[長氣多圖][不爛尾] 瑞士雪山之旅

呢個提議好

推到999留比樓主

唔小心又想留言

我依家同尹世理既感受一樣
好想快D去瑞士
真係好想去
今朝email問hostel點cancel
佢收到後 二話不說話退錢比我
我都只係問定先啫
如果去得成 我要搵間貴格靚酒店住！

4月真係好難講
意大利德國法國都爆緊
冚歐鏟應該都快
我淨係想退番機票錢

我係意大利個post都見到你？
我諗機票錢有得full refund
其他酒店我係Agoda book 遲D都應該有full refund
仲有火車飛又話如果飛機取消可以申請
咁我都冇咁驚既
2021 easter 再去囉

驚爆post 唔敢再留言
機票冇呀 仲問緊
酒店有間non refundable
大家留番啲位比樓主啦

DAY12 英國花園 聖彼得大教堂 日內瓦植物園

起身望出去個景真係唔錯

完全有果種
啊~我真係係歐洲咁樣既感覺
不過今日就要番香港了
去旅行已經幾乎唔會有不捨既感覺
通常去歐洲
就算係去意大利
都會有種好想快D番香港既念頭
但好神奇地
瑞士係無既
呢個地方係幾舒服
除左物價貴到仆街之外

原本都係求其簡一間酒店
hotels.com都寫係無早餐
點知去到又話有wor
咁就食埋先走啦

但竟然係全部冷盤
一個熱食都無

今晚六點半機
可以四點先出發機場
叫做仲有半日可以遊下日內瓦
不過因為呢個地方純粹只係過一晚夜
事係係完全無plan過呢個地方
所以今日行程都係亂咁行
放低行李係酒店就出去火車站坐巴士

