[長氣多圖][不爛尾] 瑞士雪山之旅

瑞航都係343

未book酒店？

我反而唔係咁覺格林德瓦有支那人
下面interlaken就真係成堆

我到而家都覺得無去馬特洪峰唔太失望
坐唔到冰洛列車先係最大損失

我都諗緊去唔去好，我向grindelwald 同 zermatt各住3晚，去溫泉樂園，來回真係要5至6個鐘，好爭扎

book左
但每日點行 未plan

我都諗緊去唔去好，我向grindelwald 同 zermatt各住3晚，去溫泉樂園，來回真係要5至6個鐘，好爭扎

輕鬆下ok既
不過唔好預有日本溫泉感受
同埋睇下女係唔錯

都係差唔多每日上山之類

坐過全程8 hours
風景盡收眼簾
不過要遇著好天氣先靚
另外我覺得swiss最靚係坐Bernina express 杳無人煙
最好係坐普通車 可伸個頭出去影相

Bernina express有無去埋意大利坐巴士

果陣未到夏天無開

我由米蘭坐火車去Tirano 坐Bernina express 到St.Moritz

訓一晚再坐Glacier express
由St Moritz 去Zermatt

鍾意坐普通車多d, 可以開窗睇景影相

係呀 可以伸個頭出去影相

係呀 冰河列車全程8小時
仲要早1-2個月強制性訂位

我有諗過你咁玩
仲可以係como玩一陣

未試過開窗

意大利渡假勝地

LM

新年快樂
今年既新春願望就只得一個
繼續都係黑警死全家
新年流流都要放TG
真係快D番武漢抗炎

同埋終於去到奧運既半年前時間
要晚晚步住十一點開始book東橫
大概去奧運期間果九晚應該全部住東橫inn
即使係奧運加價都只係加兩千yen左右
日本唯一既良心企業


DAY5 Murren

尋日朝就發生左幾件不愉快事件
但今日朝就真正可以開得到腳架
然後見到窗外面都幾多星星


酒店早餐就同尋日係一模一樣


本身係Grindelwald預左有兩個全日
而想去既地方有三度
尋日去左少女峰
所以今日預定係朝早上first
下午去雪朗峰

但係去到first個纜車站

係多人到痴左線
我真係唔知今日係咩事
個個都拎住滑雪板去塞爆纜車站

由於場面太過痴線
而且一日去兩座山既時間亦都有D趕
所以果斷放棄去first
雖然好遺憾
但感覺first應該都係比較適合夏天去
如果有下次既話
就再試下上去啦

然之後就只係剩番雪朗峰既行程
時間突然好似變得好多咁
由Grindelwald去雪朗峰
其實都幾唔方便既
要坐成四程車


去到murren仲要再轉雪朗峰既纜車上山先去得到

今次架WAB鐵路同尋日有D唔同樣

而我地就坐番BOB線落去Zweilütschinen車站

尋日上少女峰既路線


其實bob火車上面張線路圖可以見到得

如果上少女峰既話
係係兩邊都上到
但係Grindelwald同Lauterbrunnen就係Y路線既兩邊
一邊接first
另一邊就接雪朗峰
不過感覺上Lauterbrunnen都唔太旺
大部份既遊客一係就揀住interlaken
一係就住Grindelwald

架火車唔係經過平交道

而係直接停係平交道落客

乘客係火車同火車中間落車
然後等火車駛走先行到

而因為火車係平交道落客

係釀成左大塞車
個設計都係怪怪地

下面就係Zweilütschinen

Y路線既交匯點
火車就直插入迷霧

Zweilütschinen呢個站最特別之處
就係火車會係呢度分體同合體
我地係呢度轉車
就可以見證到合體既一刻



分體就應該永遠都唔會見得到

Zweilütschinen車站

真係勁大霧


落山既車就無乜人
但係上山既車就多人到爆炸

原來車上面貼左話無車飛會罰90蚊
不過尋日我地買左成千幾銀上少女峰
結果係全程都無人查飛既

最終就到達Lauterbrunnen
呢度有兩種方法去雪朗峰
最快既就係坐巴士去到山腳底坐雪朗峰纜車
而另一種
就係坐纜車加電車去到murren
再行一行村莊
先至係山腰住纜車上雪朗峰

只要仲係2019年之內
呢兩種方法都仲係可以用PASS免費既
所以對我黎講兩種方法都得
而我就揀左後者
比較迂迴既方法
因為想體驗下架電車
同都想行下murren呢個地方

