敍利亞旅遊小資訊 + 遊記

Btw

留名！ 呢到好多高手 小弟甘拜下風 好想睇遊記！

巴打可唔可以比多d資訊
Syria都叫有d料搵到，Iraq個個google好似有既

旅行難度黎講同伊朗比較接近.

唔會掛，上年去完覺得伊朗都算係安全同多資訊喎

周圍子彈窿好癲

打咗文啦 但Upload相成日crash
聽日出文

當地人英文程度點? 剩用google translate夠?
其實會有咩風險?

樓主回歸 出個短文
先戴個頭盔. 本身冇諗住寫遊記. 影嘅相唔多.

出發前講起.

無啦啦想去敍利亞係因為對政治有興趣.
同埋最主要想睇下嗰度'基本'打完內戰之後嘅情況.
出發前一個月有呢個念頭. 之後上網搵料睇下點搞簽證.
發現基本上冇乜資訊. 好在係偉大嘅淘寶搵到Agent. 又唔算特別貴.
出咗簽之後應該係出發前1個禮拜. 就去馬買機票.
去敍利亞前再去咗轉埃及. 基本上係冇乜準備.

飛到去黎巴嫩.
落機兜咗個圈. 訓咗一晚. 基本上係打個卡就閃人.
因為時間有D緊逼. 9日之後就要返返Beirut飛走.
所以臨時決定只留1日. 多D時間喺敍利亞入面行下.

出城行咗個圈. 中東佬走資嘅天堂. 全部都有錢佬嘅大屋.







訓醒覺就Call個Uber去車站.
咁啱Beirut Hostel老板喺敍利亞人.
吹咗兩句. 介紹咗Damascus d景點畀我. 就正式出發.
Charles Helou開車. USD25到Damascus城外再自己轉的士入城. 比起我睇半年前嘅遊記加咗$5價.
美國GMC7人車一架. 喺香港揸嘅話入油都入窮.
等齊人就開車. 冇timetable. 唔好天黑先去就應該仲有車.
Beirut到邊境就全程山路. 好似個半鐘左右到.
會過境前停一停畀你唱錢買嘢吹個水.
同車嘅人好nice. 但唔識英文. 揸揸手笑下當識咗.




去到邊境. 好彩唔洗排好耐隊. 正路應該要等.
拎張E visa畀佢睇睇. 過去交錢USD75. 再返去dum個印就走得. 最緊要有錢畀.
唔算搞咗太耐. 當然肯定係成車最慢嗰個.
全程唔見外國人/遊客. 全程係講緊自此之後喺敍利亞入面嗰9日.

上返車再碌多個零鐘. 全程大直路. 加大量軍人哨站.
想順順利利快手最緊要識磅水. 司機自動波會搞掂.
醒目嘅我眼尾望到佢畀SYP100/200 (Syrian Pounds). ＝HKD1.25/2.5
心諗做軍人都麻麻地好搵. 通常截停你都係問兩句.
望到我Asian樣自然問下嚟呢度JM9. 睇下Passport. 但大部分都幾Nice嘅.

訓多陣好快到Damascus. 望到覺得唔係好真實.
因為以為係會打撚到爛晒. 講起都有D慚愧嚟之前冇乜做功課.
Damascus市內基本上係唔會點見到打仗嘅痕跡.
市郊就有一排打得相當之激烈. 之後走嗰時出去城外車站搭車先見到.
入到城第一感覺d樓有D似俄羅斯. 唔似係中東典型嗰種好亂嘅城市.

天台屋望落去

火車站. 打完仗冇乜人會搭火車



司機搵咗個DC9接我入城. 城外dum低咗我地.
嚟之前睇遊記介紹咗間cheap雞賓館. USD20/N
交低咗個地址畀DC9. 就安心影下相拍下片.
Damascus城唔算特別大. 我未行晒唔係好知.
DC9放低我. 冇記錯好似收咗SYP5000=USD6
幾撚貴.
但初到報到. 廢事同佢講價.
之後先開始覺得對DC9太好. 之後會講到點解.

敍利亞都安全呀留係大城市嘅話
資訊比較少

當地人英文=0
識少少阿拉伯文單字生存到.
大學生通常講到兩句. 基本溝通.

多唔多女性一個人係條街到行?
你去過咁多地方覺得治安最差係邊到?
將來會想去邊?

有文睇 正

LM睇玩命

認真阿富汗多人去?
喀布爾都依然非常唔安全...

最多真係去Wakhan Corridor或者烏茲別克短暫過一過停留Mazar...?

記得高登果時有個絲打一個去阿富汗既遊記
張合照係同請番黎渣AK既人合照

今時唔同往日...
上年開始政府軍警節節敗退
好多交通要塞都淪陷
大半國土失守⋯⋯

我覺得中東今時今日稱得上多人去既，只有以約伊朗，黎巴嫩勉強，其他用冷門到仆街黎形容都不為過

我就覺得以約、伊朗、UAE同卡塔爾係熱門（唔計土耳其同埃及）

係喎唔記得呢d土豪國北非唔計啦，火雞唔識講

火雞我去嗰陣（2009）好冷門，近排里拉跌變公廁

阿富汗都唔算中東，中亞就係

大家唔嫌簽證貴同埋無得去聖城麥加麥地那
其實可以考慮沙特阿拉伯丫
新香爐剛剛有得去應該唔會太公廁
其實D古跡都多，未計出沙漠

其實好多地方機票真係唔平（加埋簽證隨時已經皮幾）
而且會去中東既人個旅行list一定大把排隊，一個國家人生好可能係去一次
入唔到2個聖城我去沙特做咩萬一有生之年佢突然開放咪要去多次