[你問我盡答]EDUHK PGDE DAT你應該去讀嗎?

是咁的，
本人係今年讀EDUHK PGDE DAT 嘅其中一個學生。又開始大家到報PGDE嘅季節了，唔知大家報左咩科呢？

本身係工程底，但又唔係3大出身嘅你地，入到PGDE(FT)嘅機會真係超低。本人至少報左3年都入唔到...其實都唔知點解，可能我真係一個interview嘅垃圾，in左2次中大數小同1次常小，教大小學又冇樣野肯in我，最後今年得番DAT肯收我。

呢個時候大家都會諗到底，如果我唔報主科，咁報術科有冇學校請嫁？再諗諗，到底呢個世界係咪真係要DAT嫁?可以睇下以下呢篇分析文

DAT的價值和獨特性
DAT存在嘅價值，根據我依家上堂，所遇到嘅在職DAT老師都有個說法，就係EDB計好晒數，呢科收多幾多個DAT offer就會Close，所以你地一定有工開。而存在價值方面，你地將會比一般老師價值高好多，因為唯有讀左PGDE DAT既老師，先可以去工場教學生。所有要入工場教既老師，必定要修讀過DAT先可以去教，否則出事學校就大獲了。另外，有部份機器都係必定要放係工場，例如係Laser Cut、電鋸之類的工具等等。即係話，如果一間學校有心搞STEM，佢需要呢一D器材，就必須要DAT老師去負責，所以DAT老師有著不可被取代既地位。

當然你亦都可以話，只要間學校DAT唔搞呢D禁工程既野，就唔需要工場同甚至DAT老師。而一D學校冇DAT工場，亦都好難再開，因為整DAT工場有一定規格，要係學校再搵一個地方去放DAT既裝置可能會唔達安全準則，所以亦學校需面對一定嘅風險。

但都係果句，你信唔信自己有價值去做老師。
任何老師要轉去教DAT，校長都會要求補番個PGDE DAT，儘管冇法例要求底下。

要求和準則
如果有心想教DAT你可以上去Search下EDB DAT果度有教科書，你可以睇下同你地學嘅野同讀嘅野有冇相似，咁既話會易啲入到。

講到呢度，大家會唔會有點心動想報DAT呢？
我想講嘅係，雖然教大嘅老師好好，好盡心教，好盡心支援學生，但係佢係一間缺乏資源提供比學生嘅大學。凡事諸多限制，教既野奇奇怪怪。

選修課程與實課程不兼容
就以DAT課程為例，今年修讀Elective總共有4科，第一3D打印，第二Programming，第三Creative Media，第四有關DAT工場環境設計。

明明DAT 5大Elective分別係 CAD、電子、材料生產、Automation同Creative Media，仲有好正常初中既木工用唔同工具去整D打。重申，我依家呢刻都係對緊個科目既問題，並唔係對教果緊個老師。佢地開既科根本同成個科目制度對唔到題，3D打印只不過係CAD同埋生產呢個Elective中一小部份既一小部份；Programming更加唔能夠稱得上係Automation，都唔知做咩野會拉埋個Programming落去個DAT度，完全當左DAT就係ICT；個Creative Media 黎教既係一位現職老師，佢本身唔係一個ＣＭ人，但都睇得出佢盡力去教。將自己一套對教ＣＭ教學嘅經驗，話比我地知道。甚至好到帶我地去學校工場教我地野D工具野；DAT環境果科未上，應該都有用既，始終，我地將來可能要面對將DAT工場大翻新。但係其他3科，都係到喉唔到肺，文不對題。你係教STEM定教DAT呀定係ICT呀？

