細個果時老豆包二奶 父母離左婚
近年老豆同個二奶就結左婚
而老豆就黎生日
佢想我同阿哥同佢食餐飯,會帶埋個二奶出黎
純粹say個hi咁
過左咁耐 我同阿哥都冇咩hard feelings 就話冇問題啦
番到屋企老母就超級嬲,話點解我老豆要啲仔女去見一個拆散自己家庭既賤婦
如果佢冇出現,我同阿哥就可以係個健全家庭長大
佢繼續係度話我 點解要去
然後幾日之後我哥又番黎食飯,佢諗住帶埋女友比老豆見下
佢同阿媽講幾講 阿媽就話好啦 咁你兩個去啦
然後又過左幾日 老豆打黎同我講果日約幾點
老母聽到又癲左 係咁講係咁講
話果個二奶 見到我同阿哥 一定會諗「你地個阿媽都幾得意 我搶你老公 你仲比啲仔女黎見我既 咁戇鳩都有架咩」
係度話 我同阿哥去見佢得架喇 痴埋去佢地度啦 唔洗理佢架喇
又話我地唔當佢係阿媽剩剩
我同阿媽講,果日食飯係純粹比面老豆,同個二奶根本就唔會親近,老豆都一把年紀(都七十),過多幾年就唔係度,點解要諗到我地好似拋棄佢咁
然後佢繼續嬲,嬲到喊出黎
對上一次見佢喊係我中一既時候,十幾年前⋯⋯
我都知老母係愛我地所以先咁
不過過左咁耐 我真係好希望佢可以放低
莫非去到死果日都要嬲住二奶 嬲住老豆?
有時緣份完左就係完左,哩啲野真係冇得講,只能接受
真係好sad,夾住係中間想我點
次次出去食飯 老豆係度講啲往事
我同阿哥聽過佢啲故仔十萬九千次,都知佢吹水居多
但係你都要比反應架,咪笑下哦下囉
佢成日都話自己負責任負責任,我上次聽到嬲嬲地已經大大聲話番佢
係負責任既人根本就唔應該係出面偷食 成日衰咸濕
老母唔係本地人唔識廣東話,但次次都黑面,話我同阿哥係度認同老豆啲「豐功偉績」
我咪講囉,果啲只係客套說話,咁大個人仲唔識分佢講啲野真定假咩,佢都老啦咪由佢鳩up囉,次次聽完都左耳入右耳出架啦,dont take it serious啦嘛。 老母又唔信