個運動到依家已五個月有多，各種各樣的抗爭方法都試過。有時Work，有時唔Work。6月有兩日有分別有100萬同200萬+1人走出來。好多人想重演呢兩場遊行。不過現實係POPO已經唔會俾我地咁做，申請不反先拒絕，有人出來再放TG。
6月到而家都有人持續堵路，不過好快就熄左火，成效都唔大。
另外，仲有人一直持續發起三罷，不過現實就係參與既人真係唔多。罷工係一種「傷己傷人傷政府」的做法，唔單自己會冇左收入來源，其他人都一樣，而透過呢一招向政府施壓。現實係喺傷到政府之前已經傷到自己其他人。有啲人家有高堂要養，而有啲家中小孩，都好難做到罷工。我地可以鬧佢地只顧自己家庭，唔理香港。只係呢個就係現實，佢地唔參與，我地都只能表示無奈。
而透過各種方法逼使其他罷工，例如堵路阻黨鐵車門，成效好微，鬼叫香港人既返工意識同能力咁強，排除萬能佢地番工。
以上講既三種方法喺媒體同連登都比較常見。
而較少人提既有「黃色經濟圈」。
我自己都出過Post，不過沉左底。
黃色經濟圈—黃腳印計劃(1)黃色飲食
https://lihkg.com/thread/1727659/page/1?post=899a4ab1d61d727a05426281ec6005898616ae26
而家呢個時勢對抗爭既一方好不利，特別係POPO已經唔當人係人，有好多手足都受到不人道既對待。喺呢個情況下，請各位手足將焦點放喺「如何有效抗爭」上。手足每一個都好珍貴，唔想再失去！要達到抗爭目標，可以用不同方法。
講左咁多廢話，咁點做先得架。
就係分工！分工！分工！
個人建議日後大家開Post時喺標題上先標示：「䇿略」、「行動」、「文宣」、「放料」、「後勤」呢五個類別，
䇿略Post，請提出實際建議並且指出建議既「效果」「風險」同「可行性」。現階段最需要谷！
例如：
「䇿略」整多次超多人大遊行
效果：
可以展示民意俾政府同國際
聚手足互相支持
風險：
POPO未必批準
批準左都有機會中途叫停
參與者有機會被捕
可行性：
喺罷搭地鐵既情況，好難運到咁多人入港島或九龍，可行性偏低
行動Post，請盡量放啲個人都可以做到既野，例如簽聯署，捐錢俾星火等等
放料Post，請盡量Post已FactCheck既資料，唔好話「已FC」，因為我唔知你點FC。如果係一手資料，都請你指明點一手法。
文宣Post，有手足做左宣傳文案，例如日程表，可以放出來叫大家留意。
後勤Post，要求人地幫手既Post，針對能力去做。最簡就係物資支援，同點樣支援，或者做文宣、網頁諸如此類。
每位手足都希望光復香港，五大訴求可以成真，因此更需要分工，覺得自己腦筋好既就度橋、覺得自己設計掂既做文宣，認為自己係天文台既就收料同放料。總之大家同心合力，一齊為香港努力！
面對現實，長期抗爭，分工合作
偽能人
71 回覆
73 Like
2 Dislike
冇錯，標題要清晰，唔好做標題黨
高質 推
推
推
推
推
週一至五，中環和你lunch，中環成功，但點解唔可以18區？
週六或日，每週一次大遊行，港島和+九龍勇，下週對調
週六或日，每週一次大遊行，港島和+九龍勇，下週對調
push
長期抗爭呢樣唔少得！
標題係令大家可以分到資料類別，黃色圈要長期做。
要推一個活動，需要時間話俾人知，好多人唔係唔JOIN，而係根本唔知。
仲有點樣長期Keep住都需要方法。
仲有點樣長期Keep住都需要方法。
好嘅建議 手足要跟
推
黃色經濟圈 唔係黃色餐廳區
成本效益
先做飲食，等大家有FO，之後可以推到其他行業
為左手足安全（我地已經冇左好多），各種方法都要分析，覺得Work既去做。
以而家既黃店去介紹其他唔同行業既黃店,可以快D建立到黃色經濟圈既雛形,當然黃店介紹既都要經過審核