缺乏教師培訓資源與實踐
最嚴重嘅問題黎啦其實我地根本好少人接觸過DAT呢科，對就快要實習既我地，係極之缺乏教學既信心，雖然我地可以做到好識，但係如果我地識勁少咁教學生，自己個心都有少少過以唔去，「貴校（教大）冇工場，只能夠播片比你地睇」來自一句DAT元老級教師。DAT呢科可以話係工多藝熟，係要多練先會有信心去教，唔同其他科，拎起本書講都可以吹到水。DAT要實際去做野，但係教大做咩呢？堂堂叫你都係坐係個電腦室度，睇呀Sir講書，有software用果D時間都叫好點呀，我地上堂學下渣支鋸，渣支錘都冇呀。但係Program leader都盡左佢各方面既人脈，去唔同學校借場地比我地學下野，但係教大呢？一個場都冇呀，你個STEM又要人Book，新開科有LAB都要Book、Book咩呀Book全部都要Staff先Book得入去玩？我地比左錢冇得用。大佬，如果遇著個人渣老師．我地真係乜都冇嫁啦喎。至少比番一科係好似人地IC Training咁，有d HAND-on practise嘅course呀，基本上乜都冇呀。

我地感受教大根本冇心搞好DAT呢科，請大家罷報DAT。EDB禁想搞好STEM，你教大就搞死佢啦！

教大與實習學校聯絡有誤
仲有聽D同學遇到實習嘅情況都嬲嬲地，去做實習好似做到個TA咁。個老師負責D乜乜STEM周，就交比個同學去整去跟。唔係話唔想幫手乜都試下，但可唔可以當我地好似一個免費勞工咁洗到盡呢？同學仔個個都通頂趕寫教案，預備教材。有位同學冇啦啦收到提早實習通知，要預備到凌晨5點，過一個鐘就要番學校教書。有同學仲要冇啦啦好似奉旨咁做野。

你問我點解仲有時間可以係度打呢篇文？因為真心好嬲呀，近排香港已經夠嬲。如果連自己學校應有既權益我都爭取唔到，我都唔知做咩禁有勇氣沖出去要「五大訴求」。不過都好好既，我去果間實習學校，下下星期先正式開始教書。

時間表離地
最痴線係個上堂時間真心離地，今個SEM上足星期1-6，3日夜晚堂，下個sem仲正，一係就上足5日，一係就3日天地，個地天仲係要朝左9:30上幾個鐘再6:30上到9:30呀。係4晚呀，根本不人道同冇晒生活。明明Check到有D時間可以朝早上，又唔肯開放比我地，課程進度安全完全奇奇怪怪，又唔會去公開比我地知道。

獨特性存疑、競爭激烈？
仲要有班BEdu都可以minor DAT，玩晒啦...唔係話能力不足呀，咁我地呢科既專業去左邊呀？Minor都可以入去教，可以讀既揀野take既DAT Elective，仲要多過我地PGDE DAT，公平咩？佢又唔係成年專攻DAT。

當然又有大佬講校長講求教師尊業，相信我地呢班PGDEDAT嘅學生，會有一定既地位，加上我地以前Dg major d嘅野，機會還是有的。但係對我地來講競爭真係大左好多，依家我地睇到嘅方向，就係學校要STEM而唔係DT，STEM要求比DT低好多，所以DT缺乏多一個主修選項優勢嘅話，有一定機會爭唔贏BEdu。加上我地本身就缺乏工場訓練，同一個冇BEdu Minor DAT冇太大嘅差別。

盼望你不用失望
唯一能夠贏嘅，就係我地真係識緊一群DAT老師，係最大嘅優勢幫助我地去搵到教席。

最後，可能巴打們會話條路自己揀，一早Quit咪冇事囉。但有冇諗過我地有責任，去改變呢個唔好嘅環境呢？有冇諗過真係有班人係有心想教DAT，但係冇支援根本發揮唔到佢自身專業？

