【拒保全攻略】被捕之後，點決定要唔要接受保釋？

經常被人問，拒絕保釋有咩好？問題應該是：被捕之後，當場接受保釋有咩好？

其實除咗「早幾個鐘頭可以返屋企沖涼、食飯、見屋企人」之外，有得保釋唔算特別好。

什麼是拒保？
即是「不接受保釋」（編按︰跟常聽到的「踢保」有別，詳見下文解說）。你可能不是太聽得明：被人拉，有得保釋都唔走？傻的嗎？

先要明白一個基礎概念：保釋是你的權利，並不是警方施捨給你。所以英文來說，從來都是警察向你提供保釋（bail offer），這是一個offer，代表你可以不接受，但警方一定要給你。

為什麼警方一定要給你保釋？這就回到最基本的原則，即「警方至多只能夠扣留被捕人48小時」。根據《警隊條例》第52(1)條，除非警員覺得你所涉及的罪行性質嚴重，否則警員應讓你以合理款額擔保，然後釋放你，「但如該人被扣留羈押，則須在切實可行範圍內盡快帶到裁判官席前。」[註]

睇電影就睇得多，成日都話「警察只能拘留你最多48小時」，但係夠鐘之後又點呢？就較少人知道。其實拘留滿48小時之後，警方只有兩個選擇：一係將你送去最就近裁判官面前提堂，一係立即將你無條件釋放。

所以如果警方未能在拘留你的48小時內作出安排，將你送去最就近裁判法院，便唯有放你走，別無選擇。

所以當你思考是否拒保時候，最大考慮就係要判斷自己情況下，警方是否來得及將你送上法庭。

乜嘢情況之下，警方會來不及送我上庭、要放我走呢？
答案是九成的情況之下都趕唔切。因為警方要做完所有手續，包括打指模、落口供等等，有好多時仲要向律政司取得基本法律意見（要問下律政司告唔告、告咩好）。

尤其以下情況，更加99%趕唔切：被捕人數好多，而且集中送往同一個警署（例如上次一次過拘捕200人送哂去北角警署）、被捕人因為受傷或者身體不適送院，甚至留醫過夜，在醫院中消耗超過12小時的時間（扣留在醫院的時間亦計算在48小時內）。

48小時幾時開始計起？
48小時是由被捕一刻開始計起。留意是以警方記錄你被捕的時間計算，亦即以警察口供記錄簿上面的時間為準，而不是你覺得自己被捕的時間。例如你上了警車，在車上等待了兩小時才送警署，在警署時才向你宣佈拘捕你，則以到達警署的時間起計，在車上等待時間不計入48小時之內。

萬一警方48小時之後不接受我拒保，要將我交去裁判法院，是否即刻開庭審訊？
答案是不會。審訊需要控方提交證據，辯方亦都可以準備案件，48小時之內你作為被捕人，根本未有機會聘請律師以及諮詢法律意見，亦都無機會睇到證據，警方可能根本連最基本的閉路電視片段亦都未收集，即使搜屋期間得到有用的材料亦都未整理，總之成件案就是未準備好，所以你的所謂「上庭見官」，只不過是去申請「法庭保釋」以及提堂。

留意返，法庭保釋（Court Bail）同警方保釋（Police Bail）是兩回事。警方保釋只可以要求你比錢（保釋金），不可以增加額外條件。法庭保釋就可以加很多條件，包括禁足令、扣押護照、不得離境、定時報到、宵禁令等等。所以的確有被捕人會認為，在警署得到保釋，好過上到法庭先至保釋。因為在警署一定保得到，但上到法庭，控方可能反對你得到保釋，反而「出唔返嚟」。有時被告人情況根本無可能保釋，例如他被指干犯縱火之類罪行，又或者他是內地人，或者外國人，在香港無本地聯繫，保釋的話理論上有潛逃風險，這些情況本身都係無得保釋，有可能被繼續拘留。

被捕人即使得到法庭保釋也有好多條件，例如不可以離境，這會影響被捕人的人身自由和工作、生活等。所以是否拒保你要按照自己案情去考慮，平衡自己上庭之後無法取得保釋的風險有幾大。

