除左係twitter retweet post, reddit幫手推post, 好嬲好嬲之外仲可以點?
我既睇法係
我地香港人需要提供一個比世界支持我地既途徑
需要由我地自己做主動既一方
而唔係坐係度等人地國家既議會去研究點幫我地
大家都見到早排世界各地既大城市都有支持我地同反共反赤納粹既遊行同集會
除左上街聲援我地之外 我地仲點樣可以將國際戰線打得更好更有影響力？
單單藍屍斬人警暴打死人被自殺都話係核彈
既然對家送既核彈一波比一波大
但到底我地有冇好好利用過呢啲核彈？
係呢個前提下
我希望可以借2014年既ice bucket challenge為鑑
由我地香港人發起一個TforTagHK Challenge
下面我會詳細介紹呢個運動既
概念 做法 同營運細節比大家
文章有啲長
希望大家比啲耐性睇埋佢
TforTagHK 概念介紹
TforTagHK
顧名思義
我係用T-shirt 去換大家既#hash tag
以成本價$60@一件為例(印刷廠比quotations個價)
你可以淨係比$60要一件衫支持呢個運動
你都可以比$100要一件衫
淨低既$40就比我地做營運資金
你比多既錢會用黎繼續印T
印出黎既T-shirt會運去唔同國家派比當地支持我地既人
佢地免費拎到件衫後
就需要跟住連同件衫既leaflets指示
著住佢selfie一張/拍片然後po上Instagram / Twitter
打出/講出佢地想對香港人講既說話
加上衫上面既＃hashtag宣傳呢個challenge同支持我地
以咁既方式將呢個運動一傳十 十傳百
好似當年ice bucket challenge為漸凍人draw attention 同籌款一樣
暫時我採用既#hashtag分別係
#AntiChiNazi
#Eye4HK
#NoPoliceBrutality
#NoExtraditionBill
#StandWithHongKong
#TforTagHK
當然大家如有更好既提議都可以話比我知
版圖
版圖為八月時既設計
所以資訊未有更新九月十月既事
因版權問題及設計存在修改空間
呢個未必係實際出既款
只係供大家參考
下面部分會同大家解釋
大家係上面既版圖度見到
件T既設計好簡單
主題-Don’t Forget 勿忘
寓意係香港人唔可以忘記衫上面既日子
同當日發生既事
抗爭會繼續落去
就算活動熱度下降
我地都唔可以忘記
唔可以放棄
前面-新聞相
代表事實既真相
唔係老作
唔係PS
而係各大報館記者影既新聞相
比全世界人知道香港班狗察係記者鏡頭下既暴行
後面-資訊型文宣
何謂資訊型文宣？
- 清晰闡述當日班狗既暴行
- 資訊多但經過過濾而非自己友打飛機
好多外國人都知道香港人搞緊抗爭
但佢地收到既資訊
未必有詳細講到香港黑警既暴行同細節
而呢件衫既作用就係輸出呢啲資訊
我地香港人對抗緊既唔只係香港呢個垃圾政府
背後仲有極醜惡既極權中共
有幾多外國人真係知道班黑警對我地做得有幾過份？
我要做既事就係令全世界人都見到佢地既惡行
我地係香港做緊既 係喺連儂牆貼文宣
比人撕比狗捕仲要同藍屍廢老搏命
我而家要做既
係令人可以著住啲文宣周圍走
唔理你係勇武前線定和理非後勤
無論你係搭緊車返工 係街行行企企
只要你企係條街度有人望到你件衫
呢場抗爭就多左嚗光率
就令到更多人知香港發生緊乜事
增加國際關注同討論