但係架纜車就多人到仆街

纜車十五分鐘一班


足足迫到第三班先上到

Lauterbrunnen站

位於海拔800米

由呢刻開始
好似之後都未試過搭到一架唔爆既大型纜車


以前呢
我成日以為到瑞士旅行應該會係一個舒舒服服既旅程
但係原來無論坐火車又係
上纜車又係
都係會迫到懷疑人生

纜車全程幾分鐘

然後就會去到海拔1486米既轉車站

係呢度轉電車入murren


基本上都係同一批人
所以爆晒纜車既話呢班電車都無可能會輕鬆

上到車以為呢個坐係度既係司機

但因為呢度係車尾
所以佢只係一個搵到位坐既普通乘客

電車上面有廣告

話係murren上面可能學滑雪
仲跟埋裝
而且三個人平均唔洗八舊水就玩得到

講真其實好吸引
但今日既目標係雪朗峰同轉旋餐廳
如果去唔到雪朗峰既話會打亂晒好多步處
所以我其實係偏向唔想滑雪既
但佢兩條友仔個就真係好想去玩

去到半路司機位個乘客落左車

就變到我地可以cosplay車長
唔知如果搞到D制對架車係有無影響呢

車尾有個鐵箱係可以放雜物

好似BB車滑雪版之類
但就從來無見過有行李GIP之類既野
而呢度全程都係單線行車
所以就算幾多人班次都係得咁多
只有慢無得快

見過人地叫murren做童話小鎮
講真
我一直都只認為呢度只係上雪朗峰既一個踏腳點
從來都無諗過係度久留
但今日既行程
係完全同我預想唔同晒

入目既唔只係雪景

係有好多細路隨街係度玩雪橇
有斜路就滑落黎

呢度既山境絕對唔比山頂差



仲見到有隻大雪人

同伴即場幫佢上gear


呢度仲有大大個溜冰場

但同滑雪一樣
我成世仔都未溜過冰

然後就見到傳說中廣告所指既舖頭

現場同廣告既價錢都係一模一樣

96蚊一個人
包兩個鐘教練
跟埋鞋板同棍

係猶豫左好耐
諗諗下其實錯過左呢個機會
我地將來就算會去鐵力山峰等有雪既地方
都應該唔會有時間可以滑到雪
所以呢度應該係係瑞士唯一個個可以學到滑雪既地方

但係我仲係諗唔掂
決定係murren一邊行到纜車站一邊再諗
如果唔玩就上纜車上雪朗峰
玩就番轉頭比錢

沿路就見到個好似係學滑雪既地方


呢度無咩正式既滑道
好多人都係周街滑
而D細路仔坐住雪橇上斜果時就係由老母拉住
然後就咁sir落去
老母又拉番上去
其實睇見都辛苦

上面應該係堅既滑雪道


話咩童話小鎮就完全無感

不過呢個地方同其他山頂唔同
好多大概都唔係高手級
簡簡單單係度玩玩下既就好多

睇落以為去左劍塚咁

呢度仲有人玩滑翔傘



上雪朗峰既迷李版纜車

溫馨小鎮

老豆一邊埋雪人隻狗就一邊係咁咬
成個畫面好有趣

可惜SET到部機影到好暗

基本上瑞士滑雪聖地D屋都係咁
並唔係murren係童話小鎮
而係瑞士好多地方都係童話小鎮

到達終點murren纜車站

係呢度就可以換免費飛上雪朗峰
但我亦都係呢度決定左今日既去向
就係放棄雪朗峰
因為諗諗下
我自己以後既旅程大概都會係獨遊或者去大型既運動會
可以滑雪既機會絕無僅有
作為留念或者人生體會乜都好
我都希望可以係度真真正正咁滑一次雪

所以
我地番左轉頭

然後比錢
得到收據一張

約左教練兩點三
叫我地一點九番到舖頭換衫拎裝
中間有一個鐘時間可以食lunch
另外如果要租其他裝既話就照價收錢

每人加個頭盔
另外我自己再加多件jacket

就係murren搵左間叫做StägerStübli既餐廳食飯

呢間係少有食野無咩尷尬場面既餐廳
疑似老闆娘個女人好開朗
見到滑雪張收據仲問係咪第一次黎滑雪之類既野
如果夠時間既話
仲會想係度試下芝士火鍋

呢度可以成支可樂叫

比起一杯杯咁叫就平少少
而且呢度比較多選擇
仲有亞洲菜可以揀
我食左雞胸意粉

友人A既咖哩雞飯

友人B呢堆好係係羊黎

埋單個價就一般般

每人三舊水港紙左右

其實係歐洲就好難可以一個鐘內食完一餐
叫餐耐
上菜耐
連埋單都要睇小二面色
去餐廳食一餐飯其實係幾累既一件事
所以食完一餐飯真係點都要粒幾鐘
不過佢預左半個鐘比我地揀裝就仲有加加減減既