如果真係立即將我提堂，我又無律師，咁點算？
被捕人是不會沒有律師的。首先，坊間有不少義務律師可以代表你上庭，另外開庭時亦一定可以使用裁判處當值律師服務。由於提堂嘅程序非常之簡單，真係唔需要用清洪或者李柱銘嘅，所以任何當值律師亦能夠幫你，基本上用誰都差不多。這方面不用擔心，上庭的時候一定會有律師。

錢亦不是問題，因為使用當值律師第一次提堂是免費，之後在裁判法院打到底，只需支付HK$570蚊登記費。就算負擔不起570蚊，當值律師亦可以免你手續費，而民間亦有基金可以立即拎現金來幫手。

有啲人話，可以接受保釋之後，下次續保嘅時候再決定踢保？
的確可以（咁叫做「踢保」而不是「拒保」）。有些被捕人會覺得被拘留太過辛苦，無論如何都想「出番嚟先」，諮詢律師意見、見了家人、回一回氣，才決定下次是否踢保（甚至續多幾次先踢）。

咁我應該即刻拒保，還是出咗去，下次返嚟先至踢保？
答案很視乎兩點︰你個人情況，以及警方向你建議保釋的時間。首先如果被捕人個人情況比較差，譬如膽小驚青，或者睡眠不足就會冇精神，又或者「趕住出嚟返工返學」，不想再留在警署太久，真是捱不住壓力的話，當然是應該有得保就盡快走先。

但接受保釋畢竟是戴金剛箍，對一般人來講，下次再返去續保亦同樣好大壓力，有不少人之前一晚會瞓唔著、出番來之後又會唔開心，保釋期間再參加遊行示威活動，亦都擔心再次被捕，甚至不單止自己，而是全家人都會唔安樂、非常擔心，所以立即接受保釋離開，亦不是沒有代價。

所以第二個決定因素，是要看警方向你提出保釋請求的時間。如果警方在第12個小時就已經向你提出保釋請求，那「立即走」代表可以坐少30幾小時，確是應該走的。但如果警方慢吞吞，搞到第45個小時，才和你講「你可以走啦」，你就不妨考慮坐多陣，完咗成件事，不需要再返警署。

拒保是否需要律師協助，有咩手續呢？
答案會令你大吃一驚：現場拒保是不需要律師協助，亦都沒有手續。你自己向警察表示，「我宜家唔保喇」，警方就放你走，就係咁簡單。

你現在讀這篇文唔會明、亦唔會信，那種戲劇化的程度：當你表示︰「我坐喺度唔走㗎喇。」佢就會同你講︰「咁你而家可以走喇。」（我試過有一次因為未取得扣留物品清單，所以在被捕人拒保後我們仍懶死唔走，警方多次向我們表示「你哋無權再留係度」同埋趕走我哋一一我和被捕人狂笑：頭先唔係要拉要鎖唔畀走㗎咩……）

當然，你走之前警方會叫你簽張紙，表示目前你是在不接受保釋之下，警方放你走，他們會保留追究和繼續調查權利云云。

如果你是當場接受保釋，下次續保時候才踢保，有律師陪同會比較好。一般而言，律師會提早一天去信警署，說明被捕人明日將不會接受保釋，那第二天你就係律師陪同之下，返警署報到拒保，並取回保釋金離開（但警方有權扣留你電話及其他物品繼續調查）。記住就算你踢保，都要先返去警署報到再踢，不要「自己唔出聲走咗去」就算，否則就會變成「棄保潛逃」了。

彩蛋：常見警方呃你、?你保釋手法
警方在好接近需要釋放你的時候，是非常渴望你答應接受保釋的，否則他們用兩日時間來睇住你的功夫就白做了。這個時候警方當然希望你接受保釋，之後定時自己返去報到，等警方自選時間去炮製你。

很多時候你向警方表示不接受保釋，他們會開始同你講好多說話，包括威脅要將你提堂（這個的確有可能），亦試過有警察向被捕人表示「你唔保釋，會有手尾」，但又講不出個「手尾」是什麼。

更多時候，警方會利用被捕人家長「救子心切」的心態，繞過被捕人及律師，直接打電話向家長說「你宜家可以俾錢保個仔走喇」，彷彿警方皇恩大赦放走你個仔咁。實情警方不知幾想你個仔快點接受保釋、快啲走，令警員可以收工交俾下一更同事，以及交予未來負責案件的警員去接手，自己不用煩。

