[長氣多圖][不爛尾] 瑞士雪山之旅

好痴線
而家真係無地方安全

留番條命仔 仲有機會去既
唉

瑞士有確診？

係呀
意大利322 失控完全

3月頭
啱啱見到瑞士第一宗肺炎
唉

你寫完先定瑞士唔比我入境先

我覺得佢唔會封關
但應該好多歐洲日韓遊客
好似去送死

1001

奧運同歐國盃都隨時凍過水

未完架

我估今個星期寫得完掛

唔想開2呀

開得日本之旅未

之後咩遊記？？

過多幾日啦

幾時先

日本

DAY11 萊茵瀑布

今日起身見到天氣唔錯
係去瀑布既好日子
由酒店房窗口其實可以望到尋晚果間萬豪酒店

雖然係五星級
但一晚都只係兩千零蚊
唔算貴

早餐都係果D野

然之後就要離開住左兩晚既呢間酒店
不過因為我地只係去萊恩瀑布行半日
所以就寄存左行李係酒店

坐呢部去Schaffhausen既火車

咁通常去開萊茵瀑布都會連住Schaffhausen咁去埋
不過我地得半日時間唔夠所以就無去到

今日班車好空
可能去瀑布無上雪山咁吸引掛
我地都已經再無機會上山了

萊茵瀑布位於瑞士既邊境地方
格離就係德國
而火車中途其中有一個站真係位於德國

就係呢個Lottstetten站
不過真係就咁行出去就得
無關口無禁區
可能神根國真係就咁自出自入就得

然後又好短暫就咁離開左德國既國家
估唔到
可以咁樣算去左德國
不過見到D建築物真係可以感受到呢到係真係完全兩個國家

萊茵瀑布總共有兩個火車站
一個位於瀑布南岸
一個位於瀑布北岸
瀑布南岸係比較近瀑布既一邊
仲有個城堡
所以我地就先坐到Schaffhausen
之後再轉火車去城堡站落車

四分鐘到站

架火車係斜住咁停

勞莎城堡站

作為一個咁著名既景點
竟然係無乜人係呢個站落車
https://1.bp.blogspot.com/-gXBDw7X_-Pc/Xle9sqDFqCI/AAAAAAAAYIc/8yLs-tT7Yf0sSztlueyzr_vq3oGv5XJ1QCLcBGAsYHQ/s1600/DSC00275.JPG

