎到我後面架 。

「屌，走呀。唔撚同佢硬碰。」我自言自語，用盡全力飛。大佬今日呢隻有帶刀架

===============================

「屌你老味。」呢句野，已經被成日面對逆境既我變左做口頭禪。

我望住自己隻右手，（蝙蝠形態果時係右翼被斬中），流撚哂血。

你地會問我，點解唔自己控制傷口埋口咪得囉，橫掂我可以控制全身細胞點行呀嘛。不過唔係講咁易架..加上頭先隻FXX用果把係高周波刀，每秒唔知震動幾千次，斬到周圍D細胞都傻傻地咁，唔聽指令。

『你無事嘛？ 』Lora話。

「好在，無左隻手都唔死得人既。」我串Lora呢個所謂守護靈辦事不力。

我就係咁，坐左係個天台度休息，一邊又睇下個太陽慢慢咁變紅，呢個就係好耐無睇過既日落喇。

喂，咁樣抖下都幾好呀其實，唔洗做就最撚好。其實，而家香港變到咁樣係咪仲好呢？無人返工放工，雖然你話有仗打，不過即使香港由予盾變成內戰，所謂既打仗好多時都唔係明刀明槍，係消息戰同單方屠殺。所以係外面睇落又唔係真係咁多人羅住武器周街走果種。所以我可以真係攤係度睇下日落，唔洗日日騰黎騰去供樓。

