8月31號果日,公司係金鐘既Centre,樓下擲緊TG,情況已經好危險,有條team因爲唔到數,唔俾佢地走,要留係公司,聽到啲同事講都覺得好心酸,望住樓下由開始到警察都走埋,佢哋就留堂留到11點先俾走。逼同事嘔埋最後果幾萬出黎,暗示要同事自己俾錢買,到數先俾走,罔顧員工安危。
10月1號,公司完全冇通知員工任何安排,明知交通已經好難去到金鐘,群組叫同事係灣仔或者中環落,行山路翻工,仲溫馨提示同事準備乾糧。然後因爲公眾假期,office同事舒服放假,完全冇諗過前線人員。我想講,前線唔係淨係得二三十歲既治療師同前台,仲有五六十歲既茶水姐姐。 去到四點,樓下已經好危險又冇通知同事收工既安全,直到太古廣場話關閉,趕我地員工離開,有同事一出pp,後面就俾防暴追住,前面就擲緊TG,想走翻入pp避,話商場關閉唔俾入。員工既生命就咁唔值錢咩?
之後第二日話請翻同事食早餐,有啲同事因爲交通仲未恢復而遲到,仲威脅同事遲到冇得食早餐。我想講個早餐係補償,而唔係獎償。
直到琴日11月11號,公司對以上安排,仍然未有改善。朝早群組完全都係冇任何通知,點解永遠都唔會提早通知,好多人住屯門元朗,出黎都需要時間!人地其他大公司個啲前一日已經通知哂有咩安排,係咁危險既情況下,同事話請病假都依然俾人用啲好難聽既說話對待,有同事因爲條數唔靚,啲所謂既高層仲要話你冇數冇資格請假,冇數既人條命係佢地眼中賤過狗。
唔該全線罷買!!!
利伸,唔係呢間公司既人,只係有朋友做,對呢間公司既做法睇唔過眼。