家中有成員打算結婚買樓,但以我所睇已錯失良機,會由結婚買樓改為結婚租樓,喺呢兩年嘅變化,我睇到少少嘢,或者呢啲都係年輕首置人士通病。
1.自己得四五十萬,只做到四百萬以下九成按,已經無咩可以選擇,偏偏就心高氣傲,但又搖風擺柳。
2.上車又想最少有兩房。
3.上車又最好係大屋苑,補左地價居屋cheap,補左地價公屋就更免提。
4.外家講兩講乜春會金融風暴又加息又想縮沙。
5.自己就成日同自己講,加息會跌,邊個做總統會跌,邊個做特手會跌。
6.跌就跌真係跌,2016真係跌左,又唔入手,驚死早左未結婚買左,就供多左幾個月咁。
7.跌就跌真係跌,2016真係跌左,就話應該會再跌下,年尾再會跌多少少,結果係又爆升一段。
8.到今日可以做九成嘅盤,剩低好少選擇,港島巿區有發現,但又嫌細嫌呎價貴。以前眼尾都唔望嘅盤,今日通通過四字頭。
9.成日覺得自己會有抽獎運,會抽到居屋,所以不妨等下。
10.寧願搞酒店嘅盛大婚禮,一晚豪洗,放棄置業夢。
11.買樓又要近外家,原意係好,亦都係限制下最後選擇,時機無珍惜,輕輕流走了。
http://finance.discuss.com.hk/viewthread.php?tid=26550950&extra=page%3D1"epid=0&page=1