揀鞋揀板佢會同你度腳問埋你身高體重

不過著呢對鞋真係有D難度
扣實完之後成條腳都會屈唔到又累又痛
加埋件jacket full gear就變成咁

原來呢間野只係提供裝備
而教練就要去番之前我地經過見到好多人學滑雪果度
不過淨係拎住板行呢一段路都已經幾累下
行路速度係平時既一半都無
我都唔明點解D鬼佬full gear仲可以行得咁正常

交低張收據
然後叫我地係門口等一個叫阿tim既教練
我地果三對板

阿tim教練個feel好似蟻俠個fd咁

偶爾仲會9up
講呢條友咩國藉
果個又邊度黎

我地身後果個就係練習場
不過因為我地大廢就要係場邊平地學行先

簡簡單單學下點樣向前行
轉向
然之後就要開始學行斜路
通常都要好似蟹咁橫行再加重心向上方就上得到
不過講就好似好簡單
但其實都學左一般時間
而且落斜仲完全剎唔到制
淨係普通學行都已經成身大汗
所以其實入面學少D都唔緊要
因為個運動量都應該幾大下

學完行終於可以入滑雪場

其實真係BB仔級黎

有條運輸帶拉你上去

一開始佢就叫我地唔帶棍上去滑
不過一上到去有少少斜我都已經控制唔到
成日都會自己滑左落去
基本上都係滑幾多次就仆幾多次
然後次次都要教練拉番我起身
係柒到爆炸

後來佢叫我試下咁樣拎一枝滑雪棍黎玩

結果真係好左
平衡到加轉到灣剎到制
佢就話世事就係咁神奇
隻手渣住野反而就平衡得到

不過去到後面拎番兩枝棍正常滑又係搞唔掂

正常教練就教兩個鐘
然後自由活動
五點前要還道具
我地兩點幾先開始
本身仲以為得好少時間可以自己玩
點知原來未教完已經仆到好撚累
基本上兩個鐘過左去已經累到可以還架餐

阿tim應該係個唔錯既教練
個問題應該只係出係我身上
雖然都仲係學唔識
但都叫做有體驗過
我覺得已經係一個好唔錯既經歷
放棄左雪朗峰最後揀黎比錢學滑雪我覺得係值既
起碼都叫做識少少行路既技巧

事後同去大阪食完雪糕一樣會得到一粒糖

瑞士人真係好鍾意派朱古力

還裝之後真係成個人散左
一直著住對滑雪鞋隻腳卡到好痛
屎忽又係痛到仆街
都回左一段氣先走

見到溜冰場有條女好正

可惜佢背住左影唔到

同區仲有個野外露出混浴spa

好狂

又沿路落番去車站

仲係度見到以為係馬特洪峰獨有既黃金三角

可惜相機收埋左
試係得用手機影

然後回程用同樣方法番lauterbrunnen
又要再迫多次

今次唔番grindelwald
而係直落interlaken
因為上網見到話果度有間大coop入面有肯定有熟食賣

雖然話國鐵sbb係幾準時
但身為私鐵既bob鐵路一樣係delay到仆街

直頭係apps都會show出黎
而我地轉去interlaken西果班車雖然時間上係一樣
但都係會等埋轉車客先開車

落左interlaken呢班火車入面有餐卡

然後搭左三分鐘到西站
終於可以行下interlaken

西站附近都多酒店
不過住呢度應該唔算太方便
因為要去到東站先有bob火車上山


入到coop終於見到傳說中既燒雞

拎上手仲係熱既
半隻雞就大概6.5左右
而雞脾就3.5左右
個別價錢會有少少差別

仲有其他肉丸薯條之類

每唔記得幾重就1.7

自己磅完就貼個價錢上去

比起係餐廳食就真係平太多
所以先見到咁多人推介
coop真係窮人恩物

相比起薯片就好似好貴咁


又再行番番去

西站其實都算冷冷清清
係coop特別熱鬧
仲收銀聯信用卡
完全係做遊客生意
唔明點解grindelwald果間係再大間D再多D遊客
但竟然係無熟食供應

去西站轉車番東站

竟然遇上呢班bls既regio express

不過其實只係一架好普通既特急

四人座位無咩特別

檯面雖然無路線圖
但都寫左唔同國家既語言

最驚喜既係呢埋語言入面並無支那文既存在

兜兜轉轉再坐番火車上山番去grindelwald既酒店
其實D雞都已經凍晒
仲油淋淋

是日晚餐
買左半隻雞

三隻雞脾

肉丸
魚塊
仲有D甜品汽水

呢度大約都只係40蚊瑞士法朗左右
比起lunch食果餐平足足一半有多
而且味道係好過平時景點食果D狗飯既
不過偶爾食下還好
餐餐食雞都係不了

DAY5 完