反駁藍絲資料庫成立40日，大家估下有幾多人睇過？

Q：我又想幫手，點樣參與？
A：用e-mail註冊一個account，然後喺任何一頁按「編輯」就可以開始修改。（建議用電腦修改，唔好用手機）

Q：點解一定要註冊account先可以參與？
A：因為非註冊用戶會暴露IP address，為咗保護大家，我故意設定為只有註冊用戶才可以編輯。

Q：我寫嘢唔叻，但係又想幫手。
A：你喺Facebook、報章見到精警嘅反駁，都可以轉貼過嚟。Facebook好多插畫家、KOL都貼過啲精采反駁。我們都需要有系統咁整理、循環再用。

Q：藍絲滿口歪理，同藍絲討論都係多餘。
A：有藍絲講歪理，你都要有能力指出佢講嘅嘢點解係歪理，歪喺邊。

Q：你無可能說服到藍絲，點解要同佢地討論？
A：好似杜汶澤對陳百祥咁，其實大家都無可能改變到對方嘅立場，咁做咩佢地要上電視呢？佢地就係要比自己人睇。如果你比藍絲問到口啞啞，一來自己人的士氣會下跌，二來淺黃淺藍會覺得你理虧。

Q：反駁藍絲都係浪費時間。
A：我整依個資料庫就係想節省大家嘅時間。你而家只要反駁一次，千千萬萬嘅連登仔就可以copy你嘅論述去反駁其他人。

Q：如果對方好似陳百祥咁，咩都話睇唔到，咁可以點駁？
A：你可以將影片、相片、統計數據放埋入資料庫。對方話睇唔到，你可以即刻開嚟播比佢睇。

Q：如果對方好似陳百祥咁，死都唔認輸，咁可以點駁？
A：反駁唔係單單為咗爭拗贏對方，只要身邊嘅觀眾覺得你贏咗，咁你已經成功。

Q：對方唔講邏輯、唔講道理點反駁？
A：你唔一定要同對方講道理，你串佢都得架。但係點樣串先串得好呢，就要大家一齊諗，然後放入資料庫。

Q：我自己唔洗靠依個資料庫都諗到完美嘅反駁。
A：你諗到唔代表其他黃絲都諗到，不如你將自己完美反駁分享出嚟，等其他人學習下。

Q：我有幾篇千字文想貼上嚟，得唔得？
A：反駁最好短而精，長文可以貼link或者開新一頁。

Q：驚唔驚藍絲入嚟搞破壞？
A：唔驚，我係唯一嘅admin，我可以復原任何破壞、鎖定任何頁面。

大家都可以入去睇下有冇資源有用：
我以前用Google Sheet建立的反駁資料庫：
https://docs.google.com/spreadsheets/d/1Y4eY7Yxy9RZUiq_YWqo5H-OQ4suJdArRdhzt_lJz9-g/edit?usp=sharing
另一位巴打建立的資料庫：
https://lihkg.com/thread/1459712/page/1

支持

點解你仲覺得藍絲會轉軚…

G持

好似杜汶澤對陳百祥咁，其實大家都無可能改變到對方嘅立場，咁做咩佢地要上電視呢？佢地就係要比自己人睇。如果你比藍絲問到口啞啞，一來自己人的士氣會下跌，二來淺黃淺藍會覺得你理虧。

反駁唔係單單為咗爭拗贏對方，只要身邊嘅觀眾覺得你贏咗，咁你已經成功。

題外話，我之前寫過兩篇文講黃色經濟圈。
大家有興趣都可以入嚟睇下。

黃色經濟圈不等於要求黃絲做義工
https://lihkg.com/thread/1758611/page/1

黃色經濟圈最需要嘅唔係創意，而係各行各業的黃店list
https://lihkg.com/thread/1760146/page/1

推

推啊 好有用

仲差一個來自藍絲父母嘅論調
「比人拉左冇哂前途啦，仲點養我啊」
「你出去搞事分分鐘影響到我啊」
「第時冇公司請你就知死」
「知唔知屋企人好緊張你嫁」

真係想知點駁

推

睇下對方態度啦
如果父母態度惡劣，叫大陸養佢啦。
但如果父母真摰擔心自己仔女，我建議巴打用返真心回應。

推！數據嘅年代

曾德成放炸彈，坐兩年，最後做左民政事務局局長

「香港有暴政你地死咗好耐啦」