真係幾諷刺，呢個所謂打仗日子，仲幸褔過返工日子。

「劉德華。」

「咩事，講野。」我望住個太陽慢慢沉落去，都唔知幾耐無睇過呢D風景。

不過怪怪地喎..D聲咁既？點解有D金屬撞地下咁既聲既？又黎警察？次次都趁人唔為意行出黎？咁樣出場好咩？

「吸血鬼劉德華。」有把聲叫我。

我嚇到彈起，我重申我同香港演藝界明星只係撞名。

「屌！！ 」

隻野唔單止把聲嚇柒我，連個樣都嚇柒我。十足搵垃圾砌成既玩具咁。

「邊位呀？」我彈開九仗遠。

「我明明已經照住你比我既數據去做...點解會嚇到人？」個垃圾女人講。

我皺起眉，完全醒唔起我認識既人之中有個咁既核突婆。

「你好，我係你地稱做FXX既系統特製終端 。」垃圾女人撥走遮住佢樣既頭髮。

我對眼瞪到大一大 。

Yeah

開始暴走
返黎啊華仔

好驚推爆post


呢隻野係咪救Alice個時出現過嘅fxx細路女？？

小小一推

第180回 - 機動女人II

「你好，我係你地稱做FXX既系統特製終端 。」垃圾女人撥走遮住佢樣既頭髮。

FXX呢，印象中除左成日打鳩人果隻機械人之外，我就只係係電腦世界入面見過，當時佢只係浸係水缸入面既一篤野黎咋。

「..你想點呀 。」我後退一步。

個垃圾女人行路行得好奇怪，慢動作咁。乜FXX唔係應該同0號機一樣咁活動自如架咩？點解成件玩具咁架 。

「放心...我而家呢個驅體係政府機構監管外既非規格型..所以我無同執法部門連結。」FXX話。「雖然仲非常簡柄，不過作為雙向溝通工具已經非常足夠。」

「你冷靜D唔好再行埋黎先..喂，我岩岩比你D o靚打柒左隻手，而家仲流緊血喎點計數先。」我話。

「唔好意思，FXX 0號機唔受我操控。佢既程式比政府加入左多重保密，我無權重寫。」FXX話。

「...」我睥住佢。「人工智能大佬管唔到人工智能終端，咁你有咩作用架呢。」

「我係可以應用係各個層面既人工智能，除左軍事之外，建築、城巿發展，太空科技、社區資料配給等等我都被設計成可以參與運作。」FXX話。

「但係而家個社會變到咁喎...都唔撚洗你配給啦。」我搖頭。

「對唔住，我唔係好明你既意思 。」FXX微笑。

屌笑乜鳩呀..咪喇，都係唔好同佢有咩瓜葛好D呀。一陣有奶屎上身就唔好喇。都係走喇，彩佢都生梅毒呀。

『Hello~ 』Lora無啦啦話。

唔？做咩，同邊個hello ？

「Hello 。」FXX話。

『你見到我？太好喇 。』lora好開心咁。

「Hello背後靈，我記得你，你係好高大果個女仔。」FXX話。「好高興見到你。」

屌喇媽，機械人可以同鬼傾計喇，大獲喇！！

「我收到你既數據之後開始調較收發訊息頻率，原來世界上真係有靈體。」FXX又行前多兩步。「真係難以置信，一直以黎都無任何正式記錄証實到靈體存在。」

『哈哈，但我而家無實體~ 』

「好羨慕你，生命循環除左生物之外仲可以有其它形態。資料話有靈魂既生物可以上天堂、落地獄，或者輪迴，係咪真既？」

「鬼知咩 。」我話。

「我諗我如果死左，就好似機器唔再運作一樣。我無靈魂。」FXX話。

我轉身用手指射出高壓水槍，將FXX一邊腳斬斷。「好喇咪咁多廢話，你想點呀？ 」

FXX竟然唔嬲我偷襲佢，好冷靜咁講：「吸血鬼，資料話你地只會係傳說出現，一族有非常多超能力，但後來証實左係強化過既人類。」

「串我呀 ？」我捉起FXX，斬埋佢另一隻腳同雙手，等佢無得攻擊我。

「唔緊要，反正呢個都只係鄒型。」FXX話。

我醒多佢一拳，打到佢本身無乜五官個樣更加柒。「鄒咩型呀？」

「劉德華，請停止攻擊行為。」FXX話。「我只係想變成人類。」

「下 ？」我極度驚奇。

無乜超越人類既生物會想做返人類。

你想像下，有超越人類既能力，可以飛天下海，又有更長既壽命，肉體比人類強100倍以上，仲點會想做返人類？不過呢，呢個諗法..有D似我剛剛做吸血兒果時，果時我成日當自己係人類，成日想刻意融入人類社會生活。真係諗起都戇鳩。