而資源培訓不足，唔係我地去決定，係由教大高層決定...我地只係想下一班DAT老師得到更全面更多嘅資源，使佢地更有信心嘅教學，爭取到嘅並唔係為自己，為想下一屆好

其實班老師真心好，但點解教大禁垃圾，冇照顧讀PGDE嘅一群。

你能夠做的事
如果一切事情未改好之前，希望大家罷報教大DAT。
罷報DAT刻不容緩，冇資源去做好訓練老師嘅準備，請唔好開個課程。
經過訓練之後，都冇專科知識去教學生嘅老師，最後都係害左我地嘅學生，我地嘅下一代。
雖然爭取左我自己未必享受到，但至少下年出黎DAT嘅老師，會比今年出黎嘅老師更優質。

廿年啦！廿年前嘅DT老師都嘈過d課程垃圾冇用，點解廿年後都係咁呀？

同個PGDE 總Program leader傾完都冇咩用嘅，剩係話反映番比Dept知，成個星期啦，咩回覆都冇。

我們的訴求：
還我DAT工場、
重組DAT科目架構、
更改DAT時間表、
增加DAT教學資源、
審視DAT教師專業自主性。

唔係好慣左係咁就咁啦好麻？
上一代得唔到嘅野！唔代表我地唔配去得到呀！

P.S. 讀完晒d course之後，會對每科進行詳細分析，到時就可以收到個offer嘅話再考慮下讀唔讀。

P.S.2 或者好多現職嘅DT老師已經大概知道我係邊個，但我只係想比想知道依家教大嘅情況，絕對冇批評任何DAT老師嘅教學專業。真心欣賞每個DAT老師，能夠堅持到依家，不繼將教學經驗分享比我地，等我地稍為冇禁擔心依家嘅實習，其實仲腳震緊，學生好易知道我地冇料到。

P.S.3 有同學或者師兄姐都可以補充一下，或者講錯啲乜野盡講。

教大
設計與應用科技
教育文憑
罷報

聽d朋友子講中學視藝，好似成日都組唔到團開班，報完食左佢幾百蚊冇回音，佢Master VA教大專，今年教大應該冇開中學視藝

聽人讀過中大小學副修視藝，好無聊純理論，唔知中大會教成點
我見DAT班嘅同學仔無論係PT定FT，都似係想教VA多過DAT，但最後都係讀DAT

如果開左科，又有offer姐係表示科野可能缺人手。

但對VA唔好太樂觀，試下比左錢報名先。或者問下母校視藝老師，最熟行都只會係教果科嘅老師。佢地每年都會聚埋一齊，討論DSE之類的大小事，所以會清楚多d圈內資訊，好易知夠唔夠人手。想入行其中一樣就係要搵老師/相關行業問，如果你果個VA老師係學校嘅大粒野就更加要問。

你讀咩科，仲有冇得揀其他野

唔

好

沉

呀

呢科係唔係淨係得full time

有part time的呀
Full time位＞ part time位

邊個比負評

推下先

停左一日，要上番去啦

點解我見到bu同cu都要ielts我ielts過咗期係咪唔洗報？

如果開左，就姐係計算過有位，但你想安心點就要搵下有冇邊間出名VA嘅學校，去問下了解下現職老師依家嘅情況。
呢d冇咩人識嘅方就要盡自己去做/_\

你大學讀果科唔係英文嘅咩？
唔洗一定ielts

唔可以停

上番去啦！

叫咩香港教育大學
叫香港作文大學好過啦

如果係工程底咁報CUHK PGDE ICT有無出路
利申係EDUHK讀緊ES Minor，如果上EDU既PGDE唔洗讀堆ES Course

dat同stem有咩分別

你只要有B以上就可以trans credit
唔知呀，有個CU pgde同我一齊實習緊，幫你問下
但依家政府搞緊IT實驗室，應該有機嘅
CU ICT今年得4個 full time

DT要Laser Cut 其實STEM唔可以掂lasercut係關dt事
DT係儲包埋material、production、creative media，但STEM好少掂呢樣野，佢地多數整完舊野就算