條電梯就係直上上層城堡


無想像過原來入去睇瀑布要收錢既

成人收5蚊雞
大約四十蚊港紙

仲有閘機出入


張飛就幾簡單


唔知頭唔知路就無入去住
搭lift去左上層城堡
但其實個城堡應該都係剩番表面
事實係無咩可以參觀既



成個城堡區既瀑布範圍就係多

上層城堡
而頭先自助賣飛果到算係中層
最後都共通落去下層展望台

城堡入口


少有咁介紹下萊茵瀑布

瀑布上下落差只得13米
不過寬度有成150米
冬天平均既出水量大約係每秒250平方米
而今日就係280平方米
如果夏天黎噴水就會勁好多
好似係

瀑布由南岸延伸到北岸

呢個就係號稱全歐洲最大既瀑布
天氣好
仲有彩虹

入面有個塔仔入面D玻璃可以玩下唔同顏色既瀑布



瀑布既下遊

果個係餐廳黎
可以望住瀑布食野

一直行落去




其實係幾壯觀既
不過同我幻想中既尼瓜拉加大瀑布好似都仲有一段距離

底層展望台

呢度係離瀑布最近既地方

企係度一陣會開始濕


中間有枝瑞士旗果度好似係可以坐船上去
不過冬天好似無得坐

周圍都可以見到彩虹


穿過個洞行入去

其實個景都係差唔多


唔少得既當然係呢D紀念品機

不過比瀑布噴到濕晒

同時放個兩蚊同兩毫子入去就得

唔知係咪潮濕啦
塊銅片好似生繡咁

城堡入面有個資料館

用番瀑布張飛仔DO一DO就開到門

主題應該都係萊茵瀑布同城堡之類




張檯有軌道D碟會走黎走去

模型




咁樣就行晒成個瀑布南


係度買左枝雪條黎食

芒果味真係好酸

過橋就會去到瀑布北

條橋係人同火車都行得
可惜當然無車經過

瀑布北岸比較遠離瀑布
睇起上黎就無咁壯觀
而且背光
如果唔係為個印仔
應該係直接去Schaffhausen會仲好

瀑布既背面




電梯上面就係另一個瀑布車站

Neuhausen Rheinfall

南岸係城堡
而北岸係公園


個六字唔識解

呢度望落去都真係幾遠

通常吸印都地方都係觀光中心
但係萊茵瀑布個印仔就擺係手信店

山長水遠由南行去北
都行左幾個字時間
就係為左呢個印

沙芬豪夫印

但係我最終都無去到呢個城市

入面呢個心心會裂開

好慘


呢度一樣有兩間餐廳

高果座係有錢人餐廳
而我地就去左食狗飯
成個旅程十二日
唔計食杯麵
最垃圾一定係呢一餐
一個係人都識整既長通粉

係就咁煮熟再加醬
任何技巧都無
再連兩枝野飲

咁撚樣收廿三蚊瑞士法朗
成本價真係港紙廿三蚊都唔洗
食個麥當奴都無咁嬲
呢度無山景
瀑布景亦都太遠唔吸引
真係唔撚知佢憑咩收呢個價

咁其實度度都有軍刀賣

但係而家睇番原來係呢度買套只需要13蚊
我之後係日內瓦買果個要16蚊
原來呢邊仲抵

咁樣萊茵瀑布就到此為止
亦都無時間去到沙芬豪堡
坐番火車番蘇黎世拎完行李就再轉多程火車去日內瓦
由蘇黎世去日內瓦呢程坐飛機就大約九個字左右
如果坐火車就大約兩個鐘九個字

係apps睇呢班車既2等位係full晒
因為班車唔係以蘇黎世為起點
而係由聖加倫開出
所以我地都諗住一早黎到排定隊等

但好衰唔衰火車站地下係無指示呢個位上車
SBB真係完全無得同JR鬥

結果去到後來根本就亂鳩咁排
拎住行李一黎唔想同一迫
二黎唔想無位坐
而呢班車竟然係得一卡二等位

最後
半推半就都係上唔到車
走去左排半個鐘之後下一班真點蘇黎世開出既車

apps話佢都有兩格人流
所以今次又一早去左露天月台吹住風排

但上車之後發現係無乜人既
有時個apps都唔算太準

係真係好在無迫到上去前一班車
係車上面企兩個幾鐘真係痴撚線

坐三個鐘火車過黎日內瓦
然後聽日又坐番飛機番蘇黎世
都幾on9
不過張機票咁平要咁樣買都無計
其實都只係浪費呢幾個鐘都時間都算係咁

黎到蘇黎世已經七點幾
即刻搵番今晚住果間terminal酒店
住一晚近近地就是撚但
佢比左個閣樓房我地
好鬼死大間

張梳化床開出黎都幾大張

佢仲有書檯同其他無咩用既擺設


雖然D木有D霉

但整體都算幾唔錯

安置完就出去搵食野
原來酒店再行落去就已經係紅燈區
D嬸嬸就坐係玻璃入面比人揀
網上睇話拎住鎖匙果D企街都係
不過我就見唔到
有間ibis就座落係紅燈區入面
好痴線
但係呢一區既感覺真係同外面完全唔同
如果唔係我地三個人同埋on99咁搵飯食都未必敢行入去

最後去左瑞士觀光網頁都有介紹既一間地道快餐點
holy cow!

包係即整
而且勁大份
正過麥當奴好撚多先
咁樣一個餐都仲平過日頭果個長通粉
真係次次食完狗飯都dum心口

仲有最緊要係咩呀


係有免費茄汁呀
連蛋黃醬都有
真係無得輸

食完行下火車站商場
其實都係九點幾
但好多都已經close左
入超市睇原來過左九點唔比賣酒
唔知係咪日內瓦自己既規定

最後買左三杯雪糕
個收銀妹唔想做生意點我地去自助機買
咁我都算用慣無咩所謂
阿經理又好似睇唔過眼咁點番收銀妹過黎自助機想教我地咁
不過當時已經搞掂晒走得
成個畫面幾搞笑

今次一人一杯
唔驚食唔晒

DAY11 完

下一篇就可以完得到
今次都叫做寫得耐
仲要橫跨埋另一個旅程