很多家長因為已經40多小時沒有見到自己小朋友，又因為聽咗太多浮屍、強姦的故事，有好多可怕的幻想，所以就不管三七廿一想盡快接走仔女，自然就會接受咗警方的保釋建議。這一點家長要小心，接到警方電話，不要立即答應，收線後應該立即通知律師商量。

拒保之後是否即時走得？
都要少少時間，首先警員會盡力勸／嚇你接受保釋。不果的話，他也要點時間與上司溝通安排。一般來說很少真是「坐足」48小時，大概45小時都能出來了。

集體行動更安全
最後一點，如果你們是集體被捕又送到同一警署（例如一次過拉百幾人），那很有可能警署工作量根本超出負荷。這個時候如果你決定拒保，應考慮利用被困在一起的時間，說服更多被捕人和你一起拒保。因為愈多人想一起拒保，警方更愈沒有可能一次過把十幾人一起送上庭。不送上庭便要放人，愈多人拒保就愈大機會被釋放。記住，拒保是你的權利，被捕人完全有自由不接受保釋。

總之你要記住，拒保只有兩個下場，要不是立即上庭，要不就立即無條件放人，沒有其他。

以下簡單總結，方便大家計算自己應否當場拒保：

你判斷現在的個人狀態，是否適合繼續被羈留，是否能夠承受壓力？
警方向你建議保釋的時間，是否已經很接近48小時（40小時打後起，為之「接近」）？你是否已經因為留醫而消耗了一些時間？如果坐多幾個鐘就走得，咁不妨坐埋。
你被指控的罪行是否嚴重？（縱火、暴動可歸類為嚴重；非法集結可歸類為相對不嚴重（相對咋！全部都是可判監罪行嚟））
明日是否公眾假期，或不能開庭的日子？
你本人是否有機會不能獲得保釋？（例如，你不是本地人）
你認為自己在法庭取得保釋的機會大嗎？
和你一同被捕，並送往同一警署的人數多嗎？你現場的判斷，認為警員能夠在48小時內把你（們）送上法庭嗎？
你是否在短期內，有需要申請學位、移民，專業工作、出差或旅遊？
就此特別鳴謝幾位幫忙核對稿件和給予意見的大律師。

註：

早在1988年已有案例，說雖然《警隊條例》不算寫得很清楚，但明顯是有意不讓警方把被捕人扣留超過48小時，而即便是未夠48小時，也要盡快安排見法官，不是要坐滿48小時才去安排的。見Attorney General V Wong Chi-Ming And Others [1988] 2 HKLR 369 [377]：

P牌假推

補link
https://www.thenewslens.com/article/127351?fbclid=IwAR3WiRK1QJaQZSW5fvmu048lYCsOL_nhuJpDHGjXBnVf2jZtnJSsp8X1eFU

作者: Melody Chan 現職律師行。

有用POST推

另外被捕之後,盡可能留係醫院
依段時間都計入48
例如主動話自己有藥物敏感或者頭痛/心口痛
問到點敏感法就話會心跳加速,抖唔到氣
但又唔記得確實藥名
醫護之後會搵家屬問詳情

聲稱唔舒服+醫護派唔到藥
係要留院觀察

以上來自老豆搵仔

堅持
聖誕冇生意
新年冇生意
攬抄

盡量坐滿48,好難搵到料告

推

當然最好係唔好被捕
無心理準備真係唔好隨便上前
上得前就要預咗比狗拉

唔好到時前線逼爆
有起事上黎又搞到個個都走唔切
或者令到真係有預備上前嘅做唔到野

長知識，多謝ching

幫你放左其他熱門度叫大家推下。
雖然長文，但係出得去既一定要睇。

最後希望各位可以地下化
上前線食彈唔會增加到幾多勝算

開花令狗疲於奔命
黎明行動大罷工
麻包袋/渣車
每個都係更高性價比嘅事

最後
狗係要人管
人唔應該直接同狗打
應該請專業嘅人對付
不論會否直接危害生命

我都只係轉載
都係要感謝作者做懶人包

原來係咁

希望有人睇。

推多下
希望每個會出嘅人都知

https://lihkg.com/thread/1738999/page/1
面對現實，長期抗爭，分工合作

唔係因為贏先堅持
而係堅持先會贏

唔好忘記
留住團火
現在未來都要繼續
無論地上地下

再多內疚/愧疚
唔好放棄
唔好犬儒
不論多少,堅持

未來一個月
半年
十年
堅持