關於渣打事件有野補充

北極大灰熊 · 2019-10-26T00:33:22+08:00

今日睇左呢個,朋友有小小教學想補充我代出PO https://lihkg.com/thread/1672869/page/1 我有同 SCB 投訴，早幾日佢地同我講，條八婆仲係 SCB 度做，只係暫時調去另一個位，因為我問佢，如果仲調緊，嗰位職員仲有機會接觸到客戶資料，我會好擔心，所以佢地就咁答我我想講返，打電話去投訴就得(係客戶)，唔使寫信，所以唔使擔心唔識點寫，但一定要要求佢書面回覆，因為如果無書面回覆，佢叫客服人員打返電話俾你就得，如果要求書面回覆，就一定要佢 Client Experience Manager 簽名。投訴完，佢即日會有個 reference number 俾返你，依個 number 可以之後同 HKMA 投訴時 quote 返佢會問你想用中文定英文回覆，因為我揾緊方法，同佢總公司投訴，所以揀英文，其他人想投訴但唔慣睇英文，可以揀中文，重點係要多d人 keep 住投訴，等佢地無得就咁冷處理再補充，我唔係銀行度做，但工作關係，我知道銀行係好驚 HKMA，所以可以同 SCB 講，你亦都會向 HKMA 反映。我建議係首先打電話去 SCB 投訴先，攞咗個 reference number，可以跟手同埋 HKMA 投訴，又或者等 SCB 有初步回覆再決定同唔同 HKMA 投訴。我第一次打去 SCB，淨係講咗留意到網上有關傳言，佢哋巳經知道邊單，無特別問我攞其他資料，有基本客戶資料，證明你係客戶就得。問過私隱專員，佢話除非我係涉事人士，即係被披露資料嘅受害人，否則佢地係唔會接受投訴跟著講講 HKMA，可以係佢網頁下載投訴表，填完 e-mail/fax/mail 返去就得。根據 HKMA 指引，銀行係要係收到投訴 30 日內回覆，如果複雜嘅投訴，最多 60日，如果你唔滿意銀行回覆，可以繼續同 HKMA + 銀行跟進我收到佢地嘅信，打電話再同 SCB 講，我唔止要知佢地會調查，我係要知個調查結果，同埋要佢地交待幾時會有調查結果。我問佢銀行有無指引幾時要查完，佢話無，咁答佢 HKMA 有指引㗎噃，佢話佢會再覆我，我繼續要求要佢書面回覆。我剛剛 send 咗投訴表俾 HKMA，有回覆再 update 我覺得就算佢直屬上司真係想攬佢，但依家搞到另一個部門要做嘢，再嘈到去 HKMA，SCB 又要交報告俾 HKMA。就算最後銀行唔炒條八婆，都要令到佢無得做，有佣賺嗰個位。多 d 人，keep 住投訴，直到揸兜交代為止