日內瓦火車站算係比起琉森同蘇黎世都細了
以前一直都以為日內瓦係瑞士既首都
直至前幾日睇新聞話首都無煙花
先如夢初醒知道伯恩先係首都

其實日內瓦個巴士站都有D混亂
因為火車站正面睇落去都幾多巴士站
唔知邊個搞邊個咁

坐8號去Métropole站落車行過去就係第一站既英國花園
發覺日內瓦好多地方都有jardin呢隻字

日內瓦主要以巴士作為主要交通工具
不過係行電既電纜巴士

睇番張相先見到司機係對住鏡頭擺pose

落車附近都有D名牌


英國花園
真係純粹一個公園
門口就有個花鐘


其實無乜特別
不過呢D就可以望到大噴泉


無直接行過去睇
但係就係咁就好似唔太特別
不過佢一直一直係咁噴咁都係一個象徵黎

個湖就真係好撚清

公園其他野



其實地方亦都唔算大
好快就行完

即刻去埋附近既聖彼得大教堂


途中經過呢間音樂盒店
音樂盒好靚
價錢亦都高到嚇死人
閒閒地都過萬蚊一個


就算係蘇黎世
都好似無乜咁樣慢慢行
欣賞下一個地方

呢間一定係黃店啦


應該係法院黎
對面係一陣係瑞士食最後一餐既Chez ma Cousine

我都係跟住bob叔推介
不過呢間真係超抵食
瑞士良心

再過埋廣場

上埋斜
就見到聖彼得大教堂


聖彼得大教堂
同蘇黎世果間一樣名
唔知有無關係
但呢間就大好多
而且仲可以上塔
日內瓦市內景點唔多
呢度絕對係日內瓦必到既地方
有齊晒古跡文化風景所有既要素係度

外型睇成間歌劇院或者大會堂咁

裡面比起蘇黎世果幾間更宏偉更壯嚴





教堂中間有紀念品買
係果度可以買到上塔頂既飛

價值五蚊



唔買飛真係唔知呢棟門就可以上塔頂

因為樓梯太窄
出口係另一邊

教堂有兩座塔可以上
由地下行唔記得幾多級樓梯去到中層
就可以揀去邊一邊

由中層上頂既樓梯只可以單向行
所以會有交通燈指示

要轉綠燈先上得去


由中層再上會經過一堆應該好古老既銅鐘
由呢度望出去係唔知咩山脈

上到頂
係行步路都會EE聲既房

好難想像如果有個幾百磅鬼佬上到黎會係咩情況
呢度雖然比較高
但只有窗景



綠色塔好靚
但係唔比上
而佢後面果座一陣就會去埋

羅盤

紅燈即係唔比走
再望下間房

根本歷史係耐到條柱已經離晒位
所以真係覺得呢幾危下
去日本就算係現存天守都覺得無咁有危機感

條樓梯其實係爛晒無得再上

落番去中層



成個感覺好機關feel
有D似去左men in black 4果座巴黎鐵塔咁


另一邊既塔頂


呢邊係開放式
個景可以望到大噴泉

可以望到大半個日內瓦

中間綠色座尖塔

後面就係頭先上過另一邊既塔頂
兩邊都叫做有唔同既特色

呢邊仲有個大教堂模型
最後就係呢度直插番落地面教堂

一直咁轉落去真係幾暈下

落番教堂睇埋未睇完既部份

呢個教堂個管風琴特別巨型

又有歷史正文

入面仲有細細地個堂仔


話說番到賣飛果度見到個紀念幣幾靚
有正反兩面
都只係賣廿蚊雞

即刻買左個

整體黎講日內瓦附近既景點唔多
呢間教堂除左睇古跡仲可以當埋展望塔
都只係收5蚊雞
係好值得黎參觀

行完左去食雞

全場只係得一道菜
其實menu就唔洗睇
半隻雞+脆薯皇+沙律
只售16.4
雖然佢收得平
但小二出奇地好好服務

成間餐廳影出黎都好黃
再加錢要左個唔記得咩醬


餐廳質素隻雞係好食過coop既

咁樣埋單三個人都係70蚊
係瑞士餐廳黎講根本係搞手只求打個和

慢慢行番出去搵巴士坐
路邊公園竟然有人遺留左隻小動物

隻烏鴉企左過去一齊合照好搞笑


途中見到有間好多刀賣

諗起已經最後機會
終於的起心肝入左去買
個老闆娘竟然講廣東話
差D轉唔切channel

最後買左把刀同埋個套

日內瓦好似係仲有D有軌電車既
不過就無坐過


瑞士既最後一站
坐車去到聯合國辦事處門口
巴士上面有個痴線佬係咁對住我地淫笑

外面擺左張Broken Chair

不過乜野象徵都係狗屎垃圾黎
台灣比人打壓
放任香港黑警暴徒
我都唔知聯合國有乜撚野用

呢個韓妹命令式咁搵我FD幫手影相
影完相一句多謝都無又走左去
而後面就係聯合國辦事處



其實係可以參觀既

裡面係有導賞團
朝早兩場
下午兩場
總共四場
不過今次就無時間可以參覲了

淨番些少時間去左格離果個植物園


地方都算大
所以求鳩其行下就算





所以先話日內瓦一直都係公園同公園


四千億蝗蟲殺到黎啦

仲有少少動物睇下



好似係電網黎


鳩行完就走啦



最後一程巴士


尋日我地住左一晚既酒店


瑞士之旅就咁玩完啦
要入日內瓦機場了

由日內瓦火車站到機場只需要七分鐘火車就可以到達
印像中好似未去過咁近市區既機場

呢部leman express好似係連接法國同瑞士既

今次真係要走了
見到瑞士地勤都有留意香港
問下香港而家點
講下雨傘革命D野
不過我地英文太廢答唔

退稅部係過完安檢之後

人就唔多
不過有D人係買野買到痴撚左線
睇住佢地張單水蛇春咁長都唔知買撚左幾多錢
我自己就無乜買野唔洗退
但個FD就on99
職員問佢要瑞士法朗定要dollar
佢以為咁開心有港紙
結果收到番黎既係美金
仲好似會蝕埋手續費

同入境一樣
坐內陸機到蘇黎世再出境
不過好多舖頭都係外面所以我地乜都買唔到
去到閘口得番D鳩流流舖頭
係有間朱古力店睇完去靚少少

不過呢間價錢就貴過Läderach勁多

D舖頭有芝士火鍋個鍋賣

原本我見到SBB個鐘幾靚
想買隻細細地既擺係公司檯頭玩下

點知大中細都要差唔多兩百瑞士法郎
太貴無買到

要番香港了

同朋友講笑咁講番香港第一時間要戴口罩
結果一個月之後就周圍就要搶了

今次揀機尾坐
諗住無乜人
點知都有個港女一齊坐
但最大果個問題係

我地頭頂個行李架係假狗黎
無得拉出黎
要周圍搵行李位放野
CLS

最後兩餐飛機餐




今次無人係格離撞黎撞去
都算訓得著覺

番到屋企打開電腦

出現既login畫面竟然變左西庸堡
唔知係好似廣告咁知道我search過乜定真係咁岩轉到呢張圖啦
而瑞士之旅就真係正式完結了

全程
完


其實我都係三年前先第一次踏足歐洲
去過既地方其實唔多
不過瑞士比我既感覺係同其他國家唔同
比較乾淨
同埋壓迫感無咁大
雖然物價係世界最頂尖
但呢個地方卻無咩令我覺得厭惡既地方

過往每一次去歐洲
都係每左睇波而去
瑞士係呢一方面
的確係失色D既
再加上歇冬關係
想睇場瑞士波都無辦法

瑞士唔算大
如果仲有下次既話
我想用分試下用里數換瑞士航空個商務位坐下
感受一下唔同季節既瑞士

成個遊記開始差唔多兩個月
中間經歷過另一次旅程
仲有大型肺炎
由新年開始home office左個幾月
每星期淨係番一日工
到今日正式回復番社畜既生活
都證明左一樣野
雖然係屋企時間好長
但都未必會加快到自己既進度
而最後呢一篇既遊記
我亦都係係公司裡面完成

第一次打遊記可以爆post
應該仲可以留到十個言先到1001
其實都可以開個2既
不過真係純吹水

你地講下淨番1001比我貼新link就得
不過我feel到開新po好快就會無人講野

我決定自推
試住五星酒店
之後上黎開遊記啦

新post周多次遊記
應該都有人上黎討論
再加啲人叫春受肺炎影響冇得去（我）

把刀幾錢？

如果我去得成
（2）就唔會冇野講

承你貴言
順手幫你快D爆post

住宿同你差不多
機票平過你

其實夏天仲靚
如果夏天完到希望夏天去

岩岩睇到其他post
agoda唔退no cancellation 果D酒店錢了

應該係#999
交番個波比樓主

連套54瑞士法朗