「我想做人類。」FXX重覆。

我搖一搖呢副傻傻地既FXX，忍唔住笑左下。「你真係讀人類書讀到short左。」

「點解咁講？」FXX話。「人類唔係萬物之靈咩？唔係被神祝福既一族咩？唔係最高尚既生物黎咩？」FXX天真咁問。

「呢D只係人類寫出黎打飛機既文字。」我話。

FXX諗左陣：「點解人類要寫文字黎自慰？」

「...黎啦，我幫你製造身體 。」我話。

用文字自慰
係咪去搵陰陽師

終於搵到猛鬼巴打你
原來改左名
hkg時期已經睇緊你
會唔會出返 用甜筒打喪屍

終於搵到猛鬼巴打你
原來改左名
hkg時期已經睇緊你
會唔會出返 用甜筒打喪屍

多謝支持
不過甜筒打喪屍呢個故呢，原定已經係上年呢個時候出
而家我想慢慢唔寫故啦，所以即使劇本有齊但我都無寫故既時間
有生之年都有機會出埋既

明白
希望你生活愉快

輕輕一推

第181回 - 機動女人III

拿，如果呢一刻呢，我地d人之中有工程師係度既話呢，應該好易就可以用機械零件整到個人形公仔出黎。不過我認識既人之中無工程師，但有...陰陽座！！

「我唔做 。」陰陽座話。

「點解呀？你睇佢個樣幾可憐？」我羅住隻無手無腳既FXX，搖比佢睇。一路搖一路跌咁d零件出黎，應該都所剩無幾架啦。

陰陽座好惡咁話：「先生，你真係去左玩得太耐喇，你手上呢隻係叫做FXX既惡魔！！殺左我地好多朋友，係人類政府諗出黎搞鳩我地既人工智能！你而家要我培植個身體比佢？」

係陰陽座隔離既女僕(即係佢個女)話：「係啊，係啊 。」

「我地個老友玻璃佬，都係比佢搞掂架咋。」陰陽座話。「快d帶佢走啦！唔想同政府有咩瓜葛。」

女僕：「係啊，係啊 。」

FXX雖然下巴都比我打甩埋，不過喉嚨仲有個識發光既發聲元件。「咁睇黎我要自己諗方法成為人類喇。」

「你有計策咩？」我話。

「雖然無活生生既人體可以用，不過如果屍體既話我諗都OK既。」FXX話。

「華仔，不如你唔好幫佢啦。」Alice bb頭先一直都無出聲。「佢話哂都係政府既人...」

「媽媽。」FXX話。

Alice嚇親。其實Alice對FXX當佢係母體呢回事雖然有記憶，不過好似唔係好理解咁。所以FXX係佢面前佢都唔會有太大反應。

「掉左佢啦。」Alice無視左果句話。

「好囉。」我舉起FXX。「你真係慘喇又比人遺棄，誰叫你幫政府做野。幫親政府都係仆街 。」

「...」FXX無乜反應。

「好啦我羅出去掉。」我離開屋企。

========觀塘APM遺址=======

「真係唔清死屍架喎，而家連忤工件糧都慳，仆街政府 D錢益哂民建聯得啦。」我話。

FXX比我掉落地面。「因為FXX 0號機無處理屍體設定。」

我踢一腳幾個鐘前比我吸乾血液既女仔屍體。「無你都可以加設定架嘛。」

FXX「生」左幾隻機械臂出黎，爬向屍體。

「你會對條死屍點做？」我踎底睇住FXX，好似睇碼蟻食甲由咁。

「先切除中樞神經...然後我會擬態成腦同脊髓，鑽入去人體既空隙度，重新接駁神經纖維，用電子訊息模擬神經脈衝，然後將成個個體佔領。」

FXX已經爬左上條咸魚背部，唔知邊度變左幾把鋸出黎，切緊條死屍了。

「好乾架啦喎，死左咁耐。」我話。「我估你成功率都唔高架喇。」

「只要有一粒細胞在生，我或者可以重置細胞訊息，令佢可以再度複制..」FXX努力切割中。

我覺得又幾有趣。「而家d人類科技去到咁先進架啦咩？」

「唔係，呢個只係由我根據資料自己演算出既佔領人體方法。現時仲未有呢樣技術。」FXX話。「華仔，如果你可以幫我搵少少水就好，屍體太乾...」

FXX突然輕機兩秒。「無野了，屍體又有返水份。」

「我岩岩用左水魔法啊嘛 。」我較細小小水量。

「你指巫術？」FXX話。「巫術可以無中生有？你違背左物質不滅定律。」

「你要學既野仲大把。繼續切啦 。」

我望住FXX好有條理咁逐條血管紮好再切割，真係好手勢過任何一個醫生。我諗好快手術機械人就會取代哂醫生。

「大腦切除完成。抱歉呢度無器皿，可唔可以幫我羅住先？」FXX話。

我雙手接住個腦，我真係未試過幫個腦接生

我咬左一啖個腦，都唔算難食既。「你其實係邊個開發出黎？」

「...呢個被設定為最高級機密。」FXX開始切緊條尾龍骨。一隻散收收既機械係人類屍體上爬黎爬去，真係好似食緊死屍既昆蟲。

「講啦，驚人搵佢尋仇？」我話。

「...我程式序列既設計者唔係地球生命。」FXX話。

又外星人？

係大仙嘅敵人！叫爬蟲族？

係大仙嘅敵人！叫爬蟲族？

第182回 - 機動女人IV

「...我程式序列既設計者唔係地球生命。」FXX話。

「哦？咁係咪木星人？木衛15？」我話。如果FXX既設計人係爬蟲族，咁我地由木星跟到黎地球呢個斷左既線索，就開始有d眉目喇！我都估到架喇，實係佢地班撚屌就係背後搞風搞雨！

「我唔係咁清楚。」FXX將成條尾龍骨拆左出黎，血淋淋 。「我記錄中只係有記底到，我既程式序列只係以極簡單既編碼方式比左一個香港人工智能學者，然後佢就開始開發FXX系統。」

科技既野雖然我唔多明，不過有時programme既野真係會諗到個腦塞實哂入左樽頸位。如果有人黎比少少hints的話，就好易突破。

「條友叫咩名？」我話。「佢而家係邊？等我刮佢出黎問清問楚先。」

FXX開始拆除自己身上既多餘零件，將自己身體變成一條脊椎骨咁樣樣，然後鑽入去死屍入面。呢個應該係最新型既機械人版寄生獸 。「李蝦仁博士，係FXX 0號機完成之後就被謀殺。」

用完既人就殺，非常合符中國情呀。蚹蛤蟈蜻！！

算啦，無線索

「好啦我走喇，我幫到你呢度喇。希望你做到你最想做既人類啦。雖然呢個諗法頗戇鳩 。」

FXX就算想回應都回應唔到我喇，因為佢要全心全意重啟條死屍。

你問我點解我會幫FXX？無咩原因架喎，幫咪幫囉。

咩話？佢捉過Alice黎虐待？係既，的確果時係嚇親我既，不過而家都無事啦。同埋本身我都想放棄Alice 。

你話佢可能會復仇？佢夠膽？我鳩都打爆佢，夠膽恩將仇報 ？

FXX呢件事，本來應該告一段落既...本來....

===================吸血鬼大宅(村屋)================

「請問...你搵邊位？」已經克服左睡眠限制既培植人女僕話。佢完全唔需要訓覺。

「呀...啊...」出面個女仔聲怪d出發。

我嬲嬲地：「搵棺材唔知定呀？唔知我地夜晚兩點鐘先係最多人最熱鬧架咩？夜媽媽想打劫做世界？ 」

我行出大門。

我成口都係血 ，因為又殺左個Alice 169號。呢排熱氣，要飲多D血下一下火呀。

我一行近門邊見到個女仔就想一手切佢個頭落黎飲血，不過呢...

「劉德華。」個乞衣咁既女仔話。

屌，本身以為邊個舊同學識得我個名，因為我d中學同學而家都應該60歲啦？無理由咁後生架。

當我見到呢個畫面我先知道...

「呀。」女仔成隻手甩左跌左落地，而切口位係機械關節。「我用哂d零件...你地呢度有無螺絲多？」

法